Պատերազմ և խաղաղություն (հեռուստասերիալ, 2016)

BBC-ի՝ դրամատիկական սերիալների ստեղծման համար պատասխանատու ստորաբաժանման ղեկավարներ Բեն Ստիվենսոնի և Դեննի Քոհենի պատվերով ստեղծված սերիալի թողարկման մասին հայտարարվել է 2013 թվականի փետրվարի 18-ին^[10]։ Արտադրությամբ զբաղվել են BBC Cymru Wales բաժինը The Weinstein Company-ի, Lookout Point-ի և BBC Worldwide-ի հետ համագործակցությամբ^[11]։ Որպես գործադիր պրոդյուսերներ հանդես են եկել Ֆեյթ Փենհեյլը, Ջորջ Օրմոնդը, Էնդրյու Դևիսը, Սայմոն Վոնը և Հարվի Վայնշտեյնը^[12]։ Սերիալը կազմված է մեկ ժամանոց վեց սերիաներից BBC One-ի համար և 45 րապեանոց ութ սերիաներից միջազգային շուկայի համար^[13]։

Որոշ տեսարաններ նկարահանվել են Սանկտ Պետերբուրգի Պալատական հրապարակում և Վերափոխման տաճարում։

Նկարահանումներն անցկացվել են Մեծ Գատչինյան պալատում և նրա այգու մերձակայքում։ Պարահանդեսների տեսարանները նկարահանվել են Ցարսկոե Սելոյի Եկատերինինյան պալատում և Մոյկա գետի ափին գտնվող Յուսուպովյան պալատում։

Նկարահանումների մեծ մասն իրականացվել են Լատվիայում՝ Ռունդալի պալատում, որի ճարտարապետը՝ Վարֆոլոմեյ Ռաստրելլին, եղել է Ձմեռային պալատի ու Պետերգոֆի պալատի հեղինակը, ինչի շնորհիվ ճարտարապետության տեսանկյունից այդ կառույցները նման են։ Ճրագալույցի գիշերվա տեսարանը գրեթե ամբողջությամբ (ներառյալ նաև երանգավորումը) կրկնում է Կ. Մակովսկու «Ճրագալույցի գուշակություն» (ռուս.՝ «Святочные гадания») նկարը։

Ընդհանուր առմամբ ֆիլմը, որ բաժանված է վեց էպիզոդների, ճշտությամբ կրկնում է Լև Տոլստոի վեպի սյուժեն՝ որոշակի լրացումներով։

Սերիալում ցուցադրված է քույր և եղբայր Կուրագինների չափից դուրս մոտ հարաբերությունների բաց տեսարան, և այդ մասին Լև Տոլստոյը հիշատակել է նաև վեպում։ Այդ փաստը նշվել է նաև վեպի սևագրերում^[14]։

Սերիալում բացակայում է բացակայում են մի քանի կերպարներ՝ Մարիա Դմիտրիևնա Ախրոսիմովան, Ռոստովների ավագ դուստր Վերան և Կուրագինների ավագ որդին՝ Իպոլիտը։

• Փոլ Դանո – Պիեռ Բեզուխով
• Լիլի Ջեյմս – Նատաշա Ռոստովա
• Ջեյմս Նորթոն – Անդրեյ Բալկոնսկի
• Ջեսի Բաքլի – Մարիա Բալկոնսկայա
• Էշլինգ Լոֆտուս – Սոնյա Ռոստովա
• Ջեք Լաուդեն – Նիկոլայ Ռոստով
• Թոմ Բյորք – Ֆեոդոր Դոլոխով
• Թապենս Միդլտոն – Էլեն Կուրագինա
• Քալում Թյորներ – Անատոլ Կուրագին
• Էդրիեն Էդմոնդսոն – կոմս Իլյա Ռոստով
• Ռեբեկա Ֆրոնտ – Աննա Միայլովնա Դրուբեցկայա
• Գրետա Սկակի – կոմսուհի Նատալյա Ռոստովա
• Անեյրին Բեռնարդ – Բորիս Դրուբեցկոյ
• Մատյո Կասովից – Նապոլեոն Բոնապարտ
• Ստիվեն Ռի – իշխան Վասիլի Կուրագին
• Բրայան Կոքս – գեներալ Միխայիլ Կուտուզով
• Ջիլիան Անդերսոն – Աննա Պավլովնա Շերեր
• Ջիմ Բրոդենտ – իշխան Նիկոլայ Բալկոնսկի
• Օլիվիա Ռոս – Ամիլիա Բուրիեն
• Քեյթ Ֆիլիպս – Լիզա Բալկոնսկայա
• Թոմաս Առնոլդ – Վասիլի Դենիսով
• Օտտո Ֆարանտ – Պետյա Ռոստով
• Քլոե Պիրրի – Ժյուլի Կարագինա
• Էդրիան Ռոուլինզ – Պլատոն Կարատաև
• Ռորի Քինեն – Բիլիբին
• Բեն Լլոյդ-Ժյուզ – կայսր Ալեքսանդր I
• Քեն Ստոթ – Օսիպ Ալեքսեևիչ Բազդեև
• Դևիդ Քուլթեր – Տիխոն
• Պիպ Տորենս – Պյոտր Բագրատիոն
• Քենեթ Կրեմեն – քեռի Միխայիլ

Մեծ Բրիտանիայում սերիալը, որ ներառել է 60 րոպեանոց հինգ և 82 րոպեանոց մեկ սերիաներ, հեռարձակվել է BBC One ալիքով 2016 թվականի հունվարի 3-ից (երեկոյան ժամը 9-ին)^[13][15][16]։

Միացյալ Նահանգներում այն հեռարձակվել է 2016 թվականի հունվարի 18-ից միաժամանակ երեք ցանցերով՝ A&E, Lifetime և History Channel։ Կանադայում այն ցուցադրվել է նույն ժամանակահատվածում, բայց միայն A&E ալիքով^{[17][18][19][20][21]}։

Ավստրալիայում հեռուստասերիալը ցուցադրվել է BBC First ալիքով 2016 թվականի հունվարի 31-ից^[22]։

Հեռուստասերիալը ցուցադրվել է նաև Շվեդիայում (SVT), Դանիայում (TV 2), Նորվեգիայում (NRK), Էստոնիայում (ETV), Գերմանիայում (RTL Passion), Հունաստանում (OTE), Լիտվայում (LNK), Իսրայելում (YES), Ռուսաստանում (Առաջին ալիք), Չինաստանում (LeEco), Թայվանում (LeEco), Հնդկաստանում (Vuclip), Հարավային Կորեայում (KBS and SK), Ֆիլիպիններում (ABS-CBN, Lifestyle), Բելգիայում (BBC First), Նիդեռլանդներում (BBC First), Լյուքսեմբուրգում (BBC First), Պորտուգալիայում (RTP) և Ճապոնիայում (NHK)^{[23][24][25][26]}։

• Պաշտոնական կայք(անգլ.)