Սեր (ֆիլմ, 2015)
«Սեր» (անգլ.՝ Love), ֆրանսիական դրամատիկական 3D-ֆիլմ, որի ռեժիսորը և սցենարիստը Գասպար Նոեն է[7]։ Կինոնկարի միջազգային պրեմիերան կայացել է 2015 թվականի մայիսի 20-ին՝ Կաննի կինոփառատոնի ժամանակ[8]։
.jpg) | |
| Երկիր |  Ֆրանսիա[1] Բելգիա[1] |
| Ժանր | դրամա, էրոտիկ ֆիլմ, մելոդրամա և ռոմանտիկ ֆիլմ |
| Թեմա | Մենաժ է թուա |
| Թվական | նոյեմբերի 26, 2015[1][2], սեպտեմբերի 24, 2015[3][4] և մայիսի 20, 2015 |
| Լեզու | անգլերեն և ֆրանսերեն |
| Ռեժիսոր | Գասպար Նոե[1] |
| Սցենարի հեղինակ | Գասպար Նոե[1] |
| Դերակատարներ | Karl Glusman?[5], Գասպար Նոե[5], Բենուա Դեբի[5], Վինսենտ Մարավալ[5], Déborah Révy?[5], Klara Kristin? և Aomi Muyock?[6] |
| Օպերատոր | Բենուա Դեբի[1] |
| Մոնտաժ | Գասպար Նոե[1] |
| Պատմվածքի վայր | Փարիզ |
| Նկարահանման վայր | Փարիզ |
| Կինոընկերություն | Wild Bunch |
| Տևողություն | 141 րոպե |
| Բյուջե | 3 000 000 $ |
| Պաշտոնական կայքէջ | |
Սյուժե
Սկսնակ կինոռեժիսոր Մըրֆին հունվարի 1-ին իր փարիզյան բնակարանում արթնանում է հեռախոսազանգից։ Նրա կողքին՝ անկողնում, քնած է շիկահեր Օմին՝ մի կին, որին նա չի սիրում, բայց որի հետ միասին ապրում է, քանի որ նա իր որդու՝ Գասպարի մայրն է։ Տղան դեռ կրքոտ սիրում է իր նախկին ընկերուհուն՝ նկարչուհի Էլեկտրային։ Նա Մըրֆիին թողել է այն բանից հետո, երբ իմացել է, որ Օմին իրենից երեխա է սպասում։ Հեռախոսով տղան լսում է Էլեկտրայի մոր թողած հաղորդագրությունը, որը մտահոգված է, որ աղջկանից երկու ամիս ոչ մի լուր չկա։ Այն Մըրֆիի մեջ արթնացնում է տանջալի հիշողություններ երջանիկ եղած ժամանակների՝ Էլեկտրոյի հետ անցկացրած պահերի մասին։
Դերերում
- Կարլ Գլուսման՝ Մըրֆի
- Աոմի Մույոկ՝ Էլեկտրա
- Կլարա Քրիստին՝ Օմի
- Արոն Փեյջես (Գասպար Նոե)՝ Նոե
- Խուան Սաավեդրա՝ Խուլիո
- Վենսան Մարավալ՝ Կաստել
- Բենուա Դեբի
- Ստելլա Ռոչա՝ Մամա
- Դեբորա Ռևի՝ Պավլա
Արտադրություն
Դերասանների ընտրություն
«Սեր» ֆիլմը երկու գլխավոր դերասանների՝ Աոմիի և Կլարայի դեբյուտն է, որոնց ռեժիսորը հանդիպել էր ակումբում[9]։ Իսկ Մըրֆիի դերը խաղացած Կարլ Գուսմանին Գասպար Նոեն գտել էր ընդհանուր ընկերոջ միջոցով[10]։
Նկարահանումներ
Նկարահանումները հիմնականում անցկացվել են Փարիզում[7]։ Ֆիլմում սեռական տեսարանների մեծ մասը իմպրովիզացիա է[11]։
Թողարկում
2015 թվականին Կաննի կինոփառատոնում ֆիլմի պրեմիերայից մեկ շաբաթ առաջ Alchemy ընկերությունը ձեռք է բերել այն Միացյալ Նահանգներում տարածելու իրավունքները[12][13]։ Կաննում ֆիլմը ցուցադրվել է 2015 թվականի մայիսի 20-ին Midnight Screenings բաժնում և քննադատներին ապշեցրել է շատ իրատեսական սեքսուալ տեսարաններով։ Ֆիլմը ցուցադրության համար ընտրվել է նաև Օդեսայի 2015 թվականի միջազգային կինոփառատոնի «Գալա պրեմիերաներ» բաժնում[14], ինչպես նաև Տորոնտոյի 2015 թվականի միջազգային կինոփառատոնի «Ավանգարդ» բաժնում[15]։
Այլ հետխորհրդային երկրներում
Վրաստանում ֆիլմի ցուցադրման վերաբերյալ քրեական գործ է հարուցվել, քանի որ դրա բովանդակությունը պոռնոգրաֆիկ է ճանաչվել[16]։
Ընդունում
«Սեր» ֆիլմն արժանացել է կինոքննադատների տարաբնույթ արձագանքներին։ Rotten Tomatoes կայքում ֆիլմն ունի 39 % ցուցանիշ՝ հիմնված 88 գրաքննությունների վրա՝ միջինը 4,9/10 միավորով[17]։ Metacritic կայքում ֆիլմի ցուցանիշը 100-ից 51 է՝ հիմնված 27 գրաքննության վրա[18]։