Ջերեմի Իրվին
Ջերեմի Ուիլյամ Ֆրեդրիկ Սմիթ[6][7][8] (անգլ.՝ Jeremy William Fredric Smith, հունիսի 18, 1990[1][2], Gamlingay, South Cambridgeshire, Քեմբրիջշիր, Քեմբրիջշիր, Անգլիա, Միացյալ Թագավորություն), անգլիացի դերասան, ով ավելի հայտնի է Ջերեմի Իրվին (անգլ.՝ Jeremy Irvine) անվամբ։
![]() անգլ.՝ Jeremy Irvine | |
---|---|
![]() | |
Ծնվել է | հունիսի 18, 1990[1][2] (34 տարեկան) |
Ծննդավայր | Gamlingay, South Cambridgeshire, Քեմբրիջշիր, Քեմբրիջշիր, Անգլիա, Միացյալ Թագավորություն |
Կրթություն | Լոնդոնի դրամատիկական և երաժշտական արվեստի ակադեմիա[3] և Bedford Modern School? |
Քաղաքացիություն | ![]() |
Մասնագիտություն | դերասան, թատրոնի դերասան, կինոդերասան և հեռուստատեսային դերասան |
Համատեղ ապրող(ներ) | Էլլի Գուլդինգ[4][5] |
Պարգևներ և մրցանակներ | |
jeremyirvine.co.uk | |
2011 թվականին նա նկարահանվել է «Մարտական ձի»[9][10][11][12][13][14] էպիկական ռազմական ֆիլմի գլխավոր դերում, ինչը միանգամից Իրվինին դարձրեց կինոաստղ[15][16]։ 2012 թվականին Իրվինը խաղաց Փիփի դերը Չարլզ Դիկենսի վեպի «Մեծ հույսեր»[17][18] էկրանավորման մեջ։ Նա նաև լայն ճանաչում է գտել քննադատների շրջանում «Հիմա ճիշտ ժամանակն է» (2012) անկախ ֆիլմում իր դերի համար, որը նրա անունն ընդգրկեց Հոլիվուդի արագ ծագող աստղերի ցանկում[19][20]։
Կենսագրություն
Իրվինը ծնվել և մեծացել է Գամլինգեյում՝ Քեմբրիջշիր կոմսությունում[21]։ Նրա մայրը՝ Բրիջեթը, քաղաքական գործիչ է տեղական ինքնակառավարման մարմիններում, իսկ նրա հայրը՝ Քրիս Սմիթը՝ ինժեներ[22]։ Իրվինն ունի երկու կրտսեր եղբայր՝ Լոուրենսը և Թոբին, փոքրիկ դերասան, որը խաղացել է պատանի Փիփի դերը «Մեծ հույսեր» ֆիլմում[23]։ Բեմական անունը Իրվինը վերցրել է ի պատիվ պապի[24]։ Տասնինը տարեկանում նա ցանկանում էր զորակոչվել բրիտանական բանակ, սակայն նրան մերժեցին, երբ բացահայտվեց, որ Իրվինը դիմումի մեջ ստել է շաքարային դիաբետի մասին[25]։ Տասնվեց տարեկանում նա սկսեց խաղալ բեմում, երբ մասնակցում էր Բեդֆորդշիրում գտնվող «Բեդֆորդ Մոդերն» դպրոցի բեմականացումներում, որտեղ, ի թիվս այլ դերերի, խաղացել է Ռոմեո[26]։ Ավելի ուշ ընդունվեց Ազգային երիտասարդական թատրոն։
Ավարտելով տարեկան նախապատրաստական դասընթացը Լոնդոնի Երաժշտության և դրամատիկ արվեստի ակադեմիայում[27][28]՝ Իրվին երկու տարի անցկացրեց՝ ուղարկելով իր ռեզյումեն, ապարդյուն փորձելով ստանալ դերասանական աշխատանք[29]։ Նա համարյա հանձնվել էր, նախքան մեծ դեր ստանալը «Մարտական նժույգ» ֆիլմում[30]։
Անձնական կյանք
Ֆիլմագրություն
![](http://upload.wikimedia.org/wikipedia/commons/thumb/a/a2/Jeremy_Irvine_2012.jpg/188px-Jeremy_Irvine_2012.jpg)
Տարի | Հայերեն անվանում | Բնօրինակ անվանում | Դեր | |
---|---|---|---|---|
2009 | ս | Կյանքը կծում է | Life Bites | Լյուք |
2011 | ֆ | Մարտական ձի | War Horse | Ալբերտ Նարակոթ |
2012 | ֆ | Հիմա ճիշտ ժամանակն է | Now Is Good | Ադամ |
2012 | ֆ | Մեծ հույսեր | Great Expectations | Փիփ |
2013 | ֆ | Հատուցում | The Railway Man | երիտասարդ Էրիկ Լոմաքս |
2014 | ֆ | Գիշերը հին Մեքսիկայում | A Night in Old Mexico | Գալլի |
2014 | ֆ | Կենդանի մնալու խաղ | Beyond the Reach | Բեն |
2015 | ֆ | Սևազգեստ կին 2։ Մահվա հրեշտակ | The Woman in Black: Angel of Death | Հարի Բերնսթոու |
2015 | ֆ | Անթերի ստեղծված աշխարհը | The World Made Straight | Թրևիս Շելթոն |
2015 | ֆ | The Bad Education Movie | Աթիկուս Հոյե | |
2015 | ֆ | Սթոունուոլ | Stonewall | Դենի Ուինթերս |
2016 | ֆ | Անկյալները | Fallen | Դենիել Գրեգորիի |
2016 | ֆ | Գեղեցիկ հրաշքը | This Beautiful Fantastic | Բիլլի |
Ծանոթագրություններ
Արտաքին հղումներ
![]() | Վիքիպահեստն ունի նյութեր, որոնք վերաբերում են «Ջերեմի Իրվին» հոդվածին։ |