Սանդրա Բագարիչ

Սանդրա Բագարիչը ծնվել է Զենիցայում (այժմ՝ Բոսնիա և Հերցեգովինա)։ Ավարտել է երաժշտական դպրոցը, շարունակել ուսումը Սարաևոյում, սակայն բոսնիական պատերազմի սկսվելուց հետո նա 1992 թվականին մեկնել է Զագրեբ, որտեղ սովորել է երաժշտական ակադեմիայում։ Նրա ուսուցիչը Լիլանա Մոլնար-Տալաիչն էր։ Հայտնի է «Մադամ տրուբադուր», «Կոմսուհի Մարիցա», «Չղջիկ», «Բոկկաչիո» և «Ով երգում է, վատ չի մտածում» օպերաների արիաների կատարման համար։ Նա իր երգերով երեք ձայնասկավառակ է թողարկել՝ «Sonati od sna», «Teatar marmelade» և «Adagio»:

2007 թվականին Սանդրա Բագարիչը Kraljevi Ulice խմբի հետ ելույթ է ունեցել «Դորա 2007» երաժշտական փառատոնում «Pjesma za novčić» երգով, որը հանդիսանում էր Հելսինկիի Եվրատեսիլ մրցույթի ընտրություն, և զբաղեցրել է 2-րդ տեղը^[1]։

Ամուսնացած է, ամուսինը՝ Darko Domitrovich-ը, դաշնակահար է և Զագրեբի երաժշտական ակադեմիայի պրոֆեսոր^[2]։ Որդիներն են՝ Մարկոն և Լովրոն^[3]։