Ջեֆ Ֆեյի
Ջեֆ Ֆեյի (անգլ.՝ Jeffrey David «Jeff» Fahey , նոյեմբերի 29, 1952[1][2], Olean, Քատարոգաս շրջան, Նյու Յորք, ԱՄՆ), ամերիկյան կինեմատոգրաֆիայի և հեռուստատեսության դերասան, որը հայտնի է դարձել Կորուսյալները հեռուստասերիալում խաղացած Ֆրենկ Լապիդուսի դերով։
 անգլ.՝ Jeff Fahey | |
|---|---|
 | |
| Ծնվել է | նոյեմբերի 29, 1952[1][2] (71 տարեկան) |
| Ծննդավայր | Olean, Քատարոգաս շրջան, Նյու Յորք, ԱՄՆ |
| Կրթություն | Joffrey Ballet? |
| Քաղաքացիություն |  ԱՄՆ |
| Մասնագիտություն | դերասան, պարող, թատրոնի դերասան, հեռուստատեսային դերասան, կինոդերասան և կինոպրոդյուսեր |
Կենսագրություն
Ջեֆ Ֆեյին ծնվել է 1952 թվականի նոյեմբերի 29-ին Նյու Յորք նահանգում՝ Օլինում։ Նրա ծնողներն ունեն իռլանդաամերիկյան ծագում[3]։ Նա ընտանիքի 13 երեխաներից վեցերորդն էր։ Մեծացել է Բուֆֆալո քաղաքում և ավարտել Father Baker’s High School։ 17 տարեկանում հեռացել է տնից և սկսել ճամփորդել ավտոստոպով[4]։ Սովորել է բալետի դպրոցում։
25 տարեկանում «Joffery Ballet» մրցույթում պարի համար կրթաթոշակ ստանալով՝ Ֆեյին սկսել է ելույթ ունենալ։ Ելույթ է ունեցել ԱՄՆ-ի և Մեծ Բրիտանիայի ամբողջ տարածքի թատրոններում։ Իր առաջին գլխավոր դերը ստացել է հանրահայտ «One Life To Live» հեռուստասերիալում։
1985 թվականին «Սիլվերադո» ֆիլմում ստացել է Տայրիի դերը։ 1992 թվականին Ֆեյին և Փիրս Բրոսնանը խաղացել են «Գազոնահունձը» ֆիլմի գլխավոր դերերում։ 1995 թվականին նա խաղացել է «Դատական կատարածու» հեռուստասերիալի գլխավոր դերում։ 2008 թվականից սկսած Կորուսյալները հեռուստասերիալում խաղացել է Ֆրենկ Լապիդուսի դերը։ Ֆրենկը ուղղաթիռի օդաչուն է, բայց ավելի ուշ պարզվում է, որ նա աշխատել է նաև որպես ինքնաթիռի օդաչու։ Հեռուստասերիալում առաջին անգամ հայտնվել է չորրորդ եթերաշրջանում և մինչև հինգերորդ եթերաշրջանը նկարահանվել է որպես հրավիրված դերասան։ Հեռուստասերիալի վեցերորդ եթերաշրջանում Ջեֆի կերպարը դառնում է գլխավոր հերոսներից մեկը[5]։
Ֆիլմագրություն
| Տարի | Անվանում | Բնօրինակ անվանում | Դեր |
|---|---|---|---|
| 1982–1985 | Մեկ կյանք ապրելու համար | One Life to Live | Գերի Քորելի |
| 1985 | Սիլվերադո | Silverado | Տայրի |
| 1985 | Ռեյմոնդ Գրեմի մահապատիժը | The Execution of Raymond Graham | Ռեյմոնդ Գրեմ |
| 1986 | Ալֆրեդ Հիչքոկը ներկայացնում է | The New Alfred Hitchcock Presents | Ռեյ Լի |
| 1986 | Մայամիի ոստիկանությունը | Miami Vice | Էդի Քեյ |
| 1988 | Պատասխան կրակ | Backfire | Դոնի ՄաքԷնդրյու |
| 1988 | Երկակի որոշում | Split Decisions | Ռեյ ՄաքԳվին |
| 1989 | Արյունակցական կապեր | True Blood | Ռեյմոնդ Տրուբլադ |
| 1990 | Արժանիներից վերջինը | The Last of the Finest | Ռիկի Ռոդրիգես |
| 1990 | Սպիտակամորթ որսորդ, սև սիրտ | White Hunter Black Heart | Փիտ Վերիլ |
| 1990 | Հետաքրքրասիրությունը սպանում է | Curiosity Kills | Մետյու Մանուս |
| 1993 | Կույր կողմը | Blindsided | Ֆրենկ ՄաքՔենե |
| 1993 | Խորամանկը | Quick | Մանսի |
| 1993 | Սպանությունների ցուցակ | The Hit List | Չարլի Պայկ |
| 1994 | Ազատ անկում | Freefall | Դեքս Դուլում |
| 2001 | Սառցե սիրտը | Cold Heart | Ֆիլ |
| 2008–2010 | Կորուսյալները | Lost | Ֆրենկ Լապիդուս |
Մրցանակներ և անվանակարգեր
| Տարի | Մրցանակ | Կատեգորիա | Աշխատանք | Արդյունք |
|---|---|---|---|---|
| 1986 | Ջեմինի | Դրամայում գլխավոր դերի լավագույն կատարում | Ռայմոնդ Գրեմի մահապատիժը | Առաջադրված |
| 1992 | Fangoria Chainsaw Awards | Լավագույն դերասան | Գազոնահնձիչը | Առաջադրված |
| 2010 | Gold Derby TV Award | Տարվա դերասանական անսամբլ | Կորուսյալները | Առաջադրված |
| Մոնտե Կառլոյի հեռուստատեսային փառատոն | Անվանի դերասան, դրամատիկ հեռուստասերիալ | Առաջադրված |
Ծանոթագրություններ
Արտաքին հղումներ
- Джефф Фейхи (անգլ.) Internet Movie Database կայքում