Մուսա Դիաբի

Մուսա Դիաբի; Moussa Diaby
	Դիաբին Ֆրանսիայի Մ20 հավաքականի կազմում 2019 թվականին
Անձնական տվյալներ
Քաղաքացիությունը	Ֆրանսիա; Մալի
Ծննդյան ամսաթիվ	հուլիսի 7, 1999 (24 տարեկան)
Ծննդավայր	Փարիզի 12-րդ շրջան, Փարիզ, Ֆրանսիա
Հասակ	170 սմ
Քաշ	67 կգ
Դիրք	վինգեր
Ակումբային տեղեկություններ
Ներկա ակումբ	Բայեր Լևերկուզեն
Համար	19
Պատանեկան կարիերա
2013-2017	Պարի Սեն-Ժերմեն
Մասնագիտական կարիերա*
Ազգային հավաքական‡
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ սեպտեմբերի 5-ի, 2019:; ‡ Ազգային հավաքականի խաղերն ու գոլերը ըստ սեպտեմբերի 5-ի, 2019

Մուսա Դիաբի (ֆր.՝ Moussa Diaby, հուլիսի 7, 1999(1999-07-07)^[1]^[2], Փարիզի 12-րդ շրջան, Փարիզ, Ֆրանսիա), ֆրանսիացի պրոֆեսիոնալ ֆուտբոլիստ։ Ներկայումս հանդես է գալիս Բայեր Լևերկուզենի կազմում։ Խաղում է վինգերի դիրքում^[3]։

Ակումբային կարիերա

Պարի Սեն-Ժերմեն

Դիաբին Պարի Սեն-Ժերմենի ակադեմիայի սան է^[4]^[5]։ 2018 թվականի հունվարի 31-ին նա մինչև մրցաշրջանի ավարտը վարձավճարով միացավ Կրոտոնեին^[6]^[7]։ Իր պրոֆեսիոնալ դեբյուտը նշեց 2018 թվականի ապրիլի 14-ին՝ փոխարինման մտնելով Ջենոայի դեմ խաղում^[8]։ Առաջին և միակ հանդիպումը թիմի մեկնարկային կազմում անցկացրեց ապրիլի 18-ին՝ Յուվենտուսի դեմ խաղում^[9]։ Կրոտոնեի կազմում Դիաբին անցկացրեց 2 հանդիպում^[10]։

2018-19 մրցաշրջանում Դիաբին վերադարձավ ՊՍԺ։ Իր դեբյուտը Լիգա 1-ում նշեց 2018 թվականի օգոստոսի 12-ին՝ փոխարինելով Լասանա Դիարային Կանի դեմ խաղում^[11]։ Իր առաջին գոլը պրոֆեսիոնալ կարիերայում խփեց սեպտեմբերի 14-ին՝ Սենտ-Էտիենի դեմ խաղում^[12]^[13]։ Հոկտեմբերի 20-ին Դիաբին գոլի և գոլային փոխանցման հեղինակ դարձավ Ամյենի դեմ խաղում^[14]^[15]։ Առաջին հանդիպումը եվրոպական առաջնություններում անցկացրեց հոկտեմբերի 24-ին՝ փոխարինելով Մարկո Վեռատտիին Չեմպիոնների Լիգայի խմբային փուլի Նապոլիի դեմ խաղում^[16]^[17]։ 2018 թվականի նոյեմբերի 11-ին Դիաբին 2 գոլային փոխանցում տվեց Էդինսոն Կավանիին Մոնակոյի դեմ խաղում, իսկ հանդիպումն ավարտվեց 4-0 հաշվով^[18]^[19]։

Դեկտեմբերի 18-ին Դիաբին գոլի հեղինակ դարձավ Ֆրանսիայի լիգայի գավաթի Օրլեանի դեմ հանդիպման 82-րդ րոպեին՝ օգնելով իր թիմին հաղթել 2-1 հաշվով^[20]։ 2019 թվականի ապրիլի 27-ին ֆրանսիացին փոխարինեց Կոլեն Դագբային Ֆրանսիայի գավաթի եզրափակչի Ռենի դեմ խաղում^[21], սակայն Պարի Սեն-Ժերմենը պարտվեց հետխաղյա 11-մետրանոցների հարվածաշարում^[22]^[23]^[24]։ 2018-19 մրցաշրջանում նա ՊՍԺ-ի հետ հաղթեց Ֆրանսիայի առաջնությունը^[25]^[26]։ Ակումբի կազմում Դիաբին անցկացրեց 34 հանդիպում՝ դառնալով 4 գոլի և 7 գոլային փոխանցման հեղինակ^[27]^[28]։

Բայեր Լևերկուզեն

2019 թվականի հունիսի 14-ին Դիաբին 5 տարվա պայմանագիր կնքեց Բայեր Լևերկուզենի հետ^[29]^[30]^[31]։ Ակումբը նրա համար վճարեց 15 միլիոն եվրո^[32]^[33]^[34]։ Իր դեբյուտը նշեց օգոստոսի 10-ին՝ փոխարինելով Նադիմ Ամիրիին Գերմանիայի գավաթի Ալեմանիա Ախենի դեմ խաղում և այս խաղում դառնալով գոլային փոխանցման հեղինակ^[35]։ Առաջին հանդիպումը Բունդեսլիգայում անցկացրեց օգոստոսի 24-ին՝ փոխարինելով Լեոն Բեյլիին Ֆորտունա Դյուսելդորֆի դեմ խաղում^[36]^[37]։

Միջազգային կարիերա

Դիաբին իրավասու է ներկայացնել Ֆրանսիան ու Մալին միջազգային ասպարեզում^[38], և հանդես է եկել Ֆրանսիայի տարբեր տարիքային երիտասարդական հավաքականներում։ 2018 թվականին նա մինչև 19 տարեկանների հավաքականի կազմում մասնակցեց Եվրոպայի առաջնությանը՝ դառնալով գոլի և 3 գոլային փոխանցման հեղինակ անցկացրած 4 հանդիպումներում^[39]։ Դիաբին ընդգրկվեց առաջնության խորհրդանշական հավաքականում^[40], իսկ Ֆրանսիան հասավ մրցաշարի կիսաեզրափակիչ, որտեղ 2-0 հաշվով պարտվեց Իտալիային^[41]^[42]։ 2019 թվականին նա Մ20 հավաքականի կազմում մասնակցեց աշխարհի առաջնությանը^[43]^[44]՝ անցկացնելով 4 հանդիպում և դառնալով 1 գոլի ու 2 գոլային փոխանցման հեղինակ։ Ֆրանսիան դուրս մնաց մրցաշարի 1/8 եզրափակչից՝ 2-3 հաշվով պարտվելով Միացյալ Նահանգներին^[45]^[46]։

Կարիերայի վիճակագրություն

Ակումբային վիճակագրություն

2019 թվականի սեպտեմբերի 5-ի դրությամբ^[47]

Ակումբ	Մրցաշրջան	Առաջնություն			Գավաթ		Եվրոպա		Այլ		Ընդհանուր
Ակումբ	Մրցաշրջան	Դիվիզիոն	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Կրոտոնե (վարձավճար)	2017–18	Սերիա A	2	0	0	0	—				2	0
Պարի Սեն-Ժերմեն	2018–19	Լիգա 1	25	2	6	1	1	0	2	1	34	4
Բայեր Լևերկուզեն	2019–20	Բունդեսլիգա	1	0	1	0	0	0	0	0	2	0
Կարիերայի ընդհանուր			28	2	7	1	1	0	2	1	38	4

Նվաճումներ

Ակումբային

Պարի Սեն-Ժերմեն

Լիգա 1. 2018–19^[25]
Ֆրանսիայի սուպերգավաթ. 2018^[48]

Անհատական

ՈՒԵՖԱ Եվրոպայի Մ19 առաջնության խորհրդանշական հավաքական․ 2018^[40]

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Մուսա Դիաբի» հոդվածին։

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]

[42]

[43]

[44]

[45]

[46]

[47]

[48]

Search