Ջենի Թոմփսոն
Ջենի Թոմփսոն (անգլ.՝ Jenny Thompson, փետրվարի 26, 1973[1], Դավներս, Էսեքս շրջան, Մասաչուսեթս, ԱՄՆ), ամերիկացի լողորդուհի:, առավել շատ տիտղոսներ նվաճած մարզուհիներից մեկն աշխարհում։ Վաստակել է օլիմպիական 12 մեդալ, որոնցից ութը՝ ոսկե, և, բացի այդ, դարձել է աշխարհի 18-ակի չեմպիոնուհի...
| Ջենի Թոմփսոն | |
|---|---|
| Անձնական տեղեկություն | |
| Սեռ՝ | իգական |
| Ամբողջական անուն՝ | անգլ.՝ Jennifer Elisabeth Thompson |
| Մականուն(ներ)՝ | Jenny |
| Մասնագիտացում՝ | լողորդ |
| Երկիր՝ |  ԱՄՆ |
| Ծննդյան ամսաթիվ՝ | փետրվարի 26, 1973[1] (51 տարեկան) |
| Ծննդավայր՝ | Դավներս, Էսեքս շրջան, Մասաչուսեթս, ԱՄՆ |
| Ակումբ՝ | Stanford Cardinal? |
| 178 սանտիմետր | |
| Քաշ՝ | 69 կիլոգրամ |
Լող մարզաձևով զբաղվել է 7 տարեկանից։ 14 տարեկանում իր նորամուտն է նշել միջազգային մրցասպարեզում՝ հանդես գալով պանամերիկյան խաղերում, որտեղ նվաճել է մեկական ոսկե և բրոնզե մեդալ համապատասխանաբար 50 և 100 մետր ազատ ոճով լողում։
Թոմփսոնը 1990-ականներին լողի միջազգային ասպարեզում ամենահամբավավոր լողորդուհիներից էր։ Չնայած նա անհատական մրցապայքարում երբեք չի եղել օլիմպիական չեմպիոն, այդուհանդերձ ոչ մի լողորդուհի չի կարողացել ավելի շատ օլիմպիական մեդալ վաստակել, քան նա։ ԱՄՆ-ի փոխանցումալողի թիմերի հետ Ջենին ընդհանուր առմամբ ութ ոսկե մեդալ է նվաճել 1992, 1996 և 2000 թվականի օլիմպիական խաղերում։ Նա նաև 100 մետր ազատ ոճով լողում օլիմպիական անհատական արծաթե մեդալ է նվաճել Բարսելոնայում 1992 թվականին և այդ նույն մրցաձևում բրոնզե մեդալ՝ Սիդնեյում, 2000 թվականին . Աթենքի 2004 թվականի օլիմպիական խաղերում նա արծաթե մեդալ է նվաճել 4 × 100 մ խառը փոխանցումալողում և ևս մեկ արծաթ՝ 4 × 100 մ ազատ ոճով փոխանցումալողում։
Անհատական մրցաձևերում նրա համար թերևս առավել հաջողակ էր 1998 թվականը, երբ լողի աշխարհի առաջնությունում դարձավ մոլորակի կրկնակի չեմպիոնուհի՝ հաղթանակներ տանելով 100 մ բաթերֆլայ և 100 մ ազատ ոճով լողի մրցումներում.
2006 թվականին Ջենին ավարտել է Կոլումբիա համալսարանի բժշկական քոլեջը և անեսթեզիոլոգի մասնագիտությամբ աշխատանքի անցել Բոստոնի բուժհիմնարկներից մեկում[3]։
Համաշխարհային ռեկորդ
| Ամսաթիվը | Մրցավայրը | Մրցաձևը | Արդյունքը | Մինչև երբ է պահպանվել |
|---|---|---|---|---|
| 23 սեպտեմբերի 1999 |  Սիդնեյ | 100 մ բաթերֆլայ ոճով | 57.88 վրկ. | մինչև 2000 թ. մայիսի 27-ը Ինգե դե Բրույն |
Մրցելույթներ օլիմպիադաներում
| Օլիմպիադան | Մրցաձևը | Գրաված տեղը |
|---|---|---|
| Բարսելոնա 1992 | 50 մ ազատ ոճով լող | 5 |
| Բարսելոնա 1992 | 100 մ ազատ ոճով լող | 2 |
| Բարսելոնա 1992 | 200 մ ազատ ոճով լող | 17 |
| Բարսելոնա 1992 | ազատ ոճով փոխանցումալող 4 × 100 | 1 |
| Բարսելոնա 1992 | համալիր փոխանցումալող 4 × 100 | 1 |
| Ատլանտա 1996 | ազատ ոճով փոխանցումալող 4 × 100 | 1 |
| Ատլանտա 1996 | ազատ ոճով փոխանցումալող 4 × 200 | 1 |
| Ատլանտա 1996 | համալիր փոխանցումալող 4 × 100 | 1 |
| Սիդնեյ 2000 | 100 մ ազատ ոճով լող | 3T |
| Սիդնեյ 2000 | ազատ ոճով փոխանցումալող 4 × 100 | 1 |
| Սիդնեյ 2000 | ազատ ոճով փոխանցումալող 4 × 200 | 1 |
| Սիդնեյ 2000 | 100 մ բաթերֆլայ ոճով լող | 5 |
| Սիդնեյ 2000 | համալիր փոխանցումալող 4 × 100 | 1 |
| Աթենք 2004 | 50 մ ազատ ոճով լող | 7 |
| Աթենք 2004 | ազատ ոճով փոխանցումալող 4 × 100 | 2 |
| Աթենք 2004 | 100 մ բաթերֆլայ ոճով լող | 5 |
| Աթենք 2004 | համալիր փոխանցումալող 4 × 100 | 2 |
Տես նաև
- Ամենահաջողակ օլիմպիականների ցանկը
Ծանոթագրություններ
Արտաքին հղումներ
- Jenny Thompson at the U.S. Olympic Team Wayback Machine (արխիվացված Մայիս 12, 2008)
- Jenny Thompson (USA) – Honor Swimmer profile at International Swimming Hall of Fame Wayback Machine (արխիվացված Փետրվար 18, 2015) (անգլերեն)
- Jenny Thompson in der Datenbank von Olympedia.org (անգլերեն)