Ջեյմի Քլեյթոն

Քլեյթոնը ծնվել և մեծացել է Կալիֆոռնիայի Սան Դիեգո քաղաքում։ 19 տարեկանում նա տեղափոխվել է Նյու Յորք, որպեսզի շարունակի կարիերան որպես դիմահարդար^[1][2][3][4]։

2010 թվականին Ջեյմին TRANSform Me ռեալիթի շոուի առաջին եթերաշրջանում եղել է դիմահարդար և հաղորդավար, որը նվիրված էր տրանս կանանց^[5][6][7]։ Այնուհետև նա երկրորդական դեր է խաղացել HBO «Hung» սերիալում։ Նկարահանվել է «Կեղտոտ աշխատանք» և «Դե ի՞նչ, եկա՞նք» հեռուստասերիալներում։ Նաև հնչյունավորել է գրող Ալեքս Ջինոյի «Ջորջ» աուդիոգիրքը։

2015-2018 թվականին թողարկվել է Նեթֆլիքսի «Sense8» հեռուստասերիալը, որում մարմնավորել է Նոմի Մարքսի դերը, տրանս կին, քաղաքական բլոգեր և տաղանդավոր հաքեր։

Քլեյթոնը տրանս կին է^[8][9]։ 2011 թվականին Out ամսագիրը Քլեյթոնին ներառել է ԼԳԲՏ համայնքի հարյուր պարգևատրված ներկայացուցիչների ցանկում^[10]։