Նայանտարա

Նայանտարայի ծննդյան անուն-ազգանունը Դիանա Մարիամ Կուրիյան է^[8][9]։ Նա ծնվել է 1984 թվականի նոյեմբերի 18-ին^[10][11] Բանգալոր նահանգի Կառնատակա քաղաքում^[12], սիրիացի քրիստոնյաների ընտանիքում^[13][14]։ Նրա ավագ եղբայրը՝ Լեոն, ապրում է Արաբական Միացյալ Էմիրություններուի Դուբայ քաղաքում^[15]։ Քանի որ հայրը երկար տարիներ ծառայել է Հնդկաստանի ռազմաօդային ուժերի տարբեր ստորաբաժանումներում, նրանց ընտանիքը հաճախ է փոխել բնակության վայրը, իսկ Նայանտարան էլ՝ իր դպրոցը^[15]։ Նա սովորել է Գուջարաթի Ջամնագար քաղաքում, Դելիում^[16],, Թիրուվալլայում, Բալիքամադոնի իգական ավագ դպրոցում, Թիրումուլապուրամում^[17]; Հաճախել է նաև Թիրուվալլայի Մարթոմա քոլեջը, որն ավարտել է՝ ստանալով անգլիական գրականության մասնագետի որակավորում՝ բակալավրի աստիճանով^[18][19]։

Քոլեջում սովորելիս զբաղվել է մոդելավորմամբ, և մոդելային գործակալություններից մեկում նրան նկատել է կինոռեժիսոր Սատիան Անտիկադոմը և առաջարկել է նկարահանվել Manassinakkare ֆիլմում^[20][21][22]։ 2005 թվականին նա կատարել է իր դեբյուտը թամիլերեն կինոյում՝ «Այյա» ֆիլմով, որը կոմերցիոն հաջողություն է ունեցել։

2010 թվականը Նայանտարայի համար հաջող տարի էր. նրա ծանրակշիռ ու տպավորիչ մասնակցությամբ թելուգու լեզվով նկարահանված «Բախում» / Adhurs և Simha^[en] ֆիլմերը^[23] և թամիլերենով նկարահանված «Խելացնոր սիրահարը» / Boss Engira Bhaskaran հիթ դարձան կինովարձույթում^[24] Նույն թվականին թողարկված Bodyguard^[en]-ը և Super^[en] -ը կոմերցիոն լավ արդյունքներ բերեցին^[25][26] Բացի այդ, նա այդ տարի առաջադրվեց Filmfare Awards South մրցանակի՝ որպես երեք լեզուներով նկարահանվող լավագույն դերասանուհի^[27][28][29]։ Նույն թվականին էկրան բարձրացավ Elektra^[en]-ն, որը նույնպես կոմերցիոն հաջողություն ունեցավ և արժանացավ քննադատների դրական արձագանքին^[30]։

2012 թվականին նա նկարահանվեց «Մեծն ուսուցիչը» / Krishnam Vande Jagadgurum -ում ՝ մարմնավորելով ապօրինի հանքարդյունաբերության մասին ֆիլմի վրա աշխատող լրագրողի դերը և կրկին իր ձայնը փոխանցելով կերպարին։ Այս ֆիլմը նույնպես կոմերցիոն հաջողություն ունեցավ^[31]։

2016 թվականին դերասանուհին մարմնավորեց բռնաբարության զոհ դարձած կնոջ կերպարը Puthiya Niyamam^[en] ֆիլմում՝ որպես խաղընկերակից ունենալով անվանի դերասան Մամմուտիին^[32]։ Նրա մասնակցությամբ թողարկվեցին նաև «Հարձակում սիրո վրա» / Iru Mugan, Kaashmora^[en] ֆիլմերը, որոնք կոմերցիոն հաջողություն ունեցան։ 2017 թվականին նա նկարահանվեց «Թշնամու հետքը» / Dora (2017 film)}} սարսափ-ֆիլմում։ Նա համաձայնել է խաղալ կանացի գլխավոր դերը Sye Raa Narasimha Reddy^[en] երկլեզու ֆիլմում, որը կլինի նրա դեբյուտը Բոլիվուդում և առաջին ֆիլմը Չիրանջևիի խաղընկերակցությամբ^[33]

Նայանտարան ի սկզբանե կրոնով քրիստոնյա էր, բայց 2011 թվականի օգոստոսի 7-ին Չենայի Արյա Սամաջ տաճարում ընդունեց հինդուիզմը։ Արարողությունից հետո նա ստացավ հինդուիզմ ընդունելու վկայական և կեղծանունը դարձրեց իր պաշտոնական անունը^[34][35]։

Նա մտերմիկ հանդիպումներ է ունեցել դերասան և երգիչ Սիլամբարասանի հետ^[36]։ Այնուհետև հարաբերությունների մեջ էր դերասան և ռեժիսոր Պրաբհուդևայի հետ, ինչը ստիպեց վերջինիս կնոջը միջնորդություն ներկայացնել դատարան՝ ամուսնուն ընտանիք վերադարձնելու համար^[37]։ 2012 թվականին Նայանտարան հայտարարեց նրա հետ իր հարաբերությունների ավարտի մասին։ Դերասանուհին դրանից հետո հանդիպում էր ռեժիսոր Վիգնեշ Շիվանի / Vignesh Shivan հետ^[38][39]։

• Ֆիլմերը, որոնց լեզուն նշված չէ, նկարահանված են թամիլերենով։

• Նայանտարա Internet Movie Database կայքում
• Նայանտարա Ինստագրամում

Վիքիպահեստն ունի նյութեր, որոնք վերաբերում են «Նայանտարա» հոդվածին։