ՈՒԵՖԱ Չեմպիոնների Լիգա

Ընդհանուր մրցաշրջանին մասնակցում են 77 ակումբներ ՈՒԵՖԱ անդամ 54 երկրներից (բացառությամբ Լիխտենշտայնի, քանի որ չունի ազգային առաջնություն^[1][2])։ Անդամ երկրները բաժանվում են 4 հիմնական խմբերի, որոնք բաշխվում են՝ համաձայն ՈՒԵՖԱ կողմից հաշվարկվող գործակիցների^[3]։

• Անդամ երկրներ, որոնք գործակիցների դասակարգմամբ գտնվում են 1-3 տեղերում, մասնակցում են չորսական ակումբներով։
• Անդամ երկրներ, որոնք գործակիցների դասակարգմամբ գտնվում են 4-6 տեղերում, մասնակցում են երեքական ակումբներով։
• Անդամ երկրներ, որոնք գործակիցների դասակարգմամբ գտնվում են 7-15 տեղերում, մասնակցում են երկուական ակումբներով։
• Անդամ երկրներ, որոնք գործակիցների դասակարգմամբ գտնվում են 16-54 տեղերում, մասնակցում են մեկական ակումբներով։

Եվրոպական Չեմպիոնների Գավաթը հանձնվում է ամեն տարի Չեմպիոնների Լիգայում հաղթանակած ակումբին, ընդ որում վերջինս իրավունք ունի այն պահել իր մոտ 10 ամիս։ Որպես հուշ ակումբը ստանում է Գավաթի փոքրացված պատճենը (ոչ ավելին, քան 80%-ով փոքրացված)։ Չեմպիոնների Լիգայում 3 անգամ անընդմեջ կամ 5 անգամ հաղթելուց հետո ակումբը իրավունք ունի Գավաթը (իրական չափերի պատճենը) ընդմիշտ պահել իր մոտ։ Առայժմ միայն վեց ակումբներ ունեն այդ իրավունքը. Ռեալ Մադրիդ, Միլան, Լիվերպուլ, Բավարիա, Այաքս և Բարսելոնա։

Գավաթն ունի 74 սմ բարձրություն, կշռում է 11 կգ։ Պատրաստված է արծաթից։ Նախագծել է շվեյցարացի ոսկերիչ Յուրգ Շտադելմանը Բեռն քաղաքից։ Առաջին գավաթը հանձնվել է 1966 թվականին, Ռեալ Մադրիդ ակումբին, և արժեցել է 10 հազար շվեյցարական ֆրանկ։

Բացի գավաթից, Լիգայի եզրափակիչի մասնակիցներին հանձնվում են նաև մեդալներ. 40 ոսկե մեդալ՝ հաղթողներին, 40 արծաթե մեդալ՝ պարտվողներին^[4]։

ՈւԵՖԱ-ն պարգևատրում է Չեմպիոնների Լիգա անցած յուրաքանչյուր ակումբին 3-ական միլիոն եվրո գումարով, ինչպես նաև 2.4 միլիոն եվրո՝ խմբային փուլում մասնակցելու համար։ Խմբային փուլում յուրաքանչյուր հաղթանակի համար ակումբները ստանում են 600-ական հազար եվրո։ 1/4 եզրափակչի յուրաքանչյուր մասնակցին վճարվում է 2.5 միլիոն եվրո, կիսաեզրափակչի մասնակցին՝ 3մլն եվրո, եզրափակիչի մասնակիցներից յուրաքանչյուրին՝ 4-ական միլիոն եվրո և հաղթողին՝ 7 միլիոն եվրո պարգևավճար։

2024 թվականի Հունիսի 6-ի դրությամբ։

Տեղ	Թիմ	Երկիր	Խաղեր	Հ	Ո	Պ	Գ
1	Ռեալ Մադրիդ	Իսպանիա	489	294	85	110	1075
2	Բավարիա	Գերմանիա	394	236	79	79	825
3	Բարսելոնա	Իսպանիա	349	203	77	69	687
4	Յուվենտուս	Իտալիա	301	153	70	78	479
5	Մանչեսթեր Յունայթեդ	Անգլիա	299	161	70	68	545
6	Բենֆիկա	Պորտուգալիա	292	130	67	95	479
7	Պորտու	Պորտուգալիա	275	125	61	89	410
8	Միլան	Իտալիա	273	133	70	70	440
9	Դինամո Կիեվ	Ուկրաինա	255	104	55	95	351
10	Լիվերպուլ	Անգլիա	248	143	49	56	472

2024 թվականի Հունիսի 5-ի դրությամբ։

Տեղ	երկիր	Խաղացող	Խաղեր	Րոպե
1	Պորտուգալիա	Կրիշտիանու Ռոնալդու	187	16189
2	Իսպանիա	Իկեր Կասիլյաս	181	16267
3	Արգենտինա	Լիոնել Մեսսի	163	13584
4	Իսպանիա	Չավի Էռնանդես	157	11851
5	Գերմանիա	Թոմաս Մյուլեր	153	10307
6	Գերմանիա	Թոնի Կրոս	153	11962
7	Ֆրանսիա	Կարիմ Բենզեմա	152	11128
8	Ուելս	Ռայան Գիգզ	151	11089
9	Իսպանիա	Ռաուլ Գոնսալես	144	12179
10	Գերմանիա	Մանուել Նոյեր	142	12930
11	Իսպանիա	Սերխիո Ռամոս	142	12571
12	Խորվաթիա	Լուկա Մոդրիչ	139	10355
13	Իտալիա	Պաոլո Մալդինի	139	11932
14	Իսպանիա	Անդրես Ինիեստա	132	9398
15	Իտալիա	Ջանլուիջի Բուֆֆոն	132	12000

(Թավատառով նշված են այն ֆուտբոլիստները, ովքեր դեռևս չեն ավարտել իրենց կարիերան)

2024 թվականի Մարտի 15-ի դրությամբ

Տեղ	Երկիր	Խաղացող	Գոլեր	Միջինը խաղում
1	Պորտուգալիա	Կրիշտիանու Ռոնալդու	141	0,77
2	Արգենտինա	Լիոնել Մեսսի[5]	129	0,79
3	Լեհաստան	Ռոբերտ Լևանդովսկի	94	0,78
4	Ֆրանսիա	Կարիմ Բենզեմա	90	0,59
5	Իսպանիա	Ռաուլ	71	0,50
6	Նիդերլանդներ	Ռուդ վան Նիստելռոյ[6]	60	0,77
7	Ուկրաինա	Անդրեյ Շևչենկո[7]	59	0,48
8	Գերմանիա	Թոմաս Մյուլեր	54	0,36
9	Ֆրանսիա	Թիերի Անրի[8]	51	0,45
10	Շվեդիա	Զլատան Իբրահիմովիչ	49	0,40

Չեմպիոնների լիգայի լավագույն ռմբարկուները (ներառյալ որակավորման խաղերում խփած գնդակները)^[9]
(Թավատառով նշված են այն ֆուտբոլիստները, որոնք դեռևս չեն ավարտել իրենց կարիերան)

• ՈւԵՖԱ պաշտոնական կայք, Չեմպիոնների Լիգա
• ՈւԵՖԱ պաշտոնական կայք, Չեմպիոնների Լիգայի պատմություն
• ՈւԵՖԱ պաշտոնական կայք, Չեմպիոնների Լիգայի հաղթողներ
• Soccer-Stat.ru, Չեմպիոնների Լիգայի պատմություն

|}