Յուրի Նալբանդյան

Յուրի Նալբանդյանը ծնվել է Թիֆլիսում։ 1950 թվականին ավարտել է Երևանի պոլիտեխնիկական ինստիտուտը։ 1956-1988 թվականներին աշխատել է Հայպետնախագիծ ինստիտուտում։ 1975-1978 թվականներին եղել է ճարտարապետության արվեստանոցի ղեկավար, 1980-1988 թվականներին՝ ինստիտուտի գլխավոր ճարտարագետ, 1988-1995 թվականներին՝ ՀՀ պետշինի տիպային և փորձարարական նախագծման բաժնի ղեկավար, 1995-2001 թվականներին՝ ՀՀ քաղաքաշինության նախարարության առաջատար մասնագետ^[1][2]։

Յուրի Նալբանդյանի համահեղինակությամբ Երևանում կառուցվել են՝

• Ձիարշավարան՝ դիտատեղերով ու հնգամարտիկների դպրոցով (1955)
• Հեծանվահրապարակ՝ 3000 դիտատեղով (1980)
• «Արարատ» ֆուտբոլային թիմի Ձորաղբյուրի ուսումնամարզական համալիրը (1969)
• Վանաձորում՝ հիվանդանոց (1981)
• Զբոսաշրջային համալիր՝ 450 տեղով և լեռնադահուկային սահուղիներով (1984)
• Զբոսաշրջիկների հանգրվաններ Ստեփանավանում (1977) և Սևանի ափին (1985)