Ռաֆինա
Ռաֆինա (հուն․՝ Ραφήνα[2]), քաղաք Հունաստանում։ Գտնվում է ծովի մակարդակից 29 մետր բարձրության վրա[1], Էգեյան ծովի Պետալիա ծոցի ափին, Աթենքի միջազգային «Էլեֆտերիոս Վենիզելոս»օդանավակայանից 11 կմ դեպի հյուսիս-արևելք և Աթենքի կենտրոնից 25 կմ դեպի արևելք։ Ատտիկայի ծայրամասում Արևելյան Ատտիկա ծայրամասային միավորում գտնվող Ռաֆինա-Պիմերմիոն համայնքի վարչական կենտրոնն է։ 2011 թվականի մարդահամարի համաձայն՝ բնակչությունը կազմում է 12,168 մարդ[2]։
| Բնակավայր | ||
|---|---|---|
| Ռաֆինա | ||
 | ||
| Երկիր |  Հունաստան | |
| Մակերես | 18,979[1] կմ² | |
| ԲԾՄ | 29[1] մ | |
| Բնակչություն | 12168[2] մարդ | |
| Հեռախոսային կոդ | 2294 | |
| Փոստային դասիչ | 190 09 | |
| ||
Ռաֆինա նավահանգիստն Ատտիկայի երկրորդ խոշորագույն ուղևորատար նավահանգիստն է և ազգային նշանակության 12 խոշոր նավահանգիստներից մեկը։ Նավահագիստը գտնվում է «Ռաֆինա նավահանգստի կառավարում» ընկերության ղեկավարության տակ (Οργανισμός Λιμένος Ραφήνας Α. Ε., «Ο. Λ. Ρ. Α. Ε.») և ծառայում է Կիկլադա կղզեխմբի կղզիների մարդատար, բեռնատար և զբոսաշրջային փոխադրումների համար, ինչպես նաև ապահովում է Եվբեայի հարավի հետ կապը[3]։
Քաղաքը հատում է Մարաթոնոս պողոտան, 83-րդ ազգային ճանապարհի մի մասը և 54-րդ ազգային ճանապարհը, 85-րդ ազգային ճանապարհը Ռաֆինան կապում է Լավրիոնի հետ։ Մինչև 1912 թվականը (ՖԵԿ 262Ա) քաղաքը կոչվում էր Արաֆինա (Αραφήνα)[4]:
Պատմություն
Մ.թ.ա. 3-րդ հազարամյակի երկրորդ կեսին Ռաֆինայում գոյություն ունեին քարե հիմքի վրա կախովի աղյուսներով բնակեցված շինություններ, որոնք վերաբերում են պրոտոքաղաքային մշակույթի վաղ բրոնզե դարաշրջանին, այսպես կոչված՝ վաղ էլադական ժամանակաշրջանին[5][6]։Հին Աթենքի դևերից մեկը Արաֆենն էր, որը պատկանում էր Էգեիդա ֆիլեին։ Հալի Արաֆենիդեսը Ագրաֆենա դիմոսի նավահանգիստն է, որը գտնվում է Էրանսոս գետաբերանից հարավ և հայտնի է Արտեմիսյի[7] պաշտամունքի խարանումով և Աթենքին ձկներ մատակարարելով[8]։ Լեգենդի համաձայն, պաշտամունքը հիմնվել է Օրեստի և Իֆիգենիայի կողմից, երբ նրանք Տավրիկայից վերադառնում են փայտե արձանի հետ, որը տեղադրվել է Հալի Արաֆենիդեսում[9]։ Ստրաբոնը հաղորդում է, որ Եվբեայի Կարիստայից (Կարիստոս) գոյություն է ունեցել ուղի դեպի՝ Հալա Արաֆենիդա[10]։
Ռաֆինայի համայնք
Համայնքը հիմնադրվել է 1928 թվականին (ՖԵԿ 86Ա)[4].: Այն ընդգրկում է Կալիտեխնուպոլիս գյուղը։ Ըստ 2011 թվականի մարդահամարի տվյալների բնակչությունը կազմում է 13 091 մարդ է[2]։ Տարածքը կազմում է 18,979 կմ²[1]։
| Բնակավայր | Բնակչություն (2011)[2], մարդ |
|---|---|
| Կալիտեխնուպոլիս | 923 |
| Ռաֆինա | 12168 |
Ասկիտարիո
Ասկիտարիոյի հրվանդանը (Ασκηταριό «ճգնավորների խրճիթ» առաջացել է ασκητής «ճգնավոր, անապաստան» բառից և αριό սուֆիքսից) գտնվում է Մարիկես (Μαρίκες) ծովախորշի արևմտյան մասում։ Հրվանդանն ունի 0,5-0,6 հեկտար տարածքով փորված եզրագիծ և բարձր գագաթ։ Գագաթն ունի հավասարասրուն եռանկյան ձև, որի երկու կողմերն ուղղված են դեպի ծով, իսկ երրորդը ցամաքը բաժանում է պարանոցից։ Երկրի աջ մասում՝ ժայռում գտնվում է մեծ փոս (քարանձավ), որտեղ ճգնավորի կյանքով ապրել է Պենդել վանքի վանականը։ Այս տարածքը կոչվում էր Կալոյերոս (Καλόγερος ή ο Καλόγερας «վանական»).
Բնակչություն
| Տարի | Բնակչություն, մարդ |
|---|---|
| 1991 | 7341[11] |
| 2001 | 10173[11] |
| 2011 | 12168[2] |
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Ռաֆինա» հոդվածին։ |