Նյու Հեյվեն

Նյու Հեյվեն (անգլ.՝ New Haven), քաղաք ԱՄՆ Կոնեկտիկուտ նահանգի համանուն շրջանում՝ Լոնգ Այլենդ նեղուցի ափին։ Նյու Հեյվենը մեծ նավահանգիստ է։ Ըստ 2012 թվականի մարդահամարի տվյալների՝ քաղաքում բնակվում է 130․741 մարդ^[2]։ Բնակչության թվով համարվում է երկրորդ քաղաքը նահանգում։

Բնակավայր
Նյու Հեյվեն
անգլ.՝ New Haven
Երկիր	ԱՄՆ
Հիմնադրված է	1638 թ.
Առաջին հիշատակում	1638
Մակերես	52±1 կմ², 52,122141 կմ²
ԲԾՄ	18±1 մետր
Բնակչություն	▲134 023 մարդ (ապրիլի 1, 2020)[1]
Ժամային գոտի	EDT?
Հեռախոսային կոդ	203 և 475
Փոստային դասիչ	06501–06540
Պաշտոնական կայք	newhavenct.gov​(անգլ.)
Նյու Հեյվեն Վիքիպահեստում

Քաղաքը հիմնադրվել է 1638 թվականին, երբ շուրջ 500 պուրիտանցիներ լքել են Մասաչուսեթսի նեղուցի գաղութը և հիմնել են Նյու Հեյվենի գաղութը։ Մեկ տարի անց նրանք կառուցել են քաղաքի փողոցները ճաղավանդակի տեսքով՝ ստեղծելով այն, ինչը այժմ հայտնի է որպես «Ինը հրապարակների հատակագիծ»^[3]։ Այդ բլոկի կենտրոնական հատվածը անվանվում է Նյու Հեյվեն Գրին (անգլ.՝ New Haven Green)։ Այն զբաղեցնում է 6 հեկտար տարածք և համարվում է ԱՄՆ ազգային պատմական հուշարձան^[4][5]։

Քաղաքում զարգացած է հրազենի, ժամացույցների, էլեկտրոնիկայի, արդյունաբերական սարքավորումների ու գործիքների արտադրությունը և քիմիական արդյունաբերությունը։