Պեդրո Ժերոմել

Պեդրո Ժերոմել; Pedro Geromel
	Ժերոմելը Քյոլնի կազմում 2009 թվականին
Անձնական տվյալներ
Ամբողջական անուն	Pedro Tonon Geromel
Քաղաքացիությունը	Բրազիլիա; Իտալիա
Ծննդյան ամսաթիվ	սեպտեմբերի 21, 1985 (38 տարեկան)
Ծննդավայր	Սան Պաուլո, Բրազիլիա
Հասակ	190 սմ
Քաշ	84
Դիրք	կենտրոնական պաշտպան
Ակումբային տեղեկություններ
Ներկա ակումբ	Գրեմիո
Համար	3
Պատանեկան կարիերա
1999-2003	Պալմեյրաս
2003-2004	Շավիշ
Մասնագիտական կարիերա*
Ազգային հավաքական‡
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ հունիսի 7-ի, 2018:; ‡ Ազգային հավաքականի խաղերն ու գոլերը ըստ հունիսի 7-ի, 2018

Պեդրո Ժերոմել (պորտ.՝ Pedro Geromel, սեպտեմբերի 21, 1985(1985-09-21)^[1], Սան Պաուլո, Բրազիլիա), բրազիլացի պրոֆեսիոնալ ֆուտբոլիստ։ Ներկայումս հանդես է գալիս Գրեմիոյի և Բրազիլիայի ազգային հավաքականի կազմում։ Խաղում է կենտրոնական պաշտպանի դիրքում^[2]։

Ակումբային կարիերա

Վաղ կարիերա

Ժերոմելը ծնվել է Սան Պաուլոյում։ 2003 թվականին նա Էլիասի հետ Պալմեյրասից միացավ Շավիշի ակադեմիային^[3]։ Իր պրոֆեսիոնալ դեբյուտը նշեց 2004-05 մրցաշրջանում՝ Պորտուգալիայի երկրորդ դիվիզիոնում^[4]։

2005 թվականի ամռանը Ժերոմելը 4 տարվա պայմանագիր կնքեց Վիտորիա Գիմարայնշի հետ^[5]։ Իր դեբյուտը նշեց սեպտեմբերի 9-ին՝ Բրագայի դեմ խաղում^[6]։ Իր առաջին հանդիպումը եվրոպական մրցաշարերում անցկացրեց սեպտեմբերի 15-ին՝ ՈՒԵՖԱ Գավաթի Վիսլա Կրակովի դեմ խաղում^[7]։ 2005-06 մրցաշրջանում Ժերոմելը Վիտորիայի հետ դուրս մնաց Պորտուգալիայի բարձրագույն դիվիզիոնից, սակայն հաջորդ տարի վերադարձավ Պրիմեյրա Լիգա։ Իր առաջին գոլը ակումբի կազմում բրազիլացին խփեց 2007 թվականի սեպտեմբերի 30-ին՝ Բրագայի դեմ խաղում^[8]։ 2007-08 մրցաշրջանում նա, ըստ օնլայն քվեարկության, ճանաչվեց Պորտուգալիայի առաջնության լավագույն ֆուտբոլիստը՝ առաջ անցնելով Լիսանդրո Լոպեսից և Լուչո Գոնսալեսից։ Գիմարայնշի կազմում Ժերոմելը անցկացրեց 3 մրցաշրջան՝ մասնակցելով 69 հանդիպման և դառնալով 1 գոլի հեղինակ։

Քյոլն

2008 թվականի հունիսի 30-ին Ժերոմելը տեղափոխվեց Քյոլն։ Իր դեբյուտը ակումբի կազմում նշեց օգոստոսի 7-ին՝ Ցվայբրյուկենի դեմ խաղում^[9]։ Իր առաջին հանդիպումը Բունդեսլիգայում անցկացրեց օգոստոսի 16-ին՝ Վոլֆսբուրգի դեմ խաղում^[10]։ Իր առաջին գոլը ակումբի կազմում խփեց նոյեմբերի 7-ին՝ Հանովերի դեմ խաղում^[11]։ Ժերոմելը միանգամից դարձավ Քյոլնի հիմնական թիմի խաղացող^[12]՝ 2009 թվականի ապրիլի 11-ին՝ Բորուսիա Դորտմունդի դեմ խաղում խաղադաշտ դուրս գալով ավագի թևկապով^[13]։ Իր առաջին 2 մրցաշրջաններում Ժերոմելը շատ լավ խաղ էր ցուցադրում, ինչի շնորհիվ նրանով սկսեցին հետաքրքրվել Մադրիդի Ռեալը, Յուվենտուսը^[14] և Լացիոն, սակայն տրանսֆերը այդպես էլ չկայացավ։

2012 թվականի օգոստոսի 23-ին Ժերոմելը վարձավճարով միացավ Մալյորկային^[15]։ Իր դեբյուտը նշեց սեպտեմբերի 16-ին՝ Օսասունայի դեմ խաղում^[16]։ Իր առաջին գոլը ակումբի կազմում խփեց նոյեմբերի 1-ին՝ Իսպանիայի գավաթի Դեպորտիվո լա Կորունյայի դեմ խաղում^[17]։ Իր առաջին գոլը Լա Լիգայում խփեց 2013 թվականի փետրվարի 9-ին՝ Օսասունայի դեմ խաղում^[18]։ 2012-13 մրցաշրջանում բրազիլացին Մալյորկայի հետ դուրս մնաց Սեգունդա Դիվիզիոն։ 2013 թվականի դեկտեմբերին Ժերոմելը վերադարձավ Քյոլն՝ իսպանական ակումբի կազմում անցկացնելով 42 հանդիպում։

Գրեմիո

2013 թվականի դեկտեմբերին Ժերոմելը 2․5 տարվա վարձավճարով տեղափոխվեց Գրեմիո^[19]^[20]։ Հետագայում Գրեմիոն գնեց բրազիլացու ամբողջ տրանսֆերը^[21]։ Իր դեբյուտը նշեց 2014 թվականի փետրվարի 23-ին՝ Նովու Համբուրգուի դեմ խաղում^[22]։ Իր առաջին գոլը խփեց 2015 թվականի ապրիլի 10-ին՝ կրկին Նովու Համբուրգուի դեմ խաղում^[23]։ 2016 թվականին Ժերոմելը Գրեմիոյի հետ հաղթեց Բրազիլիայի գավաթը^[24]՝ ընդգրկվելով այդ մրցաշրջանի Սերիա A-ի խորհրդանշական հավաքականում^[25]։ 2017 թվականին նա նորից ընդգրկվեց Սերիա A-ի տարվա խորհրդանշական հավաքականում՝ այս տարի Գրեմիոյի հետ նվաճելով Լիբերտադորեսի գավաթը^[26]^[27]։

Միջազգային կարիերա

Բրազիլիայի ազգային հավաքական Ժերոմելը առաջին անգամ հրավիրվեց 2016 թվականի օգոստոսի 27-ին՝ փոխարինելով վնասվածք ստացած Ռոդրիգո Կայոյին^[28]^[29]։ Իր դեբյուտը ազգային հավաքականի կազմում նշեց 2017 թվականի հունվարի 26-ին՝ Կոլումբիայի դեմ ընկերական խաղում^[30]։

2018 թվականի մայիսին Ժերոմելը ընդգրկվեց 2018 թվականի աշխարհի առաջնության համար Բրազիլիայի հավաքականի 23-հոգանոց թիմում^[31]^[32]։

Կարիերայի վիճակագրություն

Ակումբային վիճակագրություն

2018 թվականի հունիսի 7-ի դրությամբ^[33]

Ակումբ	Մրցաշրջան	Առաջնություն			Գավաթ		Մայրցամաքային		Այլ		Ընդհանուր
Ակումբ	Մրցաշրջան	Դիվիզիոն	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Վիտորիա Գիմարայնշ	2005–06	Պրիմեյրա Լիգա	17	0	0	0	2	0	0	0	19	0
	2006–07	Սեգունդա Լիգա	21	0	0	0	0	0	0	0	21	0
	2007–08	Պրիմեյրա Լիգա	29	1	0	0	0	0	0	0	29	1
	Ընդհանուր		67	1	0	0	2	0	0	0	69	1
Քյոլն	2008–09	Բունդեսլիգա	32	1	2	0	0	0	0	0	34	1
	2009–10		29	1	3	0	0	0	0	0	32	1
	2010–11		27	2	1	0	0	0	0	0	28	2
	2011–12		28	0	1	0	0	0	0	0	29	0
	Ընդհանուր		116	4	7	0	0	0	0	0	123	4
Մալյորկա (վարձավճար)	2012–13	Լա Լիգա	30	1	3	1	0	0	0	0	33	2
	2013–14	Սեգունդա Դիվիզիոն	8	0	1	0	0	0	0	0	9	0
	Ընդհանուր		38	1	4	1	0	0	0	0	42	2
Գրեմիո	2014	Սերիա A	24	0	0	0	3	0	4	0	31	0
	2015		31	0	7	1	0	0	7	2	45	3
	2016		26	3	10	0	7	0	10	2	53	5
	2017		20	0	4	0	10	1	10	0	44	1
	2018		3	0	1	0	7	0	10	0	21	0
	Ընդհանուր		104	3	22	1	27	1	41	4	194	9
Կարիերայի ընդհանուր			325	9	33	2	29	1	41	4	428	16

Միջազգային վիճակագրություն

2018 թվականի հունիսի 7-ի դրությամբ^[33]

Բրազիլիա
Տարի	Խաղեր	Գոլեր
2017	1	0
2018	1	0
Ընդհանուր	2	0

Նվաճումներ

Ակումբային

Գրեմիո

Բրազիլիայի գավաթ․ 2016^[24]
Լիգա Գաուշու․ 2018
Լիբերտադորեսի գավաթ․ 2017^[27]
Ռեկոպա Սուդամերիկանա․ 2018^[34]

Անհատական

Բոլա դե Պրատա․ 2015, 2016^[35], 2017
Սերիա A-ի տարվա խորհրդանշական հավաքական․ 2016^[25], 2017

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Պեդրո Ժերոմել» հոդվածին։

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

Search