Ջենգա

Աշտարակի կառուցման համար նախատեսված է փայտե 54 աղյուս, որոնցից յուրաքանչյուրի երկարությունը 3 անգամ մեծ է լայնությունից։ Խաղի սկզբում կառուցվում է 18 հարկանի աշտարակ։ Հարկերից յուրաքանչյուրը կազմվում է 3 աղյուսից, որոնք զուգահեռ դրվում են իրար կից։ Հաջորդ ամեն հարկի աղյուսները դրվում են նախորդի վրա։

Աշտարակի կառուցումից հետո սկսվում են խաղաքայլերը։ Առաջինը սկսում է այն մասնակիցը, ով կառուցել է աշտարակը։ Ամեն քայլով աշտարակի ցանկացած հարկից (բացի նախավերջին հարկից) հանվում է մեկ աղյուս, որը դրվում է վերևում։ Եթե վերևի հարկը լրացված չէ, չի կարելի աղյուսը տեղավորել նախորդող հարկերում։ Աղյուսը դուրս բերելու և հետագայում տեղավորելու համար խաղացողը կարող է օգտագործել միայն մեկ ձեռքը։ Խաղացողը, աշտարակի քանդման վտանգ զգալով, կարող է թողնել աղյուսը, որին դիպել էր, և դուրս բերել մեկ ուրիշը։ Խաղը շարունակվում է այնքան ժամանակ, քանի դեռ աշտարակը չի քանդվել։ Խաղացողը պարտված է համարվում, եթե իր քայլի ժամանակ քանդվում է աշտարակը, կամ 10 վայրկյանի ընթացքում քայլ չի կատարում։ Սակայն եթե մի քանի աղյուս է ընկել, իսկ աշտարակը դեռ կանգուն է, խաղացողները փոխադարձ համաձայնությամբ կարող են շարունակել խաղը։

Ջենգան մտածվել է Լեսլի Սքոթի կողմից^[2]։ Նրա հիմքում ընկած է մի խաղ, որ խաղացել են նրա ընտանիքում 1970-ական թվականների սկզբին` օգտագործելով փայտե մանկական խորանարդիկներ<sup>[3]</sup>։ Սքոթը, ծնված լինելով Թանզանիայում, կրթվել է անգլերենով և սվահիլի լեզվով։ Խաղը մշակելով` նա այն անվանել է ջենգա։ 1983 թվականին խաղը թողարկվել է London Toy Fair ընկերության կողմից` հետագայում վաճառվելով Leslie Scott Associates ընկերությանը^[4]։

Ներկայումս կան խաղի մի քանի տեսակներ, օրինակ` Jenga Boom, որտեղ աշտարակը կառուցվում է «ռումբի մեխամիզմ» ունեցող հարթակին. որոշակի ժամանակում «ռումբը» պայթում է` քանդելով աշտարակը։ Ջենգա-գրավախաղ տարատեսակում աղյուսների վրա տպված են տարբեր առաջադրանքներ, որոնք անհրաժեշտ է կատարել խաղի ընթացքում։

• Խաղի պաշտոնական կայք
• Ֆեյսբուքյան պաշտոնական էջ

Վիքիպահեստն ունի նյութեր, որոնք վերաբերում են «Ջենգա» հոդվածին։