Մարկոս Պիզզելլի

Մարկոսը իր կարիերան սկսել է բրազիլական Սան Պաուլո ֆուտբոլային ակումբի ակադեմիայում։ Տեսնելով երիտասարդ տաղանդի խաղը՝ Երևանի Արարատը փորձում է պայմանագիր կնքել Պիզզելլիի հետ և ստացվում է։ 2006 թվականի, ապրիլի 30-ին Պիզզելլին իր առաջին խաղն անցկացրեց Ուլիսի դեմ։ Պիզզելլին դաշտ դուրս եկավ 58-րդ րոպեին՝ փոխարինելով Տիգրան Յեսայանին։ Պիզզելլին Արարատի կազմում իր առաջին գոլը խփեց հունիսի 16-ին՝ Ուլիսի դեմ մեկ այլ խաղում։ 2007 և 2008 թվականների Հայաստանի առաջնության լավագույն ռմբարկուն Պիզզելլին էր։ Ֆինանսական խնդիրների պատճառով Արարտը Պիզզելլիին վարձակալության հիմունքներով տվեց Ֆրանսիայի 5-դ դիվիզիոնում հանդես եկող Արարատ Իսսի-ին։

6 ամիս անց Պիզզելլիի պայմանագիրը Արարատի հետ ավարտվեց և նա ազատ գործակալի կարգավիճակով տեղափոխվեց Փյունիկ։ Փյունիկի հետ Պիզզելլին հաղթեց 2009 և 2010 թվականների Հայաստանի առաջնությունը և 2009, 2010 թվականների Հայաստանի գավաթը, ինչպես նաև 2010 թվականի սուպերգավաթը։ 2010 թվականի Հայաստանի առաջնության 10-րդ տուրի խաղը 100-րդն էր Պիզզելլիի համար Հայաստանի առաջնությունում։ Այդ մրցաշրջանում Պիզզելլին Գեվորգ Ղազարյանի հետ միասին դարձավ առաջնության լավագույն ռմբարկու։ 2011 թվականին առաջնության միջնամասում նա խփեց 6 գնդակ, սակայն տեղափոխվեց Մետալուրգ Դոնեցկ։

2011 թվականի հունիսին Պիզզելլին պայմանագիր կնքեց Դոնեցկի Մետալուրգի հետ։ Պիցելիի առաջին գոլը Մետալուրգի կազմում Չեռնոգորեցի դեմ էր, որը այդ խաղի միակ գնդակն էր։ Սակայն հետագայում, Մարկոսը, ինչպես որ խաղում էր Հայաստանի առաջնությունում և գոլեր խփում, չկարողացավ նույն կերպ շարունակել Դոնեցկում։

2012 թվականի հունիսին Մարկոսը միացավ Կրասնոդարի Կուբանին։ 2011 թվականին կայացած Ռուսաստան-Հայաստան խաղի ժամանակ Կուբանի գլխավոր մարզիչն ասել էր, որ իրեն հետաքրքրում է Պիզզելլիի խաղը։

Արարատ Երևան

• Հայաստանի գավաթ։ 2008

Փյունիկ

• Հայաստանի չեմպիոն։ 2009, 2010
• Հայաստանի գավաթ։ 2009, 2010

Ակտոբե^[4]

• Ղազախստանի չեմպիոն։ 2014

Հայաստանի առաջնության լավագույն ռմբարկու (3)։ 2007 (22 գոլ), 2008 (17 գոլ), 2010 (16 գոլ)

Մրցաշրջան	Ակումբ	Առաջնություն			Գավաթ			Եվրոգավաթ			Ընդհանուր
2009	Փյունիկ	ՀԲԽ	?	?	ՀԱԳ	?	?	ՉԼ	?	?	?	?
2010		ՀԲԽ	0	0	ՀԱԳ	4	3	ՉԼ	2	0	6	3
Ընդհանուր կարիերայում			0	0		4	3		2	0	6	3

Աղբյուր ffa.am

• Մարկոս Պիզելլիի բաժինը ՀՖՖ-ի պաշտոնական կայքէջում (հայ.), (անգլ.), (ռուս.)
• Մարկոս Պիզելլիի էջը և նրան վերաբորվող նորությունները SportArmenia-ի կայքէջում (հայ.), (անգլ.), (ռուս.)

Վիքիպահեստն ունի նյութեր, որոնք վերաբերում են «Մարկոս Պիզզելլի» հոդվածին։