Ջերմոցում (նկար)

«Ջերմոցում» ստեղծագործությունում կտավի հեղինակը՝ Էդուրադ Մանեն վրձնել է փարիզյան մի ջերմոց, որը 1878-ից 1879 թվականներին հեղինակին ծառայում էր որպես արվեստանոց^[5]։

Կտավի կենտրոնում պատկերված են տղամարդ և կին։ Ըստ զույգի մատներին պատկերված մատանիների, կարելի է ենթադրել որ երիտասարդները ամուսիններ են։ Սրանք Մանեի ընկերներն են՝ Ժիլմետով ամուսինները։

«Ջերմոցում» կտավը հեղինակն առաջին անգամ հանրությանը ցուցադրել է 1879 թվականին՝ Փարիզի սալոնում։ Ստեղծագործությունն անմիջապես որակվեց որպես պահպանողական, ինչն այդ պահին բնորորոշ չէր Մանեին։ Ժյուլ-Անտուան Կաստարին գրում է. «Բայց ի՞նչ է սա։ Դիմագծերն ու ձեռքերը նկարված են ավելի խնամքով, քան սովորաբար. մի՞թե Մանեն մտահոգվել է հանրության մասին։»^[6]։ Ժորիս Կարլ Գյուիսմանսը նշել է, թե «ֆիգուրները զարմանալիորեն առանձնանում են շրջապատող բուսականությունից»^[7]։

Ժան-Բատիստ Ֆորը գնում է այս և Մանեի այլ երեք կտավ 11 հազար ֆրանկով։ 1896 թվականին Ուգո ֆոն Չուդին ձեռք է բերում «Ջերմոցում» ստեղծագործությունը Բեռլինի Ազգային հին պատկերասրահի համար, ուր ցայսօր էլ գտնվում է կտավը։

1945 թվականին այս և թանգարանի այլ կտավներ տարհանվում են Բեռլինից և թաքցվում Մերկերսի հանքահորում։ Երկրորդ համաշխարհային պատերազմից հետո կտավը ԱՄՆ-ի զինվորները գտնում և փրկում են կտավը։

• Brombert, Beth Archer (1997). Edouard Manet: Rebel in a Frock Coat. University of Chicago Press. ISBN 0226075443.
• Crary, Jonathan (2001). Suspensions of Perception: Attention, Spectacle, and Modern Culture. MIT Press. ISBN 0262531992.
• Lehmbeck, Leah Rosenblatt (2007). Edouard Manet’s Portraits of Women. New York University/ProQuest. ISBN 0549099662.

• Im Wintergarten in der Online-Datenbank der Staatlichen Museen zu Berlin
• Im Wintergarten in Gigapixel-Auflösung im Google Art Project

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ջերմոցում (նկար) կատեգորիայում։