Սեգորբեի տաճար
Սեգորբեի
| Սեգորբեի տաճար Segorbe Cathedral | |
|---|---|
 | |
| Հիմնական տվյալներ | |
| Տեսակ | եկեղեցի |
| Երկիր |  Իսպանիա |
| Տեղագրություն | Segorbe?[1] |
| Հասցե | C/ San Cristóbal, 4; c/ Colón, 30. Segorbe[2] |
| Դավանանք | կաթոլիկություն |
| Թեմ | Roman Catholic Diocese of Segorbe-Castellón?[3] |
| Հիմնական ամսաթվերը | 13-րդ դար |
| Ժառանգության կարգավիճակ | Իսպանիայի մշակութային ժառանգության օբյեկտ[1] |
| Նվիրված | Մարիամ Աստվածածին |
| Ճարտարապետական ոճ | Գոթական, նեոկլասիկական |
| Հիմնադրված | 13-րդ դար |
 | |
 | |
 Segorbe Cathedral Վիքիպահեստում | |
Սեգորբեի տաճար (իսպ.՝ Catedral de la Asunción de la Virgen), կաթոլիկ եկեղեցի Իսպանիայի Կաստելյոն պրովինցիայի Սեգորբե քաղաքում։ Տաճարը Սեգորբա-Կաստելյոնի թեմի եկեղեցական աթոռն է։ Տաճարը 1985 թվականին ստացել է փոքր բազիլիկի կոչում[4]։
Պատմություն
Քաղաքի պարսպի դիմաց գտնվող եկեղեցին, որ մի ժամանակ մզկիթ է եղել, ամբողջապես վերակառուցվել է 1246 թվականին, վալենսիական գոթական ոճով և այնպես, որ այնտեղ արաբական ճարտարապետության հետք չի մնացել[5][6]։ Այս 13-րդ դարի կառույցից մնացել են միայն արևմտյան ճակատի որոշ հատվածներ, մի քանի մատուռի կամարներ, պատեր, Սանտա Բարբարայի աշտարակը, զանգակատունը և վանքը։ Տաճարը օծվել է 1534 թվականի մայիսի 7-ին[7] և ունի միայն մեկ խաչաթև նավ։ Վերջինս չունի տրանսեպտ և գմբեթ, բայց հենարանների միջև տեղակայված են մատուռներ։ Տաճարը կամրջով կապված է հին եպիսկոպոսական պալատի հետ։
Զանգակատունն իր խոշոր տեսքով և քառակուսի պլանով սովորաբար հիշեցնում է ռոմանական ոճ։ Տաճարը կանգնած է 36 մետր բարձրության վրա։ Գոթական վանքն ունի տրապիզոնաձև պլան և երկու հարկ․ ցածր հարկ այն է, որ կառուցվել է է 14-15-րդ դարերում, իսկ մյուսը՝ 15-րդ և 16-րդ դարի սկզբներին։ Գլխավոր ճակատը թվագրվում է 1665 թվականին։
16-րդ դարում պրեսբիտերիումը վերանորոգվեց Վերածննդի ոճով։ 1530 թվականին ավելացվել է նաև բարձր խորանը, որը նախագծել է Վիսենտե Խուան Մասիպը[5]։ Եկեղեցին Լուիս Պլանեսի կողմից ձևավորվել է ֆրեսկոներով[7]։
Եկեղեցին վերանորոգվել է 1791-1795 թվականներին նեոդասական ոճով, որի արդյունքում գոթական կառուցվածքը գրեթե վերացել է։ Եկեղեցու նավը երկարարեցվել է, և ավելացվել են նոր խորաններ։
Թանգարան
Տաճարի թանգարանը պարունակում է տեղական և արտասահմանյան արվեստագետների մի շարք արվեստի գործեր, որոնք պատկանում են միջազգային գոթական ոճին, 15-րդ դարի ֆլամանդական նկարչությանը, 16-րդ դարի Վալենսիայի դպրոցին։ Ներկայացված նկարիչներից են Jaume Mateu, Վիսենտե Խուան Մասիպը և նրա որդին՝ Խուանը, ինչպես նաև իտալացի Դոնատելլոն։
Պատկերասրահ
.jpg)
Ծանոթագրություններ
Արտաքին հղումներ
- Official website Արխիվացված 2020-02-03 Wayback Machine (Իսպաներեն)
- Història de la construcció Արխիվացված 2010-02-11 Wayback Machine Pàgina Oficial de la Catedral de Sogorb. (Իսպաներեն)
- http://www.obsegorbecastellon.es/index.php?option=com_content&view=article&id=19:sesis-de-un-proceso-secular&catid=15:catedral&Itemid=33&lang=es
- Descripció del monument Արխիվացված 2008-12-05 Wayback Machine La Llum de les imatges. (Իսպաներեն)
 | Վիքիպահեստն ունի նյութեր, որոնք վերաբերում են «Սեգորբեի տաճար» հոդվածին։ |