Սառա Դրյու

Դրյուն ծնվել է Շարլոթսվիլում, իսկ մեծացել է Նյու Յորքի Սթոնի Բրուք քաղաքում։ Լինելով դպրոցական՝ նա սկսել է իր կարիերան որպես հնչյունավորման դերասանուհի, աշխատել է «Դարիա» մուլտսերիալում։ 2002 թվականին բակալավրի աստիճանով ավարտել է Վիրջինիայի համալսարանը, իսկ հետագա տարիներին ակտիվորեն երևացել է կինոնկարներում և հեռուստատեսությունում^[2]։

2001 թվականին Դրյուն «Ռոմեո և Ջուլիետա» բեմադրությունով առաջնաելույթ է ունեցել բեմում, իսկ 2003 թվականին դեր է ստացել «Վինսենթը Բրիկսթոնում» մյուզիքլում^[2]։ «Ռադիո» (2003) կինոֆիլմից հետո 2008-2009 թվականներին Դրյուն սկսել է նկարահանվել «Այրու սերը» սերիալում։ 2008-2009 թվականին մի քանի անգամ հայտնվել է «Խենթերը» սերիալում, բացի այդ հյուր է եղել բազմաթիվ այլ շոուներում, այդ թվում`«Օրենք և կարգ։ Հատուկ ստորաբաժանում», Մասնավոր պրակտիկա և Կասլ։

2009 թվականի սկզբներին Շոնդա Ռայմսը Դրյուին վերցրել է իր «Տուփի ներսում» պիլոտ, որը որպես կանոնավոր սերիալ չի իրականացվել^[3]։ Դա հանգեցրել է այն բանին, որ հենց նույն թվականին Ռեյմսը դերասանուհուն դոկտոր Էյփրիլ Քեփների դերով վերցրել է իր «Գրեյի անատոմիա» սերիալ։ Վեցերորդում պարբերական կարգավիճակում հայտնվելուց հետո Դրյուն, սկսած յոթերորդ եթերաշրջանից, մտցվել է սերիալի գլխավոր դերասանական կազմ^[4]։

2002 թվականի հունիսից Դրույն ամուսնացած է Լոս Անջելեսի կալիֆոռնյան համալսարանի դասախոս Փիթեր Լանֆերի հետ։ Զույգը ունի երկու երեխա՝ որդին՝ Միքի Էմանուել Լանֆերը (ծնվ. 18.01.2012) և դուստրը Հաննա Մելի Ռոուզ Լանֆերը (ծնվ. 03․03․2014)^[5]։