Ռազմագործողության ժամանակ զոհվածներին մեդալ (Նորվեգիա)

Ռազմագործողության ժամանակ զոհվածներին մեդալը հաստատվել է 2005 թ.-ի հունվարի 1-ին Նորվեգիայի զինված ուժերի կողմից, որը կարճ ժամանակ անց բաժանվեց երկու մասին՝ Ռազմագործողության ժամանակ վիրավորվածներին մեդալ և Ռազմագործողության ժամանակ զոհվածներին մեդալ^[2]։

Ռազմագործողության ժամանակ զոհվածներին գերատեսչական մեդալը հանձնվում է ետմահու Նորվեգիայի զինված ուժերի այն զինծառայողների հարազատներին, ովքեր զոհվել են մարտական գործողությունների ժամանակ։ Այս դեպքում մարտական գործողություններ ասելով հասկացվում է Նորվեգիայի պաշտպանության ռազմագործողությունները կամ միջազգային խաղաղապահ ուժերի կազմում իրականացված գործողությունները։ Մեդալը տրվում է նաև օտարերկրյա այն քաղաքացիներին, ովքեր զոհվել են մարտական գործողությունների ժամանակ՝ գտնվելով Նորվեգիայի ԶՈՒ հրամանատարության ներքո^[2]։

Մեդալը պատրաստվում է ոսկեզօծ մետաղից։ Ունի հավասարակողմ խաչի տեսք։ Խաչի վրա ամրացված է կոտրված թուր։ Հակառակ կողմում գրված է «FOR LAND OG FOLK» (Հանուն հողի և ժողովրդի), ինչպես նաև պատկերվում է պարգևատրվողի դիմանկարը։ Մեդալի ժապավենը կարմիր գույնի է եզրերում 4 մմ-անոց սև գծերով^[2]։

• Forsvarets medalje for falne i strid.(չաշխատող հղում) (անգլերեն)
• Ny medalje for falne og sårede i strid.(չաշխատող հղում) (նորվեգերեն)
• Kingdom of Norway: Armed Forces Medal for Fallen in Action. (անգլերեն)