Չաք Շումեր
Չարլզ Էլիս «Չաք» Շումեր (անգլ.՝ Charles Ellis «Chuck» Schumer, նոյեմբերի 23, 1950[3][4], Նյու Յորք, Նյու Յորք, ԱՄՆ) ամերիկացի քաղաքական գործիչ, ԱՄՆ ավագ սենատոր Նյու Յորք նահանգից, Դեմոկրատական կուսակցության անդամ։ 2017 թվականի հունվարի 3-ին դարձավ Սենատում փոքրամասնության առաջնորդը։ 2021 թվականի հունվարի 20-ից համարվում է Սենատի մեծամասնության առաջնորդ։
| Չաք Շումեր անգլ.՝ Chuck Schumer և Chuck Schumer | |
 | |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Հարվարդի քոլեջ (1971), Հարվարդի իրավունքի դպրոց (1974) և Ջեյմս Մեդիսոնի ավագ դպրոց (1967) |
| Մասնագիտություն՝ | քաղաքական գործիչ և գրող |
| Ազգություն | հրեա |
| Դավանանք | հուդայականություն[1][2] և ռեֆորմիստական հրեականություն[2] |
| Ծննդյան օր | նոյեմբերի 23, 1950[3][4] (73 տարեկան) |
| Ծննդավայր | Նյու Յորք, Նյու Յորք, ԱՄՆ |
| Քաղաքացիություն |  ԱՄՆ |
| Ի ծնե անուն | անգլ.՝ Charles Ellis Schumer |
| Ամուսին | Իրիս Վայնշալ |
| Կայք՝ | schumer.senate.gov |
| Ինքնագիր | .png){kind=small} |
| Պարգևներ | |
Նախքան Սենատում ընտրվելը, Շումերը 1981-1999 թվականներին Ներկայացուցիչների պալատում ներկայացնում էր Բրուքլինի և Քուինսի հատվածները։ Ծնունդով Բրուքլինից Չարլզը Հարվարդի քոլեջի և Հարվարդի իրավաբանական դպրոցի շրջանավարտ է։ Նա նաև 1975-1980 թվականներին ներկայացնում էր 45-րդ շրջանը Նյու Յորք նահանգի ժողովի ժամանակ։
Շումերը եղել է Սենատի Դեմոկրատական ղեկավարության առաջին ամենաազդեցիկ անդամը, այն բանից հետո, երբ 2017 թվականի հունվարի 3-ին Հարրի Ռիդը անցավ թոշակի[6]։
2015 թվականին մեծամասնության պաշտոնաթող առաջնորդ Հարրի Ռիդը հավանություն տվեց Շումերի՝ մեծամասնության (կամ փոքրամասնության) առաջնորդի կոչմանն արժանանալուն[7]։
Վաղ կյանք և կրթություն
Շումերը ծնվել է Բրուքլինում՝ հրեա ծնողների՝ Սելմայի և Աբրահամ Շումերի ընտանիքում[8][9]։ Նա ազգակցական կապ ունի դերասանուհի և կատակերգու Էմի Շումերի հետ[10][11][12]։ Հաճախել է Բրուքլինի Ջեյմս Մեդիսոնի անվան ավագ դպրոցը, որտեղ նա հավաքել է անհավանական 1600 միավոր հանձնելով SAT թեստը[13]։
Սովորել է Հարվարդի քոլեջում, որտեղ հետաքրքրվել է քաղաքականությամբ և մասնակցել Յուջին Մաքքարթիի նախընտրական քարոզարշավին[14]։ Բակալավրի կոչում ստանալուց հետո Շումերը ընդունվել է Հարվարդի իրավաբանական դպրոց, որտեղ նա ստացել է իրավաբանական դոկտորի աստիճան։ Նա հանձնել է Նյու Յորք նահանգի փաստաբանական ուսումնարանի քննությունը, բայց երբեք չի զբաղվել փաստաբանությամբ՝ սկսելով իր քաղաքական կարիերան[15]։