Նիկոլա Յոկիչ

Նիկոլա Յոկիչ (սերբ.՝ Nikola Jokić, կյուրեղագիր՝ Никола Јокић, ( արտասանություն), փետրվարի 19, 1995(1995-02-19)^[1], Սոմբոր, Վոյեվոդինա, Սերբիայի Հանրապետություն, Հարավսլավիայի Դաշնային Հանրապետություն), սերբ պրոֆեսիոնալ բասկետբոլիստ, կենտրոնական։ Հանդես է գալիս Բասկետբոլի ազգային ասոցիացիայի (NBA) «Դենվեր Նագեթս» ակումբում։

Նիկոլա Յոկիչ Nikola Jokić
Դենվեր Նագեթս
Ակումբ	Դենվեր Նագեթս
Դիրքը	Կենտրոնական (բասկետբոլ)
Համար	№ 15
Ի ծնե տրված անունը	Նիկոլա Յոկիչ Nikola Jokić
Ծննդյան ամսաթիվ	փետրվարի 19, 1995 (29 տարեկան)
Ծննդավայր	Սոմբոր, Սերբիա և Չեռնոգորիա
Ազգություն	Սերբ
Հասակ	2,11 մ
Քաշ	121 կգ
Դրաֆթի տարի	2014 / ռաունդ` 2 / ընտր.` 41-րդ
Դրաֆթ ակումբ	Դենվեր Նագեթս
Կարիերայի պատմություն
Մեգա Բասկետ (2012–2015) Դենվեր Նագեթս (2014-այժմ)
Մրցանակներ
NBA չեմպիոն (2023) NBA գերեզրափակչի MVP (2023) 2× NBA ամենաարժեքավոր բասկետբոլիստ (2021, 2022) 4× NBA աստղ (2019–2022) 2× All-NBA առաջին թիմ (2019, 2021) All-NBA երկրորդ թիմ (2020) NBA All-Rookie առաջին թիմ (2016) 2× Սերբիայի տարվա բասկետբոլիստ (2018, 2021) ABA լիգայի MVP (2015) ABA լիգայի հեռանկարային մարզիկ (2015)
Մեդալներ Բասկետբոլ Ներկայացնում էր՝  Սերբիա Օլիմպիական խաղեր Արծաթ Ռիո դե Ժանեյրո 2016 Ազգային հավաքական ՖԻԲԱ Մ-19 առաջնություն Արծաթ Չեխիա 2013 Ազգային հավաքական

Ծնվել է Սերբիայի Սոմբոր քաղաքում^[2]։ Մասնագիտական կարիերան սկսել է 17 տարեկանում՝ ելույթներ ունենալով Բասկետբոլի ադրիատիկ լիգայի «Մեգա Բասկետ» ակումբում։ Ընտրվել է NBA-ի 2014 թվականի դրաֆթի երկրորդ ռաունդի 41-րդ համարի ներքո՝ «Դենվեր Նագեթսի» կողմից։

Մարզական կարիերայի ընթացքում մեկ անգամ նվաճել է NBA-ի տիտղոսը (2023)` արժանանալով գերեզրափակչի ամենաարժեքավոր բասեկտբոլիստի (MVP) կոչմանը, ինչպես նաև երկու անգամ ճանաչվել է NBA-ի առաջնության ամենաարժեքավոր բասկետբոլիստի (MVP) կոչմանը^[3][4], չորս անգամ ճանաչվել NBA-ի աստղ, ընդգրկվել «All-NBA» խորհրդանշական հավաքականներում։ Ընդգրկված է կարիերայի ընթացքում ամենաշատ թրիփլ դաբլ գրանցած (կանոնավոր առաջնությունում և փլեյ-օֆում) մարզիկների տասնյակում^[5]։

Ակումբային կարիերայից զատ, հանդես է գալիս նաև Սերբիայի բասկետբոլի ազգային հավաքականում, որի կազմում 2016 թվականի Ռիո դե Ժանեյրոյի ամառային օլիմպիական խաղերում նվաճել է արծաթե մեդալ։