Յունաս Էրիկսոն

2011 թվականից աշխատել է միայն որպես մրցավար, մինչ այդ եղել է սպորտային հեռարձակումների իրավունքների վաճառքի ընկերության հիմնադիրը, սակայն նրան և երկու այլ գործընկերների պատկանող ընկերությունը վաճառվել է ֆրանսիական Groupe Lagardère հոլդինգին 75 մլն եվրոյով, որի 15%-ը փոխանցվել է Յունաս Էրիկսոնին^[1]։ ՖԻՖԱ-ի մրցավար է 2002 թվականից։ 2012 թվականի Եվրոպայի առաջնության եզրափակիչ մրցաշարերի խաղարկության մրցավարներից մեկը Լեհաստանում և Ուկրաինայում և 2016 թվականի Եվրոպայի առաջնությունը Ֆրանսիայում։ Բրազիլիայում կայացած Աշխարհի 2014 թվականի առաջնության եզրափակիչ փուլի մրցավարներից մեկը^[2]։

Մրցավարությամբ սկսել է զբաղվել 1994 թվականից, 2000 թվականից վարել է Շվեդիայի առաջնության բարձրագույն դիվիզիոնի հանդիպումները։ Միջազգային հանդիպումներ սկսել է վարել 2002 թվականից։ Բազմիցս եղել է աշխարհի և Եվրոպայի առաջնությունների ընտրական հանդիպումների գլխավոր մրցավարը։

2009 թվականին ճանաչվել է Շվեդիայի լավագույն ֆուտբոլային մրցավար^[3]։ Միջինը մեկ խաղում ներկայացնում է 2,74 դեղին և 0,07 կարմիր քարտեր (2012 թվականի փետրվարի տվյալները)^[4]։

2018 թվականի մայիսի 30-ին հայտարարեց իր մրցավարական կարիերայի ավարտի մասին՝ հայտարարելով, որ մրցավարների ընտրության ժամանակ նեպոտիզմի և անթափանցիկության պատճառով Շվեդ մրցավարները չեն ստանում իրենց արժանի հանդիպումների քանակը, ինչպես նաև, որ նա իմացել է աշխարհի գավաթի խաղարկությանը չմասնակցելու մասին թերթերից, և որ հենց դա է ծառայել որպես առանցքային գործոններից մեկը, որն ազդել է կարիերան ավարտելու որոշման վրա^[5]։

• Профиль на сайте weltfussball.de(գերմ.)