Սերբիայի նախագահ

Համաձայն 2006 թվականի սահմանադրության՝ նախագահը^[2].

• ընտրվում է 5 տարով,
• կարող է ընտրվել երկու անգամից ոչ ավելի,
• ներկայացնում է երկիրն աշխարհում,
• Ազգային խորհրդարանում առաջարկում է կառավարության նախագահին,
• իրավունք ունի վետո դնել օրենքներին, որից հետո օրենքը կրկնին քննարկվում է։ Եթե օրենքն ընդունվում է երկրորդ անգամ, ապա նախագահը պարտավոր է այն ստորագրել։
• նշանակում և ետ է կանչում Սերբիայի դեսպաններին կառավարության առաջարկով,
• անձեռնմխելի է
• կարող է արձակել Խորհրդարանը և նշանակել պատգամավորների ընտրություններ,
• համաներում է իրականացնում,
• շքանշաններ է տալիս,
• չի կարող զբաղվել այլ ծառայությամբ և մասնագիտական գործունեությամբ,
• համարվում է ռազմական ուժերի գերագույն ղեկավարը։

Եթե նախագահը հեռանում է պաշտոնից, նրա պարտականություններն իրականացնում է Սերբիայի խորհրդարանի նախագահը։

Սերբիայի նախագահն ունի հատուկ դրոշ, որը կոչվում է նախագահական դրոշակ։

Սերբիայի նախագահների ցանկն սկսած 1991 թվականից, երբ այդ պաշտոնը ձևավորվել է։ Ներկայացված են նաև դեմքեր, որոնք կատարել են պետությունը գլխավորողի պարտականությունները։

№	Լուսանկար	Անուն	Պաշտոնավարման ժամկետ		Կուսակցություն	Նշում
1		Սլոբոդան Միլոշևիչ (սերբ.՝ Слободан Милошевић, Slobodan Milošević)	1991 հունվարի 11	1997 հուլիսի 23	Սերբիայի սոցիալիստական կուսակցություն	1989 թվականի մայիսի 8-ից զբաղեցրել է Սերբիայի պրեզիդիումի նախագահի պաշտոնը։ 1990 թվականի դեկտեմբերի 9-ին հաղթել է նախագահական ընտրություններում՝ հավաքելով ձայների 65,3 %։ Կրկին հաղթել է 1992 թվականի դեկտեմբերի 20-ի ընտրություններում (53,2 %)՚ Հեռացել է պաշտոնից՝ դառնալով Հարավսլավիայի նախագահ։
-		Դրագան Տոմիչ (սերբ.՝ Драган Томић, Dragan Tomić)	1997 հուլիսի 23	1997 դեկտեմբերի 29		Սերբիայի խորհրդարանի նախագահ, նախագահի պաշտոնակատար։ Շարունակել է կատարել իր պարտականություններն այն բանից հետո, երբ 1997 թվականի հոկտեմբերի 5-ին չի կայացել նախագահի ընտրության երկրորդ փուլը։
2		Միլան Միլուտինովիչ (սերբ.՝ Милан Милутиновић, Milan Milutinović)	1997 դեկտեմբերի 29	2002 դեկտեմբերի 29	Սերբիայի սոցիալիստական կուսակցություն	Նախագահ է ընտրվել 1997 թվականի դեկտեմբերի 21-ին կրկնական ընտրությունների երկրորդ փուլով՝ հավաքելով 59,2 %։ Հեռացել է պաշտոնից՝ կապված նախագահության ժամկետի լրանալու հետ։
-		Նատաշա Միչիչ (սերբ.՝ Наташа Мићић, Nataša Mićić)	2002 դեկտեմբերի 29	2004 փետրվարի 4		Սերբիայի խորհրդարանի նախագահ, նախագահի պաշտոնակատար։ Զբաղեցրել է պաշտոնը՝ կապված նախագահ Միլան Միլուտինովիչի լիազորությունների ժամկետի լրանալու հետ և նոր նախագահ չընտրվելու հետ, քանի որ 2002 թվականի դեկտեմբերի 8-ի կրկնական ընտրություններում ցածր էր ընտրողների մասնակցության տոկոսը (նախնական ընտրությունների հոկտեմբերի 13-ի երկրորդ փուլում ևս ցածր էր մասնակցությունը սահմանված 50 % շեմից)։ Շարունակել է կատարել նախագահի պարտականությունները 2003 թվականի նոյեմբերի 16-ին չկայացած ընտրություններից հետո (պատճառը ընտրողների ցածր մասնակցելիություններ էր)։
-		Դրագան Մարշիչանին (սերբ.՝ Драган Маршићанин, Dragan Maršićanin)	2004 փետրվարի 4	2004 մարտի 3	Սերբիայի դեմոկրատական կուսակցություն	Սերբիայի խորհրդարանի նախագահ, նախագահի պաշտոնակատար։ Հեռացել է պաշտոնից՝ դառնալով էկոնոմիկայի նախարար
-		Վոիսլավ Միխայիլովիչ (սերբ.՝ Војислав Михаиловић, Vojislav Mihailović)	2004 մարտի 3	2004 մարտի 4		Սերբիայի խորհրդարանի նախագահի պաշտոնակատար, նախագահի պաշտոնակատար։
-		Պրեդրագ Մարկովիչ (սերբ.՝ Предраг Марковић, Predrag Marković)	2004 մարտի 4	2004 հուլիսի 11		Սերբիայի խորհրդարանի նախագահ, նախագահի պաշտոնակատար։
3		Բորիս Տադիչ (սերբ.՝ Борис Тадић, Boris Tadić)	2004 հուլիսի 11	2012 ապրիլի 5	Սերբիայի դեմոկրատական կուսակցություն	Հաղթել է 2004 թվականի հունիսի 27-ի ընտրությունների երկրորդ փուլում՝ ստանալով ձայների 53,2 %։ Կրկին զբաղեցրել է պաշտոնը՝ հաղթելով 2008 թվականի փետրվարի 3-ի ընտրությունների երկրորդ փուլում (50,3 %)։ Վաղաժամկետ հրաժարական է տվել։
-		Սլավիցա Ջուկիչ-Դեյանովիչ (սերբ.՝ Славица Ђукић-Дејановић)	2012 ապրիլի 5	2012 մայիսի 31	Սերբիայի սոցիալիստական կուսակցություն	Սերբիայի խորհրդարանի նախագահ, նախագահի պաշտոնակատար։
4		Տոմիսլավ Նիկոլիչ (սերբ.՝ Томислав Николић, Tomislav Nikolić)	2012 մայիսի 31	2017 մայիսի 31	Սերբիայի առաջադիմական կուսակցությոն	Հաղթել է ընտրությունների երկրորդ փուլում։
5		Տոմիսլավ Նիկոլիչ	2017 մայիսի 31	այժմ պաշտոնավարում է	Սերբիայի առաջադիմական կուսակցությոն	Հաղթել է ընտրություններում։

• Սերբիայի նախագահի պաշտոնական կայք Արխիվացված 2021-05-08 Wayback Machine