Պիրեյոս

Պիրեյոս (հուն․՝ Πειραιάς, ՄՀԱ։ [piɾɛˈas]), Պիրեաս^[2]; հին հունարեն՝ Πειραιεύς, Պիրեաֆս^[2]), քաղաք և նավահանգիստ Հունաստանում` Եգեյան ծովում, Ատտիկեի պերիֆերիայի վարչական կենտրոնը^[3]։

Քաղաք
Պիրեյոս
Երկիր	Հունաստան
Պերիֆերիա	ԱտտիկեԱտտիկե
Նոմ	Պիրեյոս
Մայոր	Յաննիս Մորոլիս (2014 թվականից)
Մակերես	2 կմ²
ԲԾՄ	2 մետր
Կլիմայի տեսակ	Մերձարևադարձային
Խոսվող լեզուներ	հունարեն
Բնակչություն	▲168 151 մարդ (2021)[1]
Խտություն	16 171 մարդ/կմ²
Ազգային կազմ	հույներ ալբանացիներ բուլղարացիներ վրացիներ
Կրոնական կազմ	Ուղղափառություն (Հույն ուղղափառ եկեղեցի)
Հեռախոսային կոդ	210
Փոստային դասիչ	185 00–185 99
Ավտոմոբիլային կոդ	BE, BZ, YI, YK, YM, YN, ZN և ZP
Պաշտոնական կայք	piraeus.gov.gr
Պիրեյոս Վիքիպահեստում

Պիրեյոսը գտնվում է Աթենքի քաղաքային տարածքում` Հունաստանի մայրաքաղաք Աթենքից 12 կմ հեռավորության վրա։ Քաղաքը գտնվում է Սարոնիկոս ծոցի ափին։ Ըստ 2011 թվականի մարդահամարի տվյալների, քաղաքի բնակչությունը կազմում է 163.688: Այս ցուցանիշով Պիրեյոսը համարվում է չորրորդ ամենաբնակեցված բնակավայրը Հունաստանում։

Պիրեյոսը ունի հին և հարուստ պատմություն, որի մասին վկայում են Հելլենիստական դարաշրջանից պահպանված հնագիտական իրերը և աշխատանքային գործիքները։ Որպես Հին Հունաստանի քաղաք, այն հայտնի դարձավ 5-րդ դարում և այն բանից հետո, երբ քաղաքում ստեղծվեց նավահանգստային նախատիպ։ Կարճ ժամանակահատվածում Պիրեյոսը դարձավ ամբողջ Դասական Հունաստանի տարանցիկ առևտրի գլխավոր կենտրոնը։

Սակայն ժամանակի ընթացքում Պիրեյոսի հեղինակությունը նվազեց, այն բանից հետո երբ 4-րդ դարում Հունաստանի մայրաքաղաք հռչակվեց Աթենքը։ Ժամանակակից աշխարհում Պիրեյոսը նշանավոր քաղաք է Հարավային Եվրոպայում և համարվում է Աթենքի անբաժանելի մասը։ Այն համարվում է Հունաստանի ամենամեծ նավահանգիստը և երկրի առևտրա-արդյունաբերական գլխավոր կենտրոններից մեկը։

Պիրեյոսը կարևոր նշանակություն ունի աշխարհում։ Այն համարվում է ամենավարկանշային և ամենաուղատար նավահանգիստը ամբողջ Եվրոպայում^[4][5] և երկրորդը աշխարհում^[6]։ Ամեն տարի Պիրեյոսը ընդունում է 20 միլիոն ուղևոր։