Մանուկների կոտորած (նկար)
«Մանուկների կոտորած» (ֆր.՝ Le Massacre des innocents, գերմ.՝ Der Bethlehemitische Kindermord), ֆլամանդացի գեղանկարիչ և գծանկարիչ Պիտեր Բրեյգել Ավագի նկարներից։ Հեղինակն այս աշխատանքը կատարել է 1565 -ից 1567 թվականներն ընկած ժամանակահատվածում։ Բրեյգելն այս նկարը յուղաներկով վրձնել է Բրյուսելում՝ փայտի վրա, որի չափերն են՝ 109,2 × 158,1 սմ։ «Մանուկների կոտորած» ստեղծագործությունն այսօր պահպանվում և ցուցադրվում է Թագավորական հավաքածուում[5] (Հեմփթոն Քորթ, Միացյալ Թագավորություն)։
 | |
|---|---|
 | |
| տեսակ | գեղանկար |
| նկարիչ | Պիտեր Բրեյգել Ավագ[1] |
| տարի | 1560[1][2] |
| բարձրություն | 109,2 սանտիմետր[3] |
| լայնություն | 158,1 սանտիմետր[3] |
| ուղղություն | հյուսիսային Վերածնունդ[1] |
| ժանր | հոգևոր արվեստ և բնանկար |
| նյութ | յուղաներկ և փայտե տախտակ |
| գտնվում է | Վինձոր ամրոց[4][3] |
| հավաքածու | Թագավորական հավաքածու[4][3] |
| սեփականատեր | Չարլզ II Ստյուարտ[3] և William Frizell?[3] |
| հիմնական թեմա | Մանուկների կոտորած |
պատկերված են | |
Ծանոթագրություններ | |
 Massacre of the Innocents by Pieter Bruegel the Elder (Hampton Court) Վիքիպահեստում | |
Նկարի սյուժեում ընկած է աստվածաշնչյան մի դրվագ, որի մասին խոսվում է Ավետարան ըստ Մատթեոսի (2:16) գրքում՝ Նոր Կտակարանում։
Ստեղծման պատմություն
«Մանուկների կոտորած» ստեղծագործությունը Բրեյգել Ավագը վրձնել է 1565 -ից 1567 թվականներն ընկած ժամանակահատվածում՝ կատարման նոր յուրաձևությամբ։ Նկարիչը յուղաներկը վրձնում է մեկ բազմակերպար կոմպոզիցիայով՝ հեռանալով խճանկարային ոճից, որտեղ բոլոր ֆիգուրները տեղադրված են խճանկարի տեսքով[6]։ Բեթղեհեմի փոխարեն հեղինակը սյուժեում նկարել է հլանդական գյուղական բնակավայր՝ ձմռան տեսարանով։ Ավելին, կոտորած իրականացնող զինվորները գերմանական վարձու լանդսկնեխտներն են, ովքեր Իսպանական Նիդերլանդներում իրականացրել են պատժիչ գործողություններ Ֆեռնանդո Ալբայի հրամանով։ Նկարի ամբողջ ողբերգական երանգը Բրեյգել Ավագը փոխանցել է ձիավորներին, ովքեր փակել են փախուստի բոլոր ուղիներն ու իրականացրել նախճիրը։
Երկար ժամանակ չիմանալով նկարի Ավետարանական սյուժեի մասին, սխալմամբ այն կոչում էին «Հարձակում գյուղում»։ 16-րդ դարի հայտնի քննադատ, գրող, նկարիչ Կարել վան Մանդերը նկարի մասին արտահայտվել է որպես «շատ կենդանի սյուժե, որտեղ գյուղացի ընտանիքը զինվորից խղճահարություն է հայցում, որը սպանում է իր երեխաներին»[7]։
Սյուժե
Մանուկների կոտորածը նկարագրված է միայն Մատթեոսի Ավետարանում։ Համաձայն Ավետարանական պատմության՝ նորածնին երկրպագության եկած մոգերը չկատարեցին Հուդայի թագավոր Հերովդես Մեծի[8] խնդրանքը. չհայտնեցին նրան մանկան գտնվելու վայրի մասին։ Այդ մասին Հովսեփ Ֆլավիոսոսը հաստատում է, որ Հերովդեսը մահանում է «թագավորելով Անտիգոնեսի մահից երեսունչորս տարի հետո (Երուսաղեմի նվաճվելուց հետո)[9] և հռոմեացիների կողմից 37 տարի թագավոր ճանաչվելուց հետո»։ Դա ցույց է տալիս, որ նրա մահվան թվականը մ. թ. ա. 2 թվականն է կամ մ. թ. ա. 1 թվականը։ Հետո ավետարանիչը վկայում է, որ կոտորածը կանխագուշակված է եղել Երեմիա մարգարեի կողմից։ Ավետարանական պատմության համաձայն՝ Հիսուսը փրկվում է Եգիպտոս փախչելու շնորհիվ։
Ծանոթագրություններ
Գրականություն
- Pietro Allegretti, Brueghel, Skira, Milano 2003. ISBN 00-0001-088-X
- Christian Gräf – Die Winterbilder Pieter Bruegels des Älteren, Saarbrücken: VDM Verlag Dr. Müller ISBN 978-3-639-12775-1
Արտաքին հղումներ
- The Massacre of the Innocents (after Pieter Bruegel the elder), National Trust, at Upton House
- Massacre of the Innocents, Royal Collection
- Massacre of the Innocents 1565
- "The Massacre of the Innocents", The Great Picture Trail, broadcast on BBC Two on 17 June 2011
- A winter landscape with the Massacre of the Innocents, Sotheby's, 7 December 2005
- A Flemish village in winter with the Massacre of the Innocents, Sotheby's, 8 July 2009
- A winter landscape with the Massacre of the Innocents, Christie's, 3 July 2012
- Massacre of the Innocents, different composition by Pieter Brueghel the Younger, Royal Museums of Fine Arts of Belgium
 | Վիքիպահեստն ունի նյութեր, որոնք վերաբերում են «Մանուկների կոտորած (նկար)» հոդվածին։ |