Նաիմ Կրիեզիու

Ծնվել է Ջյակովիցա քաղաքում, Կրիեզիուն խաղում էր աջ հարձակվողի դիրքում և ունակ էր 100 մետր տարածությունը հաղթահարելու 11 վայրկյանում^[1] ː Նա լքելով իր հարազատ քաղաքը տեղափոխվեց Տիրանա, որտեղ միացավ իր եղբորը և արդեն 15 տարեկան հասակում իր անդրանիկ հանդիպումը անցկացրեց տնային առաջնությունում, իսկ մեկ տարի անց իր նորամուտը նշեց արդեն Ալբանիայի ազգային հավաքականում^[2] ː 1939 թվականին, պատերազմական շրջանում իտալացիների մուտքը Ալբանիա, հնարավորություն տվեց նաև ուսումնասիրելու տեղի ֆուտբոլիստներին, Նաիմին նկատեցին Ռոմայի գործակալները, նույն թվականին նա տեղափոխվեց Հռոմ, արդեն 1941/42 մրցաշրջանում թիմի հետ առաջին անգամ նվաճեց Իտալիայի չեմպիոնի կոչումըː Կրիեզիուն Ռոմայում մնաց մինչև 1948 թվականը, որից հետո տեղափոխվեց մեկ այլ իտալական ակումբ՝ Նապոլի, որը եղավ նրա կարիերայի վերջին ակումբը, 1953 թվականին նա ավարտեց ֆուտբոլային կարիերանː

Կրիեզիուն մի քանի տարի զբաղվեց մարզչական գործունեությամբ, այնուհետև դարձավ Ռոմայի գործակալը, նրա ամենահանրահայտ բացահայտումը եղավ Ջուզեպպե Ջանինին, ով դարձավ թիմի խորհրդանիշներից մեկը^[2] ː

Կրիեզիուն մահացավ 2010 թվականի մարտի 20-ին, 92 տարեկան հասակում, նա վերջին ապրող ֆուտբոլիստն էր Ռոմայի առաջին չեմպիոնական կազմիցː Այդ տարի Ռոմայի հերթական հանդիպումը նշանակված էր Ուդինեզեի դեմ, այդ խաղին թիմը ներկայացավ սև թևկապներով, ի պատիվ լեգենդար ֆուտբոլիստի^[3] ː

• Իտալիայի չեմպիոն՝ 1941/42

• Հոդված Enciclopediadelcalcio-ում