Պրիեկուլե

Պրիեկուլե քաղաքը առաջին անգամ հիշատակվել է 1483 թվականին, երբ այստեղի հողերը անցել են բարոն Կորֆի իշխանության տակ։ Կորֆների պալատը գոյություն ունի մինչև այժմ։ Այն հիմա դպրոց է։ 1699 թվականին կառուցված Շվեդիայի դարպասը պահպանվել է։ Պրիեկուլեն Շվեդիայի դարպասը ճանաչել է ազգային ճարտարապետական հուշարձան։

Քաղաքի հիմնական զարգացումը տեղի է ունեցել 1871 թվականին, երբ ստեղծվել է Լիեպայա-Վիլյնուս երկաթուղային ճյուղը։ Երկրորդ համաշխարհային պատերազմի ժամանակ քաղաքը դարձել է արյունալի մարտերի թատերաբեմ։ Քաղաքում տեղակայված է նախկին ԽՍՀՄ խոշորագույն զինվորական հողարկավորությունների տարածքը, որտեղ թաղված են Կարմիր բանակի 23 000 ռազմիկներ^[6]։

Տարիներ շարունակ քաղաքը հպարտացել է իր մարզական ձեռքբերումներով։ Քաղաքում կան 14 մարզաձևեր՝ բասկետբոլ, ֆուտբոլ, հանդբոլ, վոլեյբոլ, սեղանի թենիս, սպորտային ձկնորսություն, շախմատ, թեթև ատլետիկա և այլն։

Պրիեկուլեով անցնում է P114 ավտոճանապարհը (Պրիեկուլե-Լիտվայի սահման)։

Շրջանում տեղակայված ավտոճանապարհներից հարկ է նշել V1198 (Իլմայա-Պրիեկուլե), V1206 (Դուրբե-Տադայկի-Բունկա-Պրիեկուլե), V1210 (Պրիեկուլե-Պապլակա-Վիրգա) և V1212 (Պրիեկուլե-Վայնյոդե) ավտոճանապարհները։

1990-ական թվականներին Լատվիայից խորհրդային զորքերը դուրս են բերվել, որի հետևանքով դադարել է գործել Պրիեկուլեի միջով ընթացող երկաթուղային ճյուղը։ Վայնյոդեի մոտ հետագայում ճանապարհը քանդվել է։ 2015 թվականի դրությամբ նախկին կայարանի շենքը չի օգտագործվում։

Բարոնների պալատում բացի Շվեդիայի դարպասից պահպանվել է ևս մեկ պալատ, որը ենթակա է վերանորոգման։ Հայտնի են «Վառոդային աշտարակը» և լյութերական եկեղեցին (1998 թվականի վերականգնվել է)։

• Յանիս Փեթերս (ծնվել է 1939 թվականին Պրիեկուլեում) - լատվիացի բանաստեղծ, հրապարակախոս, խորհրդային քաղաքական գործիչ, դիվանագետ, հասարակական գործիչ։

Պրիեկուլեում կամ Պրիեկուլե երկրամասում ծնվել և ապրել են՝

• Եվգենի Մեյա - մշակույթի աշխատող
• Վալդիս Կամպարս - քիմիայի բնագավառի գիտությունների դոկտոր
• Կարլիս Կամպե - հոգևորական և գրող
• Էդիտե Զվագուլե - բրուտ
• Էլմարս Անսոն - դրամատուրգ

• Официальный сайт города Приекульского края(լատիշերեն)
• Информация о Приекуле на туристическом портале mesta.lv(ռուս.)
• Информация о Приекуле в топонимической базе данных(լատիշերեն)

Վիքիպահեստն ունի նյութեր, որոնք վերաբերում են «Պրիեկուլե» հոդվածին։