Սենիկ Մկրտչյան
Սենիկ Հովհաննեսի Մկրտչյան (հունվարի 2, 1935, Նոր Արմավիր, Ղուրդուղուլին շրջան, Հայկական ԽՍՀ, ԱԽՖՍՀ, ԽՍՀՄ - դեկտեմբերի 25, 2012[1]), հաշվողական տեխնիկայի բնագավառի հայ գիտնական։ Տեխնիկական գիտությունների դոկտոր (1976), պրոֆեսոր (1979): Հայաստանի ճարտարագիտական ակադեմիայի (1994), Միջազգային ճարտարագիտական ակադեմիայի (1997) անդամ։ ՀՀ վաստակավոր գյուտարար (1996):
Սենիկ Մկրտչյան | |
|---|---|
| Ծնվել է | հունվարի 2, 1935 Նոր Արմավիր, Ղուրդուղուլին շրջան, Հայկական ԽՍՀ, ԱԽՖՍՀ, ԽՍՀՄ |
| Մահացել է | դեկտեմբերի 25, 2012 (77 տարեկան) |
| Քաղաքացիություն |  ԽՍՀՄ և  Հայաստան |
| Մասնագիտություն | գիտնական |
| Հաստատություն(ներ) | ՀԱՊՀ |
| Ալմա մատեր | Երևանի պետական համալսարան (1957) |
| Գիտական աստիճան | տեխնիկական գիտությունների դոկտոր (1976) |
| Պարգևներ |  |
Կենսագրություն
Սենիկ Մկրտչյանը ծնվել է 1935 թվականի հունվարի 2-ին, Նոր Արմավիր (ՀՀ Արմավիրի մարզ) գյուղում։ 1957 թվականին ավարտել է Երևանի պետական համալսարանը։ 1977-1999 թվականներին եղել է Հայաստանի պետական ճարտարագիտական համալսարանի միկրոէլեկտրոնիկայի և կիսահաղորդչային սարքերի ամբիոնի վարիչ։ 1988-1993 թվականներին եղել է տեխնիկական կիբեռնետիկայի ֆակուլտետի դեկան։
Աշխատանքները վերաբերում են հաշվողական տեխնիկայի և ավտոմատիկայի տարրերի սխեմատեխնիկայի և տեխնոլոգիայի հարցերին։ Մշակել է նեյտրոնային տրամաբանության տարրերի տեսության և կիրառության խնդիրներ, մասնակցել ՀՀ-ում առաջին հաշվաղական մեքենաների ստեղծման աշխատանքներին, մշակել է և արտադրության մեջ ներդրել էլեկտրոնային սարքերի ստեղծման արդյունավետ տեխնոլոգիա, մասնագիտացված հիբրիդային ինտեգրալ միկրոսխեմաներ։ Զբաղվում է նոր սերնդի համակարգիչների՝ նյարդահամակարգիչների մշակման և նախագծման հարցերով[2][3]։
Պարգևներ
- ՀՀ Անանիա Շիրակացու մեդալ՝ տնտեսության, ճարտարագիտության ու տեխնիկայի բնագավառներում ակնառու գործունեության, նշանակալի գյուտերի[4] և հայտնագործությունների համար (2004)
Երկեր
- Нейроны и нейронные сети. Энергия, 1971 - 230 с..[5][6]
- Միկրոսխեմատեխնիկա։ Թվային ինտեգրալ սխեմաներ տիպային կասկադներ։ Ուսումնական ձեռնարկ, Երևան, ԵՊԻ, 1986։
- Միկրոսխեմատեխնիկա և նեյրոսխեմատեխնիկա։ Երևան, Ա. հ, 1999։
- Միկրոսխեմատեխնիկա։ Թվային իս-երով կառուցված տրամաբանական սարքեր։ Ուսումնական ձեռնարկ։ Երևան, ԵրՊ , 1987։
- Մտքերի հետքեր (Խոհական, խրատական, երգիծական և լիրիկական մտքեր, որոնց հետքերը արտահայտված են չափածո խոսքով)։ Երևան, ՀՊՃՀ, 2001։
- Ֆոտոընդունիչներ անցյալը, ներկան, ապագան։ Երևան, Հայաստան, 1986։
- Преобразователи уровней логических элементов, 1982, 64 с.[7]
Ծանոթագրություններ
 | Վիքիդարանն ունի նյութեր, որոնք վերաբերում են «Սենիկ Մկրտչյան» հոդվածին։ |