Ռաֆայել Սիլվա (դերասան)
Ռաֆայել Սիլվա (անգլ.՝ Rafael Silva, հունիսի 18, 1994[1], Բելու Օրիզոնտի, Բրազիլիա[1]), բրազիլական ծագմամբ ամերիկացի դերասան։ Առավել մեծ հայտնություն ստացել է «911: Միայնակ աստղ» հեռուստասերիալում կատարած Կառլոս Ռեյեսի դերով։
| Ռաֆայել Սիլվա | |
|---|---|
| Ծննդյան թիվ՝ | հունիսի 18, 1994[1] (30 տարեկան) |
| Ծննդավայր՝ | Բելու Օրիզոնտի, Բրազիլիա[1] |
| Քաղաքացիություն՝ |  ԱՄՆ |
| Մասնագիտություն՝ | դերասան |
| Պարգևներ՝ | |
| IMDb։ | ID 8989537 |
Կենսագրություն
Վաղ կյանք և կրթություն
Ծնվել է 1994 թվականի հունիսի 18-ին Բրազիլիայի Մինաս Ժերայս նահանգի Բելու Օրիզոնտի քաղաքում[3]։ 13 տարեկան հասակում տեղափոխվել է ԱՄՆ-ի Նյու Ջերսի նահանգի Հարիսոն քաղաք։ Դեռևս մանկուց ցանկացել է գնալ իր պապիկի և հորեղբայրների հետքերով՝ դառնալ անասնաբույժ և աշխատել անասպանահական կենդանիների հետ։ Բայց տեղափոխումից հետո ներփակվել է և վախեցել է հանրային ելույթներից։ Իր վախերը հաղթահարելու համար, ուսման առաջին տարում գրանցվել է բեմականացումների և այդկերպ սկսել է զարգացնել թատրոնի և կինոյի նկատմամբ իր հետաքրքրությունը։
Արդյունքում ընդունվել է Նյու Յորքի Մանհեթեն շրջանի Փեյս համալսարանը և ստացել է բակալավրի աստիճան կինոյի, հեռուստատեսության, կրկնօրինակման և գովազդի ոլորտում[4]։
Կարիերա
2019 թվականի սեպտեմբերին միացել է Բրեդ Ֆելչակի, Թիմ Մայների և Ռայան Մերֆիի կողմից ստեղծած «911: Միայնակ աստղ» հեռուստասերիալի դերասանական կազմին և կատարել է Կառլոս Ռեյեսի դերը[5]։ Հեռուստասերիալը հեռարձակվել է 2020 թվականի հունվարի 19-ին։
Անձնական կյանք
Տիրապետում է անգլերեն, իսպաներեն և պորտուգալերեն լեզուներին։ Հետաքրքրվում է մարտարվեստով և սիրում է պարել[6]։
Ֆիլմագրություն
| Տարի | Անվանում | Դեր | Նշում |
|---|---|---|---|
| 2015 | Արբած սիրո արվեստը | Էդ | Մինի սերիալ |
| 2017 | Չվճարվող աշխատակից | Ջեյ "Փենիսթոք" Մեիրելս | Կարճամետրաժ |
| 2018 | Բռնապետի սինդրոմ | Անդեմ մարդ #3 | Կարճամետրաժ |
| 2019 | Տիկին պետքարտուղար | Օսկար Կորտես | Էպիզոդ՝ "Ավելի լավ բան" |
| 2019 | Հոսունություն | Ռաուլ | |
| 2020-ներկա | 911: Միայնակ աստղ | Կառլոս Ռեյես | Հիմնական կազմ |