Պլասենսիա

Պլասենսիայի մերձակայքում՝ Կապերայում հնագիտական պեղումների արդյունքում հայտնաբերվել են հին հռոմեական բնակավայրի ավերակներ։ Բուն Պլասենսիա քաղաքը հիմնադրել են արաբները և անվանել Ամբրոս։ 1186 թվականին Ալֆոնսո Ութերորդ Կաստիլիացի թագավորն ազատագրել է բնակավայրը մավրերից, վերանվանել Պլասենսիա և նրա ռազմավարական կարևորությունը հաշվի առնելով՝ շուրջը կառուցել 68 աշտարակ ունեցող պարիսպ (բանն այն է, որ Պլասենսիան գտնվել է Լեոնի թագավորության և մուսուլմանների տիրույթների հետ Կաստիլիայի ունեցած սահմանի մերձակայքում և դեռ հին հռոմեական ժամանակներում կառուցված և ռազմական ու առևտրական կարևոր նշանակություն ունեցած Արծաթե ուղու վրա, որը մեր ժամանակներում ծառայում է որպես հետիոտն արշավների երթուղի^[11][12][13]):

Մինչև 19-րդ դարը Պլասենսիան եղել է համանուն մի տարածաշրջանի կենտրոն, որն զբաղեցնում էր ներկայիս պրովինցիայի քառորդ մասը։ Թեև քաղաքը մինչև 1960 թվականը 20 հազարից պակաս բնակիչ է ունեցել^[14] և աչքի ընկնող բնակավայր չի համարվել, այդուհանդերձ այստեղ մի շարք կարևոր իրադարձություններ են տեղի ունեցել, ինչպես, օրինակ, արքայադուստր Խուանա լա Բելտրանեխայի հարսանիքը կաստիլիական ժառանգության համար մղվող պատերազմի ժամանակ^[15] և Կորտեսում քվե գնելու նախաձեռնությունը, որն ի վերջո հանգեցրել է Էստրեմադուրայի մարզի ստեղծմանը 1653 թվականին։

Համայնքի տնտեսությունում մեծ է սպասարկման, ծառայությունների մատուցման մասնաբաժինը. հենց միայն առևտրական հիմնարկների թիվն անցնում է հազարից^[16]։ Զբոսաշրջության զարգացմանը նույնպես մեծ կարևորություն է տրվում. քաղաքի պատմական կենտրոնը հայտարարվել է մշակութային հետաքրքրություն ներկայացնող վայր^[17] (պահպանվել են պլատերսկո ոճի տաճարը, մի քանի ուշագրավ վանական կառույցներ), պարբերաբար կազմակերպվում են զբոսաշրջիկներին գրավող ամենամյա առնվազն երկու տոնախմբություն՝ Martes Mayor և Սուրբ շաբաթ՝ Semana Santa^[18][19]: 20-րդ դարի սկզբից քաղաքն ունի իր առանձին խնայողական բանկը^[20], որը կարող է հիմք դառնալ հետագայում Caja de Extremadura բացելու համար։

Պլասենսիան նաև կրթական կարևոր կենտրոն է, որտեղ գործում են ոչ միայն տարբեր դասի դպրոցներ, այլև համալսարան՝ որակավորման չորս տարակարգեր շնորհելու հնարավորությամբ^[21]։

1842 թվականից 2010 թվականն ընկած ժամանակամիջոցում Մալպարտիդա դե Կասերեսի բնակչության թվաքանակի փոփոխությունները եղել են հետևյալը^[22]

Աղբյուր՝ Իսպանիայի վիճակագրության ազգային ինստիտուտ (INE)

• 
  Ալֆոնսո Կաստիլիացու արձանը Արևի դարպասի մոտ
• 
  Ամրոցը
• 
  Սուրբ կույս դել Պուերտոյի տաճարը
• 
  Սան Էստեբան եկեղեցին
• 
  Համայնքապետարանը
• 
  Նկարագրություն2
• 
  Սան Մարտին եկեղեցու խորանը
• 
  Պարիսպը
• 
  Եպիսկոպոսական պալատը
• 
  Ակվեդուկը

Պլասենսիա էջը Վիքիպահեստում

• Պաշտոնական կայքէջը
• Ver Extremadura (Իսպաներեն)
• Լուսանկարներ
• Plasencia is the subject of the Revealing Cooperation and Conflict Project trying to create a virtual 3D model and database describing the city in the time between 1390-1420 CE.
• Herbermann, Charles, ed. (1913). «Plasencia» . Catholic Encyclopedia. New York: Robert Appleton Company.
• Chisholm, Hugh, ed. (1911). «Plasencia» . Encyclopædia Britannica (անգլերեն) (11th ed.). Cambridge University Press.
• Պլասենսիայի համալսարան
• Centro de Profesores y Recursos de Plasencia Արխիվացված 2008-04-05 Wayback Machine

Վիքիպահեստն ունի նյութեր, որոնք վերաբերում են «Պլասենսիա» հոդվածին։