Սերգեյ Միլինկովիչ-Սավիչ

Միլինկովիչ-Սավիչը ծնվել է Լլեյդայում, Իսպանիա, սպորտային ընտանիքում^[4][5]։ Նրա հայրը՝ Նիկոլա Միլինկովիչը ֆուտբոլիստ էր, իսկ մայրը՝ Միլանա Սավիչը պրոֆեսիոնալ բասկետբոլիստ^[6][7][8]։ Նրա փոքր եղբայրը՝ Վանյա Միլինկովիչ-Սավիչը նույնպես ֆուտբոլիստ է^[9][10]։ Միլինկովիչ-Սավիչը հանդես է եկել Սպորտինգ Լիսաբոնի և Գրացերի ակադեմիաներում։ 2006 թվականին նա միացավ Վոյվոդինայի երիտասարդական թիմին^[11][12]։ Իր առաջին պրոֆեսիոնալ պայմանագիրը կնքեց 2012 թվականի դեկտեմբերի 26-ին^[13]։

Իր պրոֆեսիոնալ դեբյուտը Միլինկովիչ-Սավիչը նշեց 2013 թվականի նոյեմբերի 23-ին՝ փոխարինման մտնելով Յագոդինայի դեմ խաղում^[14][15]։ Իր առաջին գոլը խփեց 2014 թվականի մարտի 9-ին՝ Սպարտակ Սուբոտիցայի դեմ խաղում^[16]։ Ապրիլի 5-ին սերբը գոլ խփեց Պարտիզանի դեմ խաղի 90-րդ րոպեին, իսկ հանդիպումն ավարտեց 1-1 հաշվով^[17]։ Ապրիլի 22-ին Միլինկովիչ-Սավիչը գոլի և գոլային փոխանցման հեղինակ դարձավ ՕՖԿ Բելգրադի դեմ խաղում՝ օգնելով Վոյվոդինային հաղթել 2-0 հաշվով^[18]։ Ապրիլի 9-ին նա խփեց Սերբիայի գավաթի կիսաեզրափակչի Սպարտակ Սուբոտիցայի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին^[19]։ Մայիսի 7-ին Միլինկովիչ-Սավիչը թիմի մեկնարկային կազմում խաղադաշտ դուրս եկավ Սերբիայի գավաթի եզրափակչի Յագոդինայի դեմ խաղում^[20], որտեղ Վոյվոդինան հաղթեց 2-0 հաշվով և նվաճեց գավաթը^[21][22]։ Ակումբի կազմում նա անցկացրեց 16 հանդիպում՝ դառնալով 4 գոլի հեղինակ^[23]։

2014 թվականի հունիսին Միլինկովիչ-Սավիչը 5 տարվա պայմանագիր կնքեց բելգիական Գենկի հետ՝ ստանալով 20 համարի մարզաշապիկը^[24]։ Իր դեբյուտը Բելգիայի առաջնությունում նշեց օգոստոսի 2-ին՝ փոխարինման մտնելով Սերկլ Բրյուգեի դեմ խաղում^[25][26]։ Իր առաջին գոլը խփեց 2015 թվականի հունվարի 18-ին՝ Լոկերենի դեմ խաղում^[27][28]։ Փետրվարի 8-ին Միլինկովիչ-Սավիչը խփեց Վասլանդ-Բևերենի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին^[29]։ Ապրիլի 24-ին սերբը գոլ խփեց Մեխելենի դեմ խաղում, իսկ հանդիպումը ավարտվեց 1-0 հաշվով^[30]։ Գենկի կազմում Միլինկովիչ-Սավիչը անցկացրեց 24 հանդիպում՝ դառնալով 5 գոլի հեղինակ։

2015 թվականի հուլիսի 31-ին Միլինկովիչ-Սավիչը 9 միլիոն եվրոյի դիմաց տեղափոխվեց Լացիո^[31][32][33]։ Իր դեբյուտը ակումբի կազմում նշեց օգոստոսի 18-ին՝ Չեմպիոնների Լիգայի որակավորման փլեյ-օֆֆի Բայեր Լևերկուզենի դեմ խաղում^[34][35]։ Առաջին հանդիպումը Սերիա A-ում անցկացրեց օգոստոսի 22-ին՝ փոխարինելով Սենադ Լուլիչին Բոլոնյայի դեմ խաղում^[36]։ Իր առաջին գոլը Միլինկովիչ-Սավիչը խփեց սեպտեմբերի 17-ին՝ Եվրոպայի Լիգայի խմբային փուլի Դնեպրի դեմ խաղում^[37][38]։ Դեկտեմբերի 20-ին սերբը գոլային փոխանցում տվեց Անտոնիո Կանդրևային Ինտեր Միլանի դեմ խաղում, ապա հեռացվեց խաղադաշտից հանդիպման 90-րդ րոպեին^[39]։ Սերիա A-ում իր առաջին գոլը խփեց 2016 թվականի հունվարի 9-ին՝ Ֆիորենտինայի դեմ խաղում^[40]։ Փետրվարի 18-ին նա գոլ խփեց Եվրոպայի Լիգայի 1/16 եզրափակչի Գալաթասարայի դեմ խաղում, իսկ հանդիպումն ավարտվեց 1-1 հաշվով^[41]։ Իր առաջին մրցաշրջանում Միլինկովիչ-Սավիչը անցկացրեց 35 հանդիպում՝ դառնալով 3 գոլի և 1 գոլային փոխանցման հեղինակ^[42]։

2016 թվականի նոյեմբերի 27-ին Միլինկովիչ-Սավիչը խփեց Պալերմոյի դեմ հանդիպման միակ գնդակը՝ 1-0 հաշվով հաղթանակ պարգևելով Լացիոյին^[43]։ 2017 թվականի հունվարի 15-ին սերբը գոլ խփեց Ատալանտայի դեմ խաղում՝ օգնելով իր թիմին հաղթել 2-1 հաշվով^[44]։ Ապրիլի 4-ին Միլինկովիչ-Սավիչը գոլի և գոլային փոխանցման հեղինակ դարձավ Իտալիայի գավաթի կիսաեզրափակչի Ռոմայի դեմ խաղում^[45]։ Ապրիլի 13-ին սերբը երկարաձգեց իր պայմանագիրը ակումբի հետ մինչև 2022 թվականը^{[46][47][48][49]}։ 2017 թվականի մայիսի 17-ին նա խաղադաշտ դուրս եկավ Իտալիայի գավաթի եզրափակչում՝ Յուվենտուսի դեմ խաղում^[50], սակայն այս Լացիոն պարտվեց 2-0 հաշվով^[51][52]։ 2016-17 մրցաշրջանում Միլինկովիչ-Սավիչը անցկացրեց 39 հանդիպում՝ դառնալով 7 գոլի և 7 գոլային փոխանցման հեղինակ^[53]։

2017 թվականի օգոստոսի 13-ին Միլինկովիչ-Սավիչը խաղադաշտ դուրս եկավ Իտալիայի սուպերգավաթի Յուվենտուսի դեմ խաղում^[54]՝ օգնելով Լացիոյին հաղթել 3-2 հաշվով և նվաճել գավաթը^[55][56]։ Օգոստոսի 27-ին սերբը գոլ խփեց Կիևոյի դեմ հանդիպման 89-րդ րոպեին՝ 2-1 հաշվով հաղթանակ պարգևելով իր թիմին^[57]։ Հոկտեմբերի 19-ին նա 2 գոլի և գոլային փոխանցման հեղինակ դարձավ Եվրոպայի Լիգայի խմբային փուլի Նիսի դեմ խաղում^[58]։ Դեկտեմբերի 17-ին Միլինկովիչ-Սավիչը դուբլ ձևակերպեց Ատալանտայի դեմ խաղում, իսկ հանդիպումն ավարտվեց 3-3 հաշվով^[59]։ 2018 թվականի հունվարի 21-ին նա դուբլի հեղինակ դարձավ Կիևոյի դեմ խաղում^[60]։ Փետրվարի 25-ին սերբը 2 գոլ խփեց Սասուոլոյի դեմ խաղում^[61]։ Ապրիլի 22-ին Միլինկովիչ-Սավիչը գոլի և գոլային փոխանցման հեղինակ դարձավ Սամպդորիայի դեմ խաղում^[62]։ Ապրիլի 29-ին նա խփեց Տորինոյի դեմ հանդիպման միակ գնդակը^[63]։ 2017-18 մրցաշրջանում Միլինկովիչ-Սավիչը անցկացրեց 48 հանդիպում՝ դառնալով 14 գոլի ու 8 գոլային փոխանցման հեղինակ^[64], և ընդգրկվելով Սերիա A-ի խորհրդանշական հավաքականում^{[65][66][67][68]}։

2018 թվականի սեպտեմբերի 23-ին Միլինկովիչ-Սավիչը գոլի և գոլային փոխանցման հեղինակ դարձավ Ջենոայի դեմ խաղում^[69]։ Հոկտեմբերի 1-ին 1 տարով երկարաձգեց իր պայմանագիրը Լացիոյի հետ^{[70][71][72][73]}։ Դեկտեմբերի 29-ին սերբը գոլ խփեց Տորինոյի դեմ խաղում, իսկ հանդիպումն ավարտվեց 1-1 հաշվով^[74]։ 2019 թվականի ապրիլի 20-ին Միլինկովիչ-Սավիչը հեռացվեց խաղադաշտից Կիևոյի դեմ խաղում՝ կարմիր քարտ ստանալով հանդիպման 34-րդ րոպեին^[75]։ Մայիսի 15-ին նա գոլի հեղինակ դարձավ Իտալիայի գավաթի եզրափակչի Ատալանտայի դեմ խաղում^[76]՝ օգնելով իր թիմին հաղթել 2-0 հաշվով և նվաճել գավաթը^[77][78]։ Մայիսի 20-ին սերբը գոլ խփեց Բոլոնյայի դեմ խաղում՝ փրկելով Լացիոյին պարտությունից^[79]։ 2018-19 մրցաշրջանում Միլինկովիչ-Սավիչը անցկացրեց 41 հանդիպում՝ դառնալով 7 գոլի ու 3 գոլային փոխանցման հեղինակ^[80], և ճանաչվելով Սերիա A-ի լավագույն կիսապաշտպան^[81][82][83]։

Լացիոյի ավագի թևկապով Միլինկովիչ-Սավիչը առաջին ագամ խաղադաշտ դուրս եկավ 2019 թվականի սեպտեմբերի 19-ին՝ Եվրոպայի Լիգայի խմբային փուլի Կլուժի դեմ խաղում^[84]։ Սեպտեմբերի 29-ին սերբը գոլի և գոլային փոխանցման հեղինակ դարձավ Ջենոայի դեմ խաղում^[85]։ Հոկտեմբերի 3-ին՝ Եվրոպայի Լիգայի Ռենի դեմ խաղում նա դարձավ գոլի և գոլային փոխանցման հեղինակ՝ օգնելով իր թիմին հաղթել 2-1 հաշվով^[86][87]։ Հոկտեմբերի 5-ին Միլինկովիչ-Սավիչը երկարաձգեց իր պայմանագիրը ակումբի հետ մինչև 2024 թվականը^[88][89]։ Դեկտեմբերի 22-ին նա գոլային փոխանցում տվեց Իտալիայի սուպերգավաթի Յուվենտուսի դեմ խաղում^[90], որտեղ Լացիոն հաղթեց 3-1 հաշվով^[91][92]։ Դեկտեմբերին Միլինկովիչ-Սավիչը ճանաչվեց Սերիա A-ի լավագույն ֆուտբոլիստ^[93][94]։

Միլինկովիչ-Սավիչը ներկայացրել է Սերբիան տարբեր տարիքային երիտասարդական հավաքականներում^[95][96]։ 2013 թվականի նա մինչև 19 տարեկանների հավաքականի կազմում մասնակցեց Եվրոպայի առաջնությանը՝ անցկացնելով 4 հանդիպում և օգնելով Սերբիային հաղթել մրցաշարը^[97][98]։ 2014 թվականին Միլինկովիչ-Սավիչը կրկին մասնակցեց Եվրոպայի Մ19 առաջնությանը^[99]։ Առաջնությունում նա անցակցրեց միայն 1 հանդիպում^[100], իսկ Սերբիան դուրս մնաց կիսաեզրափակչից՝ հետխաղյա 11-մետրանոցների հարվածաշարում պարտվելով Պորտուգալիային^[101][102]։ 2015 թվականին Միլինկովիչ-Սավիչը Մ20 հավաքականի կազմում մասնակցեց աշխարհի առաջնությանը^[103]։ Այստեղ նա անցկացրեց 6՝ դառնալով 1 գոլի և 1 գոլային փոխանցման հեղինակ, իսկ Սերբիան հաղթեց մրցաշարը^[104]՝ եզրափակչում ավելացված ժամանակում պարտության մատնելով Բրազիլիային^[105][106]։ Միլինկովիչ-Սավիչը ճանաչվեց մրցաշարի երրորդ լավագույն ֆուտբոլիստ՝ ստանալով բրոնզե գնդակ^[107]։

Սերբիայի ազգային հավաքական Միլինկովիչ-Սավիչը առաջին անգամ հրավիրվեց 2015 թվականի հոկտեմբերին`Ալբանիայի և Պորտուգալիայի դեմ խաղերի համար^[108], սակայն այս հանդիպումներում խաղադաշտ դուրս չեկավ^[109][110]։ Իր դեբյուտը ազգային հավաքականում նշեց 2017 թվականի նոյեմբերի 10-ին՝ մեկնարկային կազմում խաղադաշտ դուրս գալով Չինաստանի դեմ ընկերական խաղում^[111][112]։ 2018 թվականի հունիսի 1-ին Միլինկովիչ-Սավիչը ընդգրկվեց Սերբիայի ազգային հավաքականի՝ աշխարհի առաջնության համար վերջնական կազմում^[113][114]։ Այստեղ նա խաղադաշտ դուրս եկավ թիմի բոլոր 3 հանդիպումներում^[115], իսկ Սերբիան դուրս մնաց խմբային փուլից՝ զբաղեցնելով 3-րդ հորիզոնականը իր խմբում^[116]։

2019 թվականի սեպտեմբերի 10-ին Միլինկովիչ-Սավիչը 2 գոլային փոխանցում տվեց Լյուքսեմբուրգի դեմ խաղում՝ օգնելով իր թիմին հաղթել 3-1 հաշվով^[117][118]։

2020 թվականի հունվարի 9-ի դրությամբ^[119]

2020 թվականի հունվարի 9-ի դրությամբ^[119]

Վոյվոդինա

• Սերբիայի գավաթ. 2013–14^[21]

Լացիո

• Իտալիայի գավաթ. 2018–19^[77], երկրորդ տեղ. 2016–17^[51]
• Իտալիայի սուպերգավաթ. 2017^[55], 2019^[91]

Սերբիա Մ19

• ՈՒԵՖԱ Եվրոպայի Մ19 առաջնություն. 2013^[97]

Սերբիա Մ20

• ՖԻՖԱ աշխարհի Մ20 առաջնություն. 2015^[104]

• ՖԻՖԱ աշխարհի Մ20 առաջնության երրորդ լավագույն ֆուտբոլիստ. 2015^[107]
• Սերիա A-ի խորհրդանշական հավաքական. 2017–18^[65]
• Սերիա A-ի լավագույն կիսապաշտպան. 2018–19^[81]
• Սերիա A-ի ամսվա լավագույն ֆուտբոլիստ. դեկտեմբեր 2019^[93]

• Միլինկովիչ-Սավիչի պաշտոնական Ֆեյսբուքի էջը
• Միլինկովիչ-Սավիչի պաշտոնական Ինստագրամի էջը
• Միլինկովիչ-Սավիչը transfermarkt-ում
• Միլինկովիչ-Սավիչը soccerbase.com-ում
• Միլինկովիչ-Սավիչը WhoScored.com կայքում
• Միլինկովիչ-Սավիչը Լացիոյի պաշտոնական կայքում(չաշխատող հղում)
• Միլինկովիչ-Սավիչը Սերիա A-ի պաշտոնական կայքում Արխիվացված 2020-01-30 Wayback Machine
• Միլինկովիչ-Սավիչը ՈՒԵՖԱ-ի պաշտոնական կայքում
• Միլինկովիչ-Սավիչը ՖԻՖԱ-ի պաշտոնական կայքում Արխիվացված 2020-06-05 Wayback Machine

Վիքիպահեստն ունի նյութեր, որոնք վերաբերում են «Սերգեյ Միլինկովիչ-Սավիչ» հոդվածին։