Շերիլ Սվուփս
Շերիլ Դենիզ Սվուփս (անգլ.՝ Sheryl Denise Swoopes, մարտի 25, 1971[1][2], Brownfield, Տեխաս, ԱՄՆ[3]), ամերիկացի պրոֆեսիոնալ բասկետբոլիստուհի, ԱՄՆ-ի հավաքականի կազմում եռակի օլիմպիական չեմպիոն (1996, 2000 և 2004)։ Քառակի չեմպիոն է ՎՆԲԱՆ «Հյուսթոն Կոմետսի» կազմում։ 1993 թվականին դարձել է ուսանողական սպորտի ազգային ասոցիացիայի (NCAA) չեմպիոն «Տեխաս տեկ Լեդի Ռայդերս»-ի կազմում, ինչպես նաև ճանաչվել է բասկետբոլի այս մրցաշարի ամենանշանավոր խաղացող։ Բասկետբոլի փառքի սրահի անդամ է 2016 թվականից։
| Շերիլ Սվուփս | |
|---|---|
 | |
| Ծնվել է | մարտի 25, 1971[1][2] (53 տարեկան) |
| Ծննդավայր | Brownfield, Տեխաս, ԱՄՆ[3] |
| Քաղաքացիություն |  ԱՄՆ[3] |
| Մայրենի լեզու | անգլերեն |
| Կրթություն | Brownfield High School? |
| Մասնագիտություն | բասկետբոլիստ և բասկետբոլի մարզիչ |
| Պարգևներ և մրցանակներ | |
| Կայք | sherylswoopes.net |
 Sheryl Swoopes Վիքիպահեստում | |
Վաղ հաջողություն
Շերիլ Սվուփսը ծնվել է Տեխասի Բրաունֆիլդ քաղաքում։ Նրա մայրը՝ Լուիզա Սվուփսը մեծացրել է նրան և երկու եղբայրներին առանց ամուսնու։ Շերիլը վաղ է սկսել բասկետբոլ խաղալ իր ավագ եղբայրների հետ։ Երեխաների համար տեղական լիգայի մրցումներին նա մասնակցել է յոթ տարեկանից։
Մասնագիտական կարիերա
Շերիլ Սվուփսը 11 մրցաշրջանների ընթացքում եղել է «Հյուսթոն Կոմետսի» լավագույն խաղացողը, չորս անգամ դարձել է կանանց NBA-ի չեմպիոն։ Լիզա Լեսլիի և Լորեն Ջեքսոնի հետ երեք բասկետբոլիստուհիներից մեկն է, որոնք երեք անգամ ճանաչվել են ասոցիացիայի ամենաարժեքավոր խաղացող։
2003 թվականին ՈՒԳՄԿ-ի կազմում դարձել է ՖԻԲԱ-ի աշխարհի գավաթի բրոնզե մեդալակիր։
2004/05 մրցաշրջանում նա խաղացել է սամարական VBM-SSAU ակումբում և դարձել Ռուսաստանի չեմպիոն։
11 մրցաշրջանից հետո «Հյուսթոն Կոմետսի» կազմում 2008 թվականի մարտին պայմանագիր է կնքել «Սիեթլ Շտորմի» հետ, որը լքել էր 2009 թվականի փետրվարին։ 2016 թվականին ընդգրկվել է Բասկետբոլի փառքի սրահում[5]։
2005 թվականին հայտարարել է, որ լեսբուհի է՝ դառնալով կանանց բասկետբոլում քամինգ աութ կատարած առաջին կանանցից մեկը[6]։ 1995-99 թվականներին ամուսնացած է եղել դպրոցական ընկերոջ հետ, որից 1997 թվականին լույս աշխարհ է բերել որդուն՝ Ջորդան Էրիկ Ջեքսոնին։ Այժմ ապրում է մեկ այլ նախկին բասկետբոլիստուհի Ալիսա Սքոթի հետ և նրա հետ միասին դաստիարակում է որդուն։
Ծանոթագրություններ
Արտաքին հղումներ
- Официальный сайт Шерил Свупс(անգլ.)
- Профайл на сайте женской НБА(անգլ.)
- Статистика на сайте Basketball-Reference.com Արխիվացված 2018-09-13 Wayback Machine(անգլ.)
- Биография Шерил Свупс на сайте сборной США(անգլ.)
 | Վիքիպահեստն ունի նյութեր, որոնք վերաբերում են «Շերիլ Սվուփս» հոդվածին։ |