Ղրիմ (Ռոստովի մարզ)

Համաձայն 2002 թվականի տվյալների, գյուղն ուներ 4482 բնակիչ, 2010 թվականին՝ 4933, 2016 թվականին՝ 5709, իսկ 2017 թվականին գյուղում արդեն ապրում էր 5829 մարդ։

Բնակչությունն զբաղվում է հացահատիկի մշակությամբ, անասնապահությամբ։ Ղրիմում գործում էր շրջանային ինկուբատորա-թռչնաբուծական կայանը, շինարարական կազմակերպություն և աղյուսի գործարան։ Գյուղն ունի միջնակարգ դպրոց, գրադարան, մշակույթի տուն։

Ղրիմ գյուղը 1779 թվականին հիմնադրել են Ղրիմից եկած հայերը և այն կոչել նախկին բնակավայրի անունով։

• Ղրիմ գյուղի թանգարանը^[1]
• «Սուրբ Ամենափրկիչ» եկեղեցին (19-րդ դար)^[2]
• Փառքի պանթեոն հուշահամալիրը (1970 թ.)^[3], որի վրա ռուսերեն և հայերեն լեզուներով գրված է. «Հայրենիքի համար զոհվածները չեն մահանում»^[4]։
• Հաղթանակի 60-ամյակին նվիրված զբոսայգին
• Կենտրոնական աղբյուր-հուշարձանը

Գյուղի «Սուրբ Սարգիս» եկեղեցին (18-րդ դար), 1960-ական թվականներին քանդվել է^[5]։ Գյուղում կանգուն է նաև Լենինի հուշարձանը^[6]։

• Քրիստափոր Ջլաուխյան (Ջելաուխով) - գեներալ-մայոր, ռազմական գիտությունների դոկտոր
• Սարգիս Լուկաշին (Սրապիոնյան) - կուսակցական և պետական գործիչ
• Եղիա Չուբար - հեղափոխական գործիչ, գրող
• Թադևոս Կատարյան - գյուղատնտես
• Նինա Այդինյան - գեոքիմիական գիտությունների դոկտոր
• Հովհաննես Չորայան - կենսաբանական գիտությունների դոկտոր
• Գրիգոր Բաբիյան - բանաստեղծ
• Մայա Փահլևանյան (Պեգլիվանովա) - «Երիտասարդ գվարդիա» հակաֆաշիստական կոմերիտական ընդհատակյա կազմակերպության անդամ
• Արմենակ Յալթիրյան - հայտնի ըմբշամարտիկ
• Գեորգի Տերմոլաև - հայազգի հայտնի ըմբշամարտիկ
• Թ. Գ. Չուբար - «Մուրճ և մանգաղ» ամսագրի խմբագիր