Ռոքֆելլեր կենտրոն
Ռոքֆելլեր կենտրոն (անգլ.՝ Rockefeller Center), խոշոր գրասենյակային կենտրոն Նյու Յորքում, որը կառուցվել է մանհեթենյան միդթաունում 1930-ականներին Ռոքֆելլեր ընտանիքի գումարներով։ Անվանվել է ի պատիվ Ջոն Դևիսոն Ռոքֆելլեր կրտսերի։ Առավել հայտնի են 14 բարձրահարկ շենքեր ար-դեկո ոճային ձևավորմամբ։ Այստեղ են գտնվում տարբեր ընկերությունների շտաբ-բնակարանները և ըստ եկամտաբերության խոշորագույն «Քրիստիս» աճուրդի տունը։ 1989 թվականին Ռոքֆելլերի կենտրոնը Ռոքֆելլերներից գնել է ճապոնական Mitsubishi ընկերությունների խումբը[3]։
| Կոորդինատներ | |
|---|---|
| Փոստային ինդեքս | 10112, 10020 և 10111[1][2] |
 Rockefeller Center Վիքիպահեստում | |
ԱՄՆ ազգային պատմական հուշարձան է 1987 թվականից։
Ռոքֆելլերի կենտրոնի որոշ շինություններ
- Ջի-Ի-Բիլդինգ
- Ռադիո-սիթի-մյուզիք-հոլլ
Ռիվերայի որմնանկար
1932-1934 թվականներին Ամերիկայի խոշորագույն նկարիչ մեքսիկացի Դիեգո Ռիվերան Նելսոն Ռոքֆելլերի պատվերով ստեղծեց՝ 99 քառակուսի մետր մակերեսով «Մարդ ճամփաբաժնում» որմնանկարը, որի վրա պատկերված է Մոսկվայի մայիսմեկյան ցույցը մայիսի 1-ին՝ Վլադիմիր Լենինի պատկերով։ Պատվիրատուն խիստ դժգոհ է մնացել այդ պատկերով (որմնանկարում Լենինը միացնում է աշխատավորների ձեռքերը)։ Որոշ ժամանակ այս որմնանկար թաքցնում էին վարագույրի տակ, իսկ 1934 թվականի սկզբին ոչնչացրել են Կենտրոնի ղեկավարության հրամանով[4]։ Ռիվերան հետագայում վերստեղծեց որմնանկարը Մեխիկոյում՝ Պալասիո դե Բելյաս Արտես օպերային թատրոնում։
Սուրբծննդյան տոնակատարություն
Յուրաքանչյուր Սուրբ ծնունդ Ռոքֆելլերի կենտրոնում զարդարվում է քաղաքի գլխավոր տոնածառը։ Տոնածառի լույսերի առաջին վառելը հեռարձակում է NBC հեռուստաալիքը։
Ռոքֆելլերի կենտրոնը հայտնի է նաև իր սահադաշտով։
Տե՛ս նաև
- Էմփայր Սթեյթ Բիլդինգ
- Ճաշ երկնաքերում
- Ատլանտի արձան (Նյու Յորք)
- Սուրբծննդյան տոնածառ Ռոքֆելլերի կենտրոնում
Ծանոթագրություններ
Արտաքին հղումներ
- Պաշտոնական կայք (անգլերեն)
 | Վիքիպահեստն ունի նյութեր, որոնք վերաբերում են «Ռոքֆելլեր կենտրոն» հոդվածին։ |