Մեխանիկ Գավրիլովի սիրելի կինը
«Մեխանիկ Գավրիլովի սիրելի կինը» (ռուս.՝ «Любимая женщина механика Гаврилова»), խորհրդային գեղարվեստական ֆիլմ, որը նկարահանել է ռեժիսոր Պյոտր Տոդորովսկին 1981 թվականին։ Գլխավոր դերերը կատարել են Լյուդմիլա Գուրչենկոն և Սերգեյ Շակուրովը[2][3]։
 ռուս.՝ Любимая женщина механика Гаврилова | |
|---|---|
| Երկիր |  ԽՍՀՄ |
| Ժանր | դրամա |
| Թվական | 1981 |
| Լեզու | ռուսերեն |
| Ռեժիսոր | Պյոտր Տոդորովսկի |
| Սցենարի հեղինակ | Սերգեյ Բոդրով |
| Դերակատարներ | Լյուդմիլա Գուրչենկո, Գալինա Սամոխինա[1], Սերգեյ Շակուրով, Նատալյա Նազարովա, Եվգենի Եվստիգնեև, Stanislav Sokolov?, Վսևոլոդ Շիլովսկի, Անատոլի Վասիլև, Միխայիլ Սվետին, Ալեքսանդր Գոլոբորոդկո, Լյուդմիլա Արինինա, Vasily Vekshin?, Պավել Վիննիկ, Նինա Վիխոդցևա, Liliya Yevstigneyeva?, Յանա Դրուզ և Yelena Sotnikova? |
| Երաժշտություն | Ալեքսեյ Մաժուկով |
| Կինոընկերություն | Մոսֆիլմ |
| Տևողություն | 77 րոպե |
Սյուժե
Ֆիլմի գործողությունները տեղի են ունենում Օդեսայում[4]։ Պատմությունն սկսվել է առավոտյան զագսի մոտ, ուր իր սեփական հարսանիքին պետք է գար, բայց չի ներկայացել նավի մեխանիկ Գավրիլովը։ 38-ամյա գեղեցկուհի Ռիտան, որը համակրելի աղջկա՝ բարձր դասարանի աշակերտուհի Տանյայի մայրն է, պատրաստվում էր ամուսնանալ Գավրիլովի հետ։ Սիրահարված Ռիտան ամբողջ օրը սպասում է նրան՝ տառապելով ու հուսալով և հեռու չգնալով նվիրական դռներից։ Սակայն իզուր էր նա սպասում Գավրիլովին իր հյուրերի մոտ, ռեստորանում, փնտրում նավի վրա, նորից սպասում զագսի մոտ։ Գավրիլովը հարսանիքից կես ժամ առաջ փորձել է պաշտպանել անծանոթ կնոջ, որից հետո երկու «լովելասները» հայտնվել են հիվանդանոցում, իսկ նա՝ ոստիկանությունում։ Ֆիլմի գործողություններն ընդգրկում են հերոսուհու կյանքից մեկ օր, որի տրամադրությունը տատանվում է հուսահատության և հույսի միջև։
Դերերում
| Դերասան | Դեր |
|---|---|
| Լյուդմիլա Գուրչենկո | ֆոտոստուդիայի աշխատակցուհի Մարգարիտա Սերգեևնա Սոլովյովա (Ռիտա) |
| Սերգեյ Շակուրով | նավի մեխանիկ, Ռիտայի փեսացուն Լև Գավրիլով |
| Սվետլանա Պոնոմարյովա | Ռիտայի դուստրը Տանկա |
| Նատալյա Նազարովա | վարսավիր, Ռիտայի ընկերուհին Լյուսյա |
| Եվգենի Եվստիգնեև | Ռիտայի քեռին |
| Ստանիսլավ Սոկոլով | փաստաբան, Լյուսյայի ամուսինը Վիկտոր |
| Վսևոլոդ Շիլովսկի | լուսանկարիչ Պաշա |
| Անատոլի Վասիլև | զորակոչային հանձնաժողովի բժիշկ, Ռիտայի նախկին երկրպագուն Սլավա |
| Միխայիլ Սվետին | թատերական երաժիշտ Վիկտոր Միխայլովիչ |
| Ալեքսանդր Գոլոբորոդենկո | հերթապահ |
| Լյուդմիլա Արինինա | մատուցողուհի |
| Վադիմ Ալեքսանդրով | ֆոտոստուդիայի հաճախորդ |
| Պավել Վիննիկ | փողոցային լուսանկարիչ |
| Իննա Վիխոդցևա | կին |
| Դավիթ Գիորգոբիանի | փեսացու Ռեզո |
| Յանա Դրուզ | ֆոտոստուդիայի աշխատակից Յանա |
Նկարահանող խումբ
- Սցենարի հեղինակ՝ Սերգեյ Բոդրով-ավագ
- Բեմադրող ռեժիսոր՝ Պյոտր Տոդորովսկի
- Բեմադրող օպերատոր՝ Եվգենի Գուսլինսկի
- Նկարիչ՝ Եվգենի Չերնյաև
- Երաժշտություն՝ Ալեքսեյ Մաժուկով
- Բանաստեղծություններ՝ Իգոր Շաֆերան
Մրցանակներ
- Միլանի կինոփառատոնում մրցանակ կնոջ լավագույն դերակատարման համար – Լյուդմիլա Գուրչենկո, 1982
Ծանոթագրություններ
Արտաքին հղումներ
- «Մեխանիկ Գավրիլովի սիրելի կինը» «Энциклопедия отечественного кино» կայքում
- Ֆիլմը КиноТеатр. Ру կայքում
- Ֆիլմի մասին «Կուլտուրա» ալիքի կայքում