Մեթյու Էվանս
Մեթյու Ռիզ Էվանս (անգլ.՝ Matthew Rhys Evans, նոյեմբերի 8, 1974[1], Քարդիֆ, Ուելս, Միացյալ Թագավորություն[2]), ուելսացի դերասան, որն առավել հայտնի է որպես Քևին Ուոլկեր`«Եղբայրներ և քույրեր» հեռուստասերիալում ունեցած դերակատարմամբ, ինչպես նաև Ֆիլիպ Ջենինգսի դերակատարմամբ` «Ամերիկացիները» հեռուստասերիալներում (2013-2018)։
 անգլ.՝ Matthew Rhys | |
|---|---|
 | |
| Ծնվել է | նոյեմբերի 8, 1974[1] (49 տարեկան) |
| Ծննդավայր | Քարդիֆ, Ուելս, Միացյալ Թագավորություն[2] |
| Կրթություն | Դրամատիկական արվեստի թագավորական ակադեմիա (1996)[3] և Ysgol Gyfun Gymraeg Glantaf? |
| Քաղաքացիություն | .svg){kind=small} Միացյալ Թագավորություն |
| Մասնագիտություն | թատրոնի դերասան, կինոդերասան, հեռուստատեսային դերասան և դերասան |
| Ամուսին(ներ) | Քերի Ռասել |
| Համատեղ ապրող(ներ) | Քերի Ռասել |
| Պարգևներ և մրցանակներ | |
Վաղ կյանք
Մեթյու Ռիզ Էվանսը ծնվել է Քարդիֆ քաղաքում, որտեղ մեծացել է ավագ քրոջ ՝ Ռեյչել Էվանսի հետ, ով ներկայումս BBC-ի լրագրող է։ Տասնյոթ տարեկանում մասնակցել է դպրոցալան երաժշտական ներկայացման, մարմնավորելով Էլվիս Փրեսլիին, Ռիզը ընդունվել է Լոնդոնի հեղինակավոր դրամատիկական արվեստի թագավորական ակադեմիա[4][5]։ Շատ չանցած ՝ 1993 թվականին, նրան շնորհել են Պատրիսիա Ռոտերմիրի կրթաթոշակ[6]։
Կարիերիա
1998 թվականի հունվարին նա կարիերայի առաջին գլխավոր դերը խաղացել է «Գրինշտոն» ֆիլմում, որը նկարահանվել է Նոր Զելանդիայում։ Այնուհետև նա հայտնվել է «Տիտուս», «Ի՞նչ է պատահել Հարոլդ Սմիթի հետ», «Իրական Աննա Մարին» ֆիլմերում, որտեղ գլխավոր դերը խաղացել է Ռեյչել Գրիֆիտսը, ում հետ նրանք հետագայում խաղացել են նաև «Եղբայրներ և քույրեր» հեռուստասերիալում։
2000 թվականին Ռիզը նկարահանվել է բրիտանական «Մետրոպոլիս» սերիալում։ Նա քննադատների գովասանքին է արժանացել «Շրջանավարտը» պիեսում խաղալու համար Քեթլին Թըրների հետ։ Նա նկարահանվել է նաև այնպիսի ֆիլմերում, ինչպիսիք են` «Մահվան պահապանները» և «Խաբեբաները»։ 2006 թվականին նա նկարահանվել է Բրիթանի Մերֆիի հետ`«Սեր և այլ աղետներ» անկախ ֆիլմում, իսկ 2008 թվականին՝ Քիրա Նայթլիի հետ` «Արգելված սեր» ֆիլմում։
2006-2011-ական թվականներին Ռիզը խաղացել է Քևին Ուոլքերի դերը ամերիկյան «Եղբայրներ և քույրեր» հեռուստասերիալում։ Սերիալը նրան բերեց իր կարիերայի ամենամեծ համբավը։
2013 թվականից Ռիզը նկարահանվել է «Ամերիկացիները» հեռուստասերիալում` դերասանուհի Քերի Ռասելի հետ[7]։
Անձնական կյանք
2013 թվականից Ռիզը հարաբերությունների մեջ է դերասանուհի Քերի Ռասելի հետ։ Նրանց որդին` Սեմը ծնվել է 2016 թվականի մայիսին։
Ծանոթագրություններ
 | Վիքիպահեստն ունի նյութեր, որոնք վերաբերում են «Մեթյու Էվանս» հոդվածին։ |