Սանդրո Շերեր
Սանդրո Շերեր (գերմ.՝ Sandro Schärer, հունիսի 6, 1988, Büttikon, Bremgarten District, Արգաու, Շվեյցարիա), շվեյցարացի ֆուտբոլային մրցավար։ 2015 թվականից՝ ՖԻՖԱ-ի մրցավար։
 | |||
|---|---|---|---|
 | |||
| Քաղաքացիությունը |  Շվեյցարիա | ||
| Ծննդյան ամսաթիվ | հունիսի 6, 1988 (36 տարեկան) | ||
| Ծննդավայր | Büttikon, Bremgarten District, Արգաու, Շվեյցարիա | ||
Կենսագրություն
Դպրոցի վկայական ստանալու համար հանձնած քննությունից հետո Շերերը Բազելի համալսարանում սկսել է ուսումնասիրել ֆիզկուլտուրա և աշխարհագրություն։ Նա իր կարիերան սկսել է որպես կրտսեր ուսուցիչ՝ դասավանդելով տարբեր դպրոցներում, ինչպես նաև եղել է դահուկների հրահանգիչ[1]։
2016 թվականից նա ղեկավարում է Շվեյցարիայի ֆուտբոլային միության (SFV) մրցավարական համակարգի համար տաղանդների զարգացման ծրագիրը։
Կարիերա
2005 թվականին Շերերը ավարտել է ֆուտբոլի մրցավարի որակավորման դասընթացները։ Արդեն 2011 թվականին 24 տարեկան հասակում նա մրցում էր Շվեյցարիայի մեծությամբ երկրորդ դիվիզիոնի՝ Չելենջ լիգայի հանդիպումները։ 2013 թվականին նա իր նորամուտը նշեց Շվեյցարիայի Սուպերլիգայում FC Lausanne-Sport-ի և FC Thun-ի միջև խաղում։ 2020 թվականին նա աշխատել է Շվեյցարիայի գավաթի եզրափակիչ խաղում ՖԱ Բազելի և Յանգ Բոյզ Բեռնի միջև։
Շերերը ՖԻՖԱ-ի մրցավարն է 2015 թվականից։ Նա իր միջազգային նորամուտը նշեց Եվրոպայի մինչև 17 տարեկանների ֆուտբոլի առաջնության ընտրական մրցաշարում։ Նույն թվականին նա ստացավ իր առաջին միջազգային հանձնարարությունը Եվրոպայի լիգայի 1-ին որակավորման փուլի IF Elfsborg - FC Lahti հանդիպման համար։ Ազգային հավաքականների միջև առաջին հանդիպումը Իտալիայի և Սան Մարինոյի միջև կայացավ 2017 թվականի մայիսին։ Այդ ժամանակից ի վեր նա պարբերաբար աշխատել է Եվրոպայի լիգայի խմբային փուլի և չեմպիոնների լիգայի որակավորման փուլի հանդիպումներում։ Նա իր նորամուտը նշեց չեմպիոնների լիգայի խմբային փուլում 2020 թվականի հոկտեմբերին «Բարսելոնա» - «Ֆերենցվարոշ Բուդապեշտ» խաղում։ Սանդրոն դարձավ Մասիմո Բուսակիից հետո առաջին շվեյցարացին, ով մրցումների այս փուլում հանդիպումներ է անցկացրել[2]։
Շերերը նշանակվել է 2021 թվականի ՈւԵՖԱ-ի մինչև 21 տարեկանների ֆուտբոլի Եվրոպայի առաջնության խմբային փուլի 12 մրցավարներից մեկը։ Հունգարիայի և Սլովենիայի մրցաշարերում նա մասնակցել է երեք հանդիպման, այդ թվում՝ առաջնության կիսաեզրափակիչում, որտեղ Գերմանիան խաղում էր Հոլանդիայի դեմ[3]։
2021-2022 թվականների մրցաշրջանի երկրորդ կեսում Շերերը բարձրացել է ՈՒԵՖԱ-ի էլիտար մրցավարների կատեգորիա։
Տարբեր փոխանակման ծրագրերի շրջանակներում շվեյցարացի մրցավարը հանդիպումներ է անցկացրել նաև Ավստրիայի Բունդեսլիգայում, Ֆրանսիայի Լիգա 1- ում, Քաթարի աստղային լիգայում, ինչպես նաև Հունաստանի գավաթի խաղարկությունում։
2024 թվականի ապրիլին նա ընտրվել է գլխավոր մրցավարներից մեկը 19 մրցավարական թիմերից՝ սպասարկելու ֆուտբոլի Եվրոպայի առաջնության հանդիպումները, որոնք կկայանա 2024 թվականի հունիս-հուլիս ամիսներին Գերմանիայի ֆուտբոլային դաշտերում[4]։
Ծանոթագրություններ
 | Վիքիպահեստն ունի նյութեր, որոնք վերաբերում են «Սանդրո Շերեր» հոդվածին։ |