Նուր ալ-Հուսեյն
Նուր ալ-Հուսեյն (արաբ․՝ نور الحسين, ի սկզբանե՝ Լիզա Նաջիբ Հալաբի, օգոստոսի 23, 1951[1], Վաշինգտոն, Կոլումբիայի շրջան, ԱՄՆ), արաբ պետական գործիչ, Հորդանանի թագավոր Հուսեյ իբն Թալալի վերջին կինն է[6]։ Հորդանանի թագավորի մահից հետո՝ 1999 թվականին դարձել է այրի։
| Նուր ալ-Հուսեյն نور الحسين | |||
 | |||
| |||
|---|---|---|---|
| Կրթություն՝ | Փրինսթոնի համալսարան | ||
| Մասնագիտություն՝ | գրող, ինքնակենսագիր, ճարտարապետ և Կոնսորտ թագուհի | ||
| Ազգություն | արաբ | ||
| Դավանանք | իսլամ | ||
| Ծննդյան օր | օգոստոսի 23, 1951[1] (72 տարեկան) | ||
| Ծննդավայր | Վաշինգտոն, Միացյալ Նահանգներ | ||
| Դինաստիա | Հաշիմյաններ | ||
| Քաղաքացիություն |  ԱՄՆ և  Հորդանան | ||
| Ի ծնե անուն | Lisa Najeeb Halaby | ||
| Հայր | Najeeb Halaby? | ||
| Մայր | Doris Halaby?[2] | ||
| Ամուսին | Հուսեյն I իբն Տալալ | ||
| Զավակներ | Համզա իբն ալ-Հուսեյն, Հաշիմ իբն Հուսեյն, Իմաթ բինթ Հուսեյն և Ռայա բինթ ալ-Հուսեյն | ||
| Պարգևներ | |||
Ամուսնանալով Հուսեյն իբն Թալալի հետ Լիզա Հաջիբ Հալաբը ստիպված է եղել հրաժարվել է Ամերիկայի Միացյալ Նահանգների քաղաքացիությունից (ծնվել է Ամերիկայի մայրաքաղաք Վաշինգտոնում) և ընդունել իսլամ՝ ստանալով Նուր ալ-Հուսեյն անունը։
Կենսագրություն
Լիզա Նաջիբ Հալաբին ծնվել է 1951 թվականի օգոստոսի 23-ին Ամերիկայի Միացյալ Նահանգների մայրաքաղաք Վաշինգտոնում։ Նրա հայրը եղել է սիրիական ծագում ունեցող գործարար, իսկ մայրը եղել է շվեդուհի։ Լիզայի հայրը բացի արաբական ծագումից ունեցել է նաև անգլո-սաքսոնական արմատներ։ Նա երկար տարիներ ղեկավարել է պանամերիկյան ընկերությունը և անգամ զբաղեցրել է պետքարտուղարի տեղակալի պաշտոնը։
Նյու Յորքի վարժարանում սովորելուց հետո ավարտել է Փրինսթոնի համալսարանի ճարտարապետության և քաղաքաշինության ֆակուլտետը։
Համալսարանական կրթությունն ավարտելուց հետո Լիզան տեղափոխվել է Ավստրալիա, որտեղ նա աշխատել է մասնագիտացված քաղաքաշինական ընկերությունում։ Շուտով նա աշխատանքային գործունեություն է ծավալել Մեծ Բրիտանիայում և ապա Իրանի Իսլամական Հանրապետության մայրաքաղաք Թեհրանում։ 1976 թվականին վերադարձել է Միացյալ Նահանգներ և աշխատել հոր ավիաընկերությունում։
1977 թվականից աշխատել է Հորդանանի ազգային ավիաընկերությունում։ Հենց աշխատանքային այս տարիներին էլ Լիզան հանդիպել է Հորդանանի թագավոր Հուսեյնին։ 1978 թվականին ամուսնացել է Հուսեյ իբն Թալալի հետ։ Ունեցել են չորս երեխաներ։
