Ուիլյամ Քեթ
Ուիլյամ Քեթ (անգլ.՝ William Theodore Katt,փետրվարի 16, 1951[1] կամ փետրվարի 15, 1950[2], Լոս Անջելես, Կալիֆոռնիա, ԱՄՆ) ամերիկացի դերասան, ռեժիսոր, սցենարիստ և պրոդյուսեր։
| Ուիլյամ Քեթ | |
|---|---|
 | |
| Ծննդյան թիվ՝ | փետրվարի 16, 1951[1] (73 տարեկան) կամ փետրվարի 15, 1950[2] (74 տարեկան) |
| Ծննդավայր՝ | Լոս Անջելես, Կալիֆոռնիա, ԱՄՆ |
| Քաղաքացիություն՝ |  ԱՄՆ |
| Մասնագիտություն՝ | հնչյունավորող, կատակերգու, հեռուստատեսային դերասան, կինոդերասան, դերասան, սցենարիստ, կինոպրոդյուսեր, երաժիշտ և կինոռեժիսոր |
| IMDb։ | ID 0001411 |
Կենսագրություն
Ծնվել է 1951 թվականի փետրվարի 16-ին Լոս Անջելեսում, Կալիֆոռնիա, ԱՄՆ[3]։ 1970 թվականից նա նկարահանվել է բազմաթիվ ֆիլմերում և սերիալներում։ Նա լայն ճանաչում ձեռք բերեց Բրոդվեյում՝ խաղալով Պիպինի մյուզիքլում գլխավոր դերը, իսկ հեռուստատեսությամբ՝ խաղալով «Ամերիկյան մեծագույն հերոսը» սերիալում, որը ցուցադրվել է 1981-1983 թվականներին։ 1999 թվականին Ուիլյամ Քեթը որպես ռեժիսոր հանդես եկավ իր դեբյուտով՝ «Մաքուր փող» դրամայով, որտեղ նա խաղաց գլխավոր դերերից մեկը։
Նա ամուսնացած է եղել Դեբորա Քահանիի հետ 1979-1992 թվականներին։ Նախկին ամուսիններն ունեն երկու որդի՝ Քլեյթոնը և Էմերսոնը[4]։ 1993 թվականին նա ամուսնացել է Դանիել Հիրշի հետ։ Զույգը դուստր ունի՝ Դակոտան։ Քեթը նաև Էնդրյուի խորթ հայրն է՝ նրա կնոջ որդու առաջին ամուսնությունից[5]:
Ընտրված ֆիլմագրություն
| Տարեթիվ | Հայերեն անվանում | Օրիգինալ անվանում | Դեր | |
|---|---|---|---|---|
| 1976 | ֆ | Քերրի | Carrie | Թոմմի Ռոս |
| 1977 | ֆ | Առաջին սեր | First Love | Էլջին |
| 1978 | ֆ | Մեծ չորեքշաբթի | Big Wednesday | Ջեք Բարլոու |
| 1979 | ֆ | Բաչ և Սանդենս. Վաղ օրերը | Butch and Sundance: The Early Days | Սանդենս Կիդ |
| 1986 | ֆ | Տուն | House | Ռոջեր Կոբբ |
| 1994 | ֆ | Ճանապարհի տնակ | Tollbooth | Վեգգի |
| 1995 | ֆ | Բարդ երեխա 3 | Problem Child 3 | Բեն Հիլի |
| 2007 | ֆ | Մարդը երկրից | The Man from Earth | Արտ |
| 2020 | ֆ | Երկրորդը | The 2nd | Սենատոր Բոբ Ջեֆերս |
Ծանոթագրություններ
 | Վիքիպահեստն ունի նյութեր, որոնք վերաբերում են «Ուիլյամ Քեթ» հոդվածին։ |