Ռիան Բրուստեր

Ֆուտբոլիստի կարիերան Բրուստերը սկսել է Չելսիի ակադեմիայում^[5][6]։ 2015 թվականին նա միացավ Լիվերպուլի երիտասարդական թիմին^[7][8]։ Նոյեմբերի 13-ին Բրուստերը հեթ-տրիկ ձևակերպեց Ակրինգտոն Սթենլիի դեմ ընկերական խաղում^[9][10]։ 2017 թվականի ապրիլի 23-ին անգլիացին հայտավորվեց Պրեմիեր Լիգայի Քրիսթալ Փելասի դեմ խաղին^[11], սակայն այս խաղում մնաց պահեստայինների նստարանին^[12][13]։ 2018 թվականի հունվարի 12-ին՝ Մանչեսթեր Սիթի Մ23-ի դեմ խաղում^[14] Բրուստերը ստացավ կոճի ծանր վնասվածք^[15][16]՝ բաց թողելով ավելի քան 15 ամիս^[17][18]։

2018 թվականի մայիսին Բրուստերի տրանսֆերով անօրինակ կերպով սկսեց հետաքրքրվել Բորուսիա Մյոնխենգլադբախը^[19][20], ինչի պատճառով Լիվերպուլը ստիպված եղավ չեղարկել գերմանական ակումբի հետ ընկերական հանդիպումը^[21][22][23]։ Հուլիսի 17-ին նա երկարաձգեց իր պայմանագիրը Լիվերպուլի հետ մինչև 2023 թվականը^{[24][25][26][27]}։ Բրուստերը վնասվածքից հետո առաջին անգամ խաղադաշտ դուրս եկավ 2019 թվականի ապրիլի 14-ին՝ Լեսթեր Սիթի Մ23-ի դեմ խաղում և այս խաղում դառնալով գոլի ու գոլային փոխանցման հեղինակ^[28][29]։ Հունիսի 1-ին անգլիացին հայտավորվեց Չեմպիոնների Լիգայի եզրափակչի Տոտենհեմ Հոտսպուրի դեմ խաղի համար^[30][31]՝ այս խաղում մնալով պահեստայինների նստարանին^[32]։ Լիվերպուլը նվաճեց Չեմպիոնների Լիգայի գավաթը^[33][34], և Բրուստերը նույնպես ստացավ հաղթողի մեդալը^[35][36]։

2019 թվականի օգոստոսի 14-ին Բրուստերը մնաց պահեստայինների նստարանին ՈՒԵՖԱ Սուպեր գավաթի Չելսիի դեմ խաղում^[37], իսկ Լիվերպուլը հաղթեց հետխաղյա հարվածաշարում և նվաճեց գավաթը^[38][39]։ Իր պրոֆեսիոնալ դեբյուտը անգլիացին նշեց սեպտեմբերի 25-ին՝ թիմի մեկնարկային կազմում խաղադաշտ դուրս գալով Անգլիայի լիգայի գավաթի Միլթոն Քինս Դոնսի դեմ խաղում^[40][41]։

Բրուստերը ներկայացրել է Անգլիան տարբեր տարիքային երիտասարդական հավաքականներում^[42]։ 2017 թվականի մայիսին նա մինչև 17 տարեկանների հավաքականի կազմում մասնակցեց Եվրոպայի առաջնությանը^[43]՝ անցկացնելով 6 հանդիպում և դառնալով 3 գոլի հեղինակ^[44], իսկ Անգլիան զբաղեցրեց երկրորդ հորիզոնականը առաջնությունում^[45][46]՝ եզրափակչի հետխաղյա 11-մետրանոցների հարվածաշարում պարտվելով Իսպանիային^[47][48]։ 2017 թվականի հոկտեմբերին Բրուստերը մասնակցեց աշխարհի Մ17 առաջնությանը^[49]։ Նա անցկացրեց 6 հանդիպում՝ դառնալով 8 գոլի և 1 գոլային փոխանցման հեղինակ և օգնելով Անգլիային հաղթել մրցաշարը^[50][51]։ Նա գոլ խփեց առաջնության եզրափակչի Իսպանիայի դեմ խաղում^[52][53]՝ դառնալով մրցաշարի լավագույն ռմբարկուն^[54] և ճանաչվելով առաջնության երրորդ լավագույն ֆուտբոլիստ^[55]։

2019 թվականի հոկտեմբերի 19-ի դրությամբ^[56]

Լիվերպուլ

• ՈՒԵՖԱ Չեմպիոնների Լիգա. 2018–19^[33]
• ՈՒԵՖԱ Սուպեր գավաթ. 2019^[39]

Անգլիա Մ17

• ՖԻՖԱ Աշխարհի Մ17 առաջնություն. 2017^[51]
• ՈՒԵՖԱ Եվրոպայի Մ17 առաջնություն. երկրորդ տեղ. 2017^[48]

• ՖԻՖԱ Աշխարհի Մ17 առաջնության լավագույն ռմբարկու. 2017^[54]
• ՖԻՖԱ Աշխարհի Մ17 առաջնության բրոնզե գնդակ. 2017^[55]