Սերգեյ Ռազով
Սերգեյ Ռազով (հունվարի 28, 1953), խորհրդային և ռուս դիվանագետ, Իտալիայի Հանրապետությունում և Սան Մարինոյի Հանրապետությունում Ռուսաստանի Դաշնության արտակարգ և լիազոր դեսպան։ Ռուսաստանի Դաշնության դիվանագիտական ծառայության վաստակավոր գործիչ (2013)։
Սերգեյ Ռազով | |
![]() | |
Կրթություն՝ | Միջազգային հարաբերությունների Մոսկվայի պետական ինստիտուտ |
---|---|
Գիտական աստիճան՝ | տնտեսագիտական գիտությունների թեկնածու |
Մասնագիտություն՝ | դիվանագետ |
Ծննդյան օր | հունվարի 28, 1953 (71 տարեկան) |
Քաղաքացիություն | ![]() ![]() |
Պարգևներ | |
Կենսագրություն
1975 թվականին ավարտել է ԽՍՀՄ Արտաքին գործերի նախարարության Մոսկվայի միջազգային հարաբերությունների պետական ինստիտուտը։ Տիրապետում է անգլերեն, չինարեն և լեհերեն լեզուներին։
Տարբեր պաշտոններ է զբաղեցրել Չինաստանի ԽՍՀՄ առևտրային ներկայացուցչությունում, Խորհրդային Միության Կոմունիստական կուսակցության Կենտրոնական կոմիտեի միջազգային բաժնում, կենտրոնական ապարատում և Արտաքին գործերի նախարարության արտասահմանյան ներկայացուցչություններում։
![](http://upload.wikimedia.org/wikipedia/commons/thumb/5/5c/Vladimir_Putin_and_Matteo_Renczi_at_the_opening_day_of_Russia_at_Expo-2015_02.jpg/300px-Vladimir_Putin_and_Matteo_Renczi_at_the_opening_day_of_Russia_at_Expo-2015_02.jpg)
- 1990-1992 թվականներ` եղել է ԽՍՀՄ Արտաքին գործերի նախարարության Հեռավոր Արևելքի և Հնդկաչինի վարչության պետ
- 1992-1996 թվականներ` եղել է Մոնղոլիայում Ռուսաստանի Դաշնության արտակարգ և լիազոր դեսպան[1][2]։
- 1996-1999 թվականներ` Ռուսաստանի Դաշնության Արտաքին գործերի նախարարության Անկախ պետությունների համագործակցության երրորդ դեպարտամենտի տնօրեն։
- 1999-2002 թվականներ` Լեհաստանի Հանրապետությունում Ռուսաստանի Դաշնության արտակարգ և լիազոր դեսպան[3][4]։
- 2002-2005 թվականներ՝ Ռուսաստանի արտաքին գործերի նախարարի տեղակալ[5][6][7]։
- 2005-2013 թվականներ՝ Չինաստանի Ժողովրդական Հանրապետությունում Ռուսաստանի Դաշնության արտակարգ և լիազոր դեսպան[8][9]։
2013 թվականի մայիսից՝ Իտալիայի Հանրապետությունում և Սան Մարինոյի Հանրապետությունում Ռուսաստանի Դաշնության արտակարգ և լիազոր դեսպան[10][11]։
Գիտությունների թեկնածու։ Հեղինակ է մի շարք գիտական աշխատությունների և հրապարակումների։
Ընտանիք
Ամուսնացած է, ունի չափահաս որդի և դուստր[12]։
Դիվանագիտական աստիճան
Արտակարգ և լիազոր դեսպան (1992 թվականի հունվարի 24)[13]
Մրցանակներ
![](http://upload.wikimedia.org/wikipedia/commons/thumb/7/75/Vladimir_Putin_in_Italy_%2804-07-2019%29_03.jpg/290px-Vladimir_Putin_in_Italy_%2804-07-2019%29_03.jpg)
- Բարեկամության շքանշան (1996 թվականի հունիսի 21) ՝ պետությանը մատուցած ծառայությունների, արտաքին քաղաքական կուրսի անցկացման և Ռուսաստանի ազգային շահերի ապահովման գործում ունեցած մեծ ավանդի, ծառայողական պարտքը կատարելիս ցուցաբերած արիության և անձնվիրության համար[14]
- Ռուսաստանի Դաշնության կառավարության պատվոգիր (2002 թվականի սեպտեմբերի 18)` պետության արտաքին քաղաքական կուրսի իրականացման գործում անձնական մեծ ներդրման և Ռուսաստանի Արտաքին գործերի նախարարության 200-ամյակի կապակցությամբ[15]
- Պատվո շքանշան (2007 թվականի փետրվարի 6)` Ռուսաստանի Դաշնության արտաքին գործերի նախարարության համակարգում ձեռք բերված աշխատանքային հաջողությունների և բազմամյա բեղմնավոր գործունեության համար[16]
- «Հայրենիքի զոհված պաշտպանների հիշատակի հավերժացման գործում ունեցած վաստակի համար» (Ռուսաստանի Պաշտպանության նախարարություն, 2008 թվական) մեդալ՝ հայրենիքի զոհված պաշտպանների հիշատակի հավերժացման գործում ունեցած անձնական մեծ ավանդի, զոհվածների և անհայտ կորած զինծառայողների անունների սահմանման համար, ընդ որում` ցուցաբերած բարոյական և գործարար բարձր որակները, ջանասիրությունն ու ողջամիտ նախաձեռնությունը, հայրենիքի զոհված պաշտպանների հիշատակի հավերժացման խնդիրների լուծմանն աջակցելու համար[17]
- Ռուսաստանի Դաշնության Նախագահի շնորհակալությունը (2008 թվականի օգոստոսի 25)` Չինաստանում Ռուսաստանի տարվա և Ռուսաստանում Չինաստանի տարվա նախապատրաստման և անցկացման գործում մեծ ներդրման համար[18]
- «Ռուսաստանի Դաշնության դիվանագիտական ծառայության վաստակավոր գործիչ» (2013 թվականի փետրվարի 22)՝ Ռուսաստանի Դաշնության արտաքին քաղաքական կուրսի իրականացման գործում ներդրած մեծ ավանդի և երկարամյա բարեխիղճ աշխատանքի համար[19]
- Ալեքսանդր Նևսկու շքանշան (2018 թվականի ապրիլի 9)` Ռուսաստանի Դաշնության արտաքին քաղաքական կուրսի իրականացման գործում ունեցած մեծ ավանդի և երկարամյա անթերի պետական ծառայության համար[20]։
Ծանոթագրություններ
Տես նաև
Արտաքին հղումներ
- Курников, Вячеслав Иванович // Большая русская биографическая энциклопедия (электронное издание). — Версия 3.0. — М.: Бизнессофт, ИДДК, 2007.
- Сергей Разов, посол РФ в Италии (2016 թ․ փետրվարի 2). «Российско-итальянские отношения на фоне евроатлантической зимы». Российский совет по международным делам. Արխիվացված է օրիգինալից 2016 թ․ օգոստոսի 5-ին. Վերցված է 2016 թ․ հունիսի 18-ին.