Մագոմեդ Օզդոև

Իր կարիերան սկսել է սիրողական ֆուտբոլային լիգայում՝ «Անգուշտ» ակումբի կազմում։

15 տարեկանում տեղափոխվել է «Թերեքի» երիտասարդական կազմ։ Մեկ տարի անց՝ 2009 թվականին, Կիևի «Դինամոյի» երիտասարդական թիմի մարզիչների կողմից հրավիրվել էր փորձաշրջան անցնելու։ Օզդոևին հետաքրքրել է գերմանական «Շալկե 04»-ը, որի հիմնական կազմ մտնելուն նրան խանգարել են միայն տարիքային սահմանափակումները։

2010 թվականի փետրվարի 4-ին պայմանագիր է կնքել Մոսկվայի «Լոկոմոտիվի» հետ։ Թիմի հիմնական կազմում նորամուտը կատարել է հուլիսի 10-ին «Անժիի» դեմ խաղում՝ 87-րդ րոպեին փոխարինելով Դմիտրի Տորբինսկուն^[3]։ 2011 թվականի ապրիլի 17-ին առաջին գոլն է խփել «Լոկոմոտիվի» կազմում Նիժնի Նովգորոդի «Վոլգայի» դարպասը (1։ 0)^[4]։ Այդ խաղում կիսապաշտպանը փոխարինման է դուրս եկել 74-րդ րոպեին և արդյունավետ հարված է իրացրել հեռավորությունից։ 2011 թվականի սեպտեմբերին երկարաձգել է պայմանագիրն ակումբի հետ մինչև 2015 թվականը։ 2011 թվականի արդյունքներով առաջադրվել է Ռուսաստանի լավագույն երիտասարդ ֆուտբոլիստի կոչմանը և 141 միավորով զբաղեցրել երկրորդ տեղը։

Հերթական մարզչական վերադասավորումից հետո դադարել է հայտնվել մեկնարկային կազմում։ 2012/13 մրցաշրջանում անցկացրել է երեք կարճ հանդիպումներ՝ աչքի ընկնելով ևս մեկ գոլով։ Մրցաշրջանի երկրորդ կեսին նրան տեղափոխել են երիտասարդական թիմ։ 2013 թվականի ամռանը ռուսական ԶԼՄ-ները սկսել են խոսել Օզդոևի հնարավոր տեղափոխության մասին ԲԿՄԱ^[5]։ Սակայն նա հայտարարել է, որ պատրաստ է հանդես գալ մեկնարկային կազմում Լեոնիդ Կուչուկի ղեկավարությամբ։ Սակայն բելառուս մասնագետը նաև չի վստահել երիտասարդ ֆուտբոլիստին։ Մրցաշրջանի ընթացքում անցկացրած 13 հանդիպումներից հետո Օզդոևը հայտարարել է, որ ցանկանում է հեռանալ «Լոկոմոտիվից»^[6]։

2014 թվականի հուլիսի 14-ին վարձավճարով տեղափոխվել է «Ռուբին»^[7]։ Նոր թիմում առաջին գոլը խփել է 2014 թվականի հոկտեմբերի 27-ին Մոսկվայի «Դինամոյի» դեմ խաղում (2:0)։ 2014/15 մրցաշրջանում եղել է «Ռուբինի» առանցքային ֆուտբոլիստ՝ անցկացված 30 խաղից մասնակցելով 29-ին, խփել է վեց գոլ և կրկին հրավիրվել է Ռուսաստանի հավաքական։ 2014 թվականի դեկտեմբերին «Լոկոմոտիվի» նախագահ Օլգա Սմորոդսկայան հայտարարել է Օզդոևի վաճառքի շուրջ տարվող բանակցությունների մասին^[8]։ 2015 թվականի հունվարի 2-ին Օզդոևը դարձել է «Ռուբինի» լիարժեք խաղացող, ընդ որում նոր պայմանագիրը պետք է ուժի մեջ մտներ միայն տարեվերջին^[9]:Այսպիսով, ֆուտբոլիստը պետք է «Ռուբին» տեղափոխվեր անվճար հիմունքներով։ Մրցաշրջանի վերջնամասում չորս հանդիպումներում խփել է երեք գոլ և «Ռուբինին» օգնել է զբաղեցնել 5-րդ տեղը մրցաշարային աղյուսակում։ Մոսկվայի «Դինամոյի» որակազրկման շնորհիվ «Ռուբինը» հայտնվել է Եվրոպայի լիգայում։ Ամռանը Օզդոևը հետաքրքրվում էր Մոսկվայի «Սպարտակով», սակայն կազանյան ակումբը բացառել է իր հենակետայինի վաճառքի տարբերակը^[10]։ 2015/16 մրցաշրջանի մեկնարկին իր 100-րդ հանդիպումն է անցկացրել Պրեմյեր լիգայում։

2017 թվականի փետրվարի 13-ին վարձավճարով տեղափոխվել է «Թերեք»՝ անցկացնելով 6 հանդիպում^[11]։

2018 թվականի փետրվարի 15-ին 4,5 տարվա պայմանագիր է կնքել Սանկտ Պետերբուրգի «Զենիթի» հետ^[12]։

Օզդոևը Եվրոպայի 2012 թվականի առաջնությանը մասնակցելու թեկնածուներից մեկն էր, սակայն չի հայտավորվել դիրքերում հավասարակշռություն ունենալու անհրաժեշտության պատճառով^[13]։ Մյուս պատճառն էլ այն էր, որ հավաքականում նա դիտվում էր որպես հենակետայինի դիրքում հանդես եկող Դենիսովի փոխարինող, սակայն «Լոկոմոտիվում» նա միշտ չէ, որ խաղացել է իր դիրքում, արդյունքում ազդել է հենակետային դիրքում փորձի պակասի վրա։ Դենիսովի դիրքի որոշումը մնացել է հավաքականում միակը, քանի որ որոշակի տարբերակների դեպքում նրան կարող էր փոխարինել Շիրոկովը^[14]։ «Լոկոմոտիվի» մեկնարկային կազմում տեղը կորցնելուց հետո դադարել է ընդգրկվել նաև հավաքականի կազմում։

Հավաքականում նորամուտը կատարել է 2014 թվականի աշնանը Ադրբեջանի դեմ ընկերական խաղում, երբ հավաքականի մարզիչն էր Ֆաբիո Կապելոն։

Հավաքականի կազմում առաջին և հաղթական գոլը խփել է 2016 թվականի նոյեմբերի 15-ին Ռումինիայի դեմ խաղում՝ աչքի ընկնելով ավելացված ժամանակի վերջին րոպեին (1:0)^[15]։ Օզդոևը երկրորդ գոլը խփել է 2019 թվականի հոկտեմբերի 10-ին Շոտլանդիայի դեմ տնային խաղում (4:0)^[16]:Երեք օր անց աչքի է ընկել Կիպրոսի հետ մրցապայքարում (5:0)^[17]։

Օզդոևը հայրենական մեծ պատերազմի մասնակից, Ռուսաստանի Դաշնության հերոս (1995), օդաչու Մուրադ Ահմեդի թոռն է^[18] (1922-1999):

Ազգությամբ ինգուշ է^[19]։ Ծնվել է Գրոզնիում, սակայն պատերազմի արդյունքում ընտանիքը տեղափոխվել է Ինգուշեթիա^[20]։ Ամուսնացած է թաթար մոդել Մարգարիտա Մուսլիմովայի հետ։ 2015 թվականի սեպտեմբերի 2-ին ծնվել է նրա որդին՝ Թեմուրը^[21][22]։ 2018 թվականի փետրվարի 19-ին ծնվել է նրա աղջիկը՝ Աիշան^[22]։

2020 թվականի օգոստոսի 23-ի դրությամբ

Ելույթներ			Լիգա		Գավաթներ		Եվրագավաթներ		Այլ		Ընդհանուր
Ակումբ	Լիգա	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Լոկոմոտիվ (Մոսկվա)	Պրեմիեր Լիգա	2010	3	0	1	0	0	0	—		4	0
		2011/12	30	1	2	0	7	0	—		39	1
		2012/13	10	1	1	0	—		—		11	1
		2013/14	13	1	1	0	—		—		14	1
	Ընդհանուր		56	3	5	0	7	0	—		68	3
Ռուբին	Պրեմիեր Լիգա	→ 2014/15	29	6	3	0	—		—		32	6
		2015/16	29	2	0	0	10	0	—		39	2
		2016/17	10	0	2	0	—		—		12	0
		2017/18	19	1	2	0	—		—		21	1
	Ընդհանուր		87	9	7	0	10	0	—		104	9
Թերեք	Պրեմիեր Լիգա	→ 2016/17	6	0	0	0	—		—		6	0
	Ընդհանուր		6	0	0	0	0	0	—		6	0
Զենիթ (ՍՊ)	Պրեմիեր Լիգա	2017/18	4	0	0	0	0	0	—		4	0
		2018/19	16	0	2	0	7	1	—		25	1
		2019/20	26	3	3	0	6	1	1	0	36	4
		2020/21	4	0	0	0	0	0	1	1	5	1
	Ընդհանուր		50	3	5	0	13	2	2	1	70	6
Ամբողջ կարիերա			199	15	17	0	30	2	2	1	248	18

2019 թվականի նոյեմբերի 19-ի դրությամբ

Ռուսաստան	Տարի	ԱԱ որակավորման խաղեր		ԱԱ եզրափակչի խաղեր		ԵԱ որակավորման խաղեր		ԵԱ եզրափակչի խաղեր		Ընկերական խաղեր		Ընդհանուր
		Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
	2014	0	0	0	0	2	0	0	0	2	0	4	0
	2015	0	0	0	0	0	0	0	0	2	0	2	0
	2016	0	0	0	0	0	0	0	0	4	1	4	1
	2017	0	0	0	0	0	0	0	0	2	0	2	0
	2019	0	0	0	0	9	2	0	0	0	0	9	2
Ընդհանուր կարիերայում		0	0	0	0	11	2	0	0	10	1	21	3

Օզդոևի խաղերը և գոլերը Ռուսաստանի հավաքականի կազմում
№	Ամսաթիվ	Հակառակորդ	Հաշիվ	Օզդոևի գոլերը	Մրցաշար
1	2014 թվականի սեպտեմբերի 4	Ադրբեջան	4:0	-	Ընկերական խաղ
2	2014 թվականի սեպտեմբերի 8	Լիխտենշտեյն	4:0	-	ԵԱ-2016 որակավորման խաղեր
3	2014 թվականի հոկտեմբերի 12	Մոլդովա	1:1	-	ԵԱ-2016 որակավորման խաղեր
4	2014 թվականի նոյեմբերի 18	Հունգարիա	2:1	-	Ընկերական խաղ
5	2015 թվականի մարտի 31	Ղազախստան	0:0	-	Ընկերական խաղ
6	2015 թվականի հունիսի 7	Բելառուս	4:2	-	Ընկերական խաղ
7	2016 թվականի օգոստոսի 31	Թուրքիա	0:0	-	Ընկերական խաղ
8	2016 թվականի սեպտեմբերի 6	Գանա	1:0	-	Ընկերական խաղ
9	2016 թվականի հոկտեմբերի 9	Կոստա Ռիկա	3:4	-	Ընկերական խաղ
10	2016 թվականի նոյեմբերի 15	Ռումինիա	1:0	1	Ընկերական խաղ
11	2017 թվականի մարտի 28	Բելգիա	3:3	-	Ընկերական խաղ
12	2017 թվականի հոկտեմբերի 7	Կորեայի Հանրապետություն	4:2	-	Ընկերական խաղ
13	2019 թվականի մարտի 24	Ղազախստան	4:0	-	ՉԱ-2020 որակավորման խաղեր
14	2019 թվականի հունիսի 8	Սան Մարինո	9:0	-	ԱԱ-2020 որակավորման խաղեր
15	2019 թվականի հունիսի 11	Կիպրոս	1:0	-	ԱԱ-2020 որակավորման խաղեր
16	2019 թվականի սեպտեմբերի 6	Շոտլանդիա	2:1	-	ԱԱ-2020 որակավորման խաղեր
17	2019 թվականի սեպտեմբերի 9	Ղազախստան	1:0	-	ՉԱ-2020 որակավորման խաղեր
18	2019 թվականի հոկտեմբերի 6	Շոտլանդիա	4:0	1	ԱԱ-2020 որակավորման խաղեր
19	2019 թվականի նոյեմբերի 13	Կիպրոս	5:0	1	ԱԱ-2020 որակավորման խաղեր
20	2019 թվականի նոյեմբերի 16	Բելգիա	1:4	-	ԱԱ-2020 որակավորման խաղեր
21	2019 թվականի նոյեմբերի 19	Սան Մարինո	5:0	-	ԱԱ-2020 որակավորման խաղեր

Ընդհանուր պաշտոնական խաղերում՝ 21 խաղ; 3 գոլ, 15 հաղթանակ, 4 ոչ-ոքի, 2 պարտություն^[23]։

«Լոկոմոտիվ» (Մոսկվա)

• 03 Ռուսաստանի առաջնության բրոնզե մեդալակիր (1) - 2013/14

«Զենիթ» (Սանկտ Պետերբուրգ)

• 01 Ռուսաստանի առաջնության հաղթող (2) - 2018/19, 2019/20
• 01 Ռուսաստանի գավաթի դափնեկիր - 2019/20
• 01 Ռուսասատանի սուպերգավաթի դափնեկիր - 2020

• Ընդգրկվել է Ռուսաստանի առաջնության 33 լավագույն ֆուտբոլիստների ցանկում (1) - № 3 — 2018/19

• Մագոմեդ Օզդոև Թվիթթերում

Վիքիպահեստն ունի նյութեր, որոնք վերաբերում են «Մագոմեդ Օզդոև» հոդվածին։