Նիք Ռոբինսոն

Ռոբինսոնը ծնվել է 1995 թվականի մարտի 22- ին Սիեթլում, Վաշինգտոն^[1][2]։ Նա հինգ երեխաներից ամենամեծն է, բացառությամբ իր հոր նախկին կնոջ երեխաներից, երկու խորթ եղբայրներից և քույրերից^[3] Նրա մայրիկի անունը Դենիս Պոնդեր է^[4]։ Նիքը ավարտել է Campbell Hall School 2013 թվականին^[5]։

Նիքը առաջնաելույթ է կատարել 11 տարեկան հասակում Չարլզ Դիքենսի «Սուրբծննդյան վիպակնեում»։ 2009 թվականին ստացել է Ռայդեր Սքենլոնի դերը ABC Family հեռուստաալիքի «Մելլիսա և Ջոուի» հեռուստասերիալում, որտեղ նկարահանվել է մինչև սերիալի ավարտը՝ 2015 թվականը։

2011 թվականին, վերցնելով դադար «Մելլիսա և Ջոուի» սերիալում, Նիքը նկարահանվել է Disney- ի «Կախարդված ընկերները» ֆիլմում, Բելա Թորնի և Զենդայայի հետ միասին։ Ֆիլմի պրեմերիան կայացել է 2012 թվականի հունվարի 13- ին^[6]։ 2012 թվականին ստացել է Ջո Թոյայի դերը «Ամռան թագավորները» ֆիլմում^[7]։ Ֆիլմի նկարահանումները սկսվել են 2012 թվականի հուլիսին Քլիվլենդում, Օհայո նահանգ և ավարտվել է 2012 թվականի օգոստոսին^[8][9]։ Նույն թվականին նկարահանվել է «Ընդհատակյա կայսրություն» հեռուստասերիալի մի սերիայում, երիտասարդ գող Ռոուլանդ Սմիթի դերում։

2013 թվականին ընտրվել է Զակ Միտչելլի դերում, Աշխարհը յուրայի դարաշրջանում ֆիլմում, որը թողարկվել է 2015 թվականին^[10]։ 2015 թվականին ստացել է գլխավոր դեր «Լինել Չարլի» ֆիլմում, որի պրեմերիան կայացել է Տորոնտոյի կինոփառատոնի ժամանակ 2015 թվականին^[11]։ 2016 թվականին խաղացել է Բեն Պերիշայի (զոմբի) դերը Ռիկ Յանսի «Հինգերորդ ալիքը» վեպի էկրանավորված տարբերակում։

2016 թվականի մարտին հայտարարվել է, որ Ռոբինսոնը նկարահանվում է Ուիլյամա Մեյսի «Բյուրեղ» կատակերգական դրամայում^[12]։ 2016 թվականի հուլիսին հայտնի է դարձել, որ Նիքը ստացել է դեր «Everything, Everything» ֆիլմում^[13]։

• ՆիՔ Ռոբինսոնը Աֆիշա կայքում
• ՆիՔ Ռոբինսոնը «Մելլիսան և Ջոուին» ֆիլմի կայքում

Վիքիպահեստն ունի նյութեր, որոնք վերաբերում են «Նիք Ռոբինսոն» հոդվածին։