Սերգեյ Ստեպանով
Սերգեյ Ստեպանով (ռուս.՝ Серге́й И́горевич Степа́нов, ռումիներեն՝ Serghei Stepanov, սեպտեմբերի 3, 1984, Տիրասպոլ, Մոլդովական ԽՍՀ, ԽՍՀՄ), մոլդովացի երաժիշտ և կոմպոզիտոր, «SunStroke Project» խմբի անդամ։
Սերգեյ Ստեպանով | |
---|---|
![]() | |
Նաև հայտնի է որպես | Epic Sax Guy |
Ծնվել է | սեպտեմբերի 3, 1984 (39 տարեկան) Տիրասպոլ, Մոլդովական ԽՍՀ, ԽՍՀՄ |
Երկիր | ![]() |
Ժանրեր | EDM |
Մասնագիտություն | սաքսոֆոնահար և կոմպոզիտոր |
Գործիքներ | սաքսոֆոն |
Անդամակցություն | SunStroke Project |
Պարգևներ | |
![]() |
Կենսագրություն
Մանկության տարիներին նա նվագում էր դպրոցի երաժշտական խմբերում և երազում էր դառնալ հայտնի սաքսոֆոնահար։ 2005 թվականին Սերգեյ Ստեպանովը ավարտել է Տիրասպոլի Պրինդեստրյան բարձրագույն երաժշտական քոլեջը։ Քոլեջը ավարտելուց հետո պարտադիր զինվորական ծառայության է անցնում Պրիդնեստրովում, որտեղ հանդիպում է Անտոն Ռագոզային։ Նրանք ստեղծեցինք «Sunstroke» խումբը, որն այսօր հայտնի է որպես «SunStroke Project»[1][2]:
SunStroke Project
Խմբի շրջանակներում նա հանդես է եկել Օսլոյում կայացած «Եվրատեսիլ 2010» երգի մրցույթում, որտեղ նա զբաղեցրեց 22-րդ տեղը SunStroke Project խմբի հետ[3]։ «Եվրատեսիլ 2010» երգի մրցույթից հետո Սերգեյ Ստեպանովը, իր արտառոց տեսք ու բեմի շարժման շնորհիվ, հայտնի դարձավ համացանցում Epic Sax Guy կեղծանվամբ։ ՅուԹյուբում տեղադրվել են բազմաթիվ հոլովակներ, որտեղ Սերգեյը պարում է կամ հանդես է գալիս ծաղրական նմանակումներով տեսահոլովակներում[4][5][6]։
2014 թվականին Սերգեյի Եվրատեսիլ 2010 թվականի մրցույթի ելույթը հայտնվել է Եվրատեսիլ ռեկորդների գրքում, որպես այդ երգի մրցույթում տարբեր տարիների շատ զվարճալի պահեր պարգևած ելույթ[7]։ 2017 թվականին խումբը կրկին ելույթ է ունեցել Եվրատեսիլ երգի մրցույթում`«Hey Mamma» երգով, որը զբաղեցնում է 3-րդ տեղը։ Աշխարհի շատ թերթեր գրել են՝ «Epic Sax Guy-ն ետ է վերադարձել», համացանցում հայտնվել են նրա պարերից հատվածներ[8][9][10][11][12]։ Մրցույթից վերադառնալուց հետո Մոլդովայի նախագահը պարգևատրել է բարձրագույն պետական պարգևով` Պատվո շքանշանով[13][14][15]։
Epic Sax-off
2015 թվականի ապրիլին հեռարձակվել է Angry Birds Toons ֆիլմի 26-րդ սերիան, որը կոչվում էր Epic Sax-off: Հերոսներից մեկը կերտում էր Սերգեյ Ստեպանովի կերպարը «Եվրատեսիլ 2010» երգի մրցույթից[16][17]։
Ընտանիք
Պարգևներ
- 2017 թվականի մայիս - Պատվո շքանշան։
Ծանոթագրություններ
Արտաքին հղումներ
- Կենսագրությունն՝ խմբի պաշտոնական կայքում Արխիվացված 2016-03-28 Wayback Machine
- Սերգեյ Ստեպանովը Ֆեյսբուքում
![]() | Վիքիպահեստն ունի նյութեր, որոնք վերաբերում են «Սերգեյ Ստեպանով» հոդվածին։ |