Միշել Բերտորա Սուարես

Ծնվել է 1983 թվականի փետրվարի 21-ին^[2] Սալինսում^[3]։ 15 տարեկան հասակում մոր աջակցությամբ փոխել է իր սեռը։ 6 տարվա ուսուցումից և նոր սեռով համալսարանը ավարտելու պաշտոնական թույլտվություն ստանալուց հետո Սուարեսը ստացել է իր դոկտորի աստիճանը^[3]։ 2010 թվականին հանրապետական համալսարանն ավարտելուց հետո նա դարձել է առաջին և Ներկա պահին միակ տրանսգենդեր իրավաբանը Ուրուգվայում^[4][5]։ 2014 թվականին Սուարեսը դարձել է նաև առաջին տրանսգենդերը, որն ընտրվել է Ուրուգվայի կառավարության կազմում^[2][6]։

Սուարեսը համարվում է ԼԳԲՏ կազմակերպության «Ovejas Negras» անդամ։ Նա միացել է կազմակերպությանը 2010 թվականին, դա տեղի է ունեցել մոր մահից անմիջապես հետո։ Որոշ ժամանակ անց Սուարեսը անմիջապես սկսել է աշխատել նույնասեռ ամուսնությունների մասին օրինագծի վրա^[2], որը ներկայացվել է Կոնգրեսում 2011 թվականին։ 2012 թվականին օրինագիծը հավանության է արժանացել Սենատի կողմից, և իրավաբանական կոմիտեի կողմից հավանության արժանանալուց հետո ընդունվել է 2013 թվականին^[7]։

2017 թվականի հոկտեմբերին Սուարեսն ընտրվել է Ուրուգվայի սենատ։ Սակայն այս տարվա դեկտեմբերին հրաժարական տվեց այն բանից հետո, երբ մեղավոր ճանաչվեց փաստաթղթերի կեղծման մեջ։