Հունգարիայի ֆուտբոլի առաջնություն
Հունգարիայի ֆուտբոլի առաջնություն (հունգ.՝ Nemzeti Bajnokság, «Ազգային առաջնություն») Հունգարիայի պրոֆեսիոնալ լիգա, որտեղ հանդես են գալիս ֆուտբոլային ակումբեր։ Լիգան ներկայումս հայտնի է որպես ՕՏՊ Բանկ Լիգա հովանավորի անունով[1], և այն երկրի ֆուտբոլի բարձարագույն լիգան է` 1901 թվականից սկսած։ ՈՒԵՖԱ ներկայիս վարկանիշով այն 29-րդն է Եվրոպայում[2]։
| Nemzeti Bajnokság I Հունգարիայի ֆուտբոլի առաջնություն | |
|---|---|
 | |
| Երկիր |  Հունգարիա |
| Ֆուտբոլային ասոցիացիա | Հունգարիայի ֆուտբոլի ֆեդերացիա |
| Հիմնվել է | 1901 թվական |
| Ակումբների քանակ | 12 |
| Մակարդակ | 1 |
| Դուրս են մնում | Հունգարիայի ֆուտբոլի առաջնություն II |
| Միջազգային առաջնություններ | Չեմպիոնների Լիգա Եվրոպայի լիգա |
 Ներկայիս չեմպիոն | Ֆերենցվարոշ (33 տիտղոս) |
| Ամենատիտղոսավոր թիմ | Ֆերենցվարոշ (33 տիտղոս) |
| Հեռուստատեսություն | Magyar Televízió Duna TV Duna World |
| Պաշտոնական կայք | Magyar Labdarúgó Szövetség |
 Ներկա մրցաշրջան | |
Տասներկու ակումբ մասնակցում են մրցաշարին, ամեն ակումբ երկուական անգամ խաղում է մյուս ակումբերի հետ, մեկ անգամ տանը, մեկ անգամ մրցակցի հարկի տակ։ Մրցաշրջանի վերջում լավագույն ակումբը որակավորվում է ՈՒԵՖԱ Չեմպիոնների Լիգա, մինչդեռ երկրորդ, երրորդ տեղ գրաված ակումները և Հունգարիայի գավաթը նվաճած ակումբը մասնակցում է Եվրոպայի լիգայի որակավորման փուլին։ Վերջին երկու ակումբները անցնում են երկրորդ լիգա, որոնց փոխարինում են երկրորդ լիգայի առաջին երկու ակումբները։
Պատմություն
1901 թվականի հունվարի 19-ին հիմնադրվեց Հունգարիայի ֆուտբոլի ֆեդերացիան[3]։ Առաջին խաղը կայացավ Բուդապեշտի սպորտային ակումբի և Բուդապեշտի մարզական ակումբների միջև, ինչից սկսվեց Հունգարիայի ֆուտբոլի առաջնության առաջին մրցաշրջանը 1901 թվականին։ Առաջին մրցաշրջանում հանդես եկան հինգ ակումբներ, բոլորը մայրաքաղաք Բուդապեշտից։ Առաջին մրցաշրջանում հաղթեց Բուդապեշտի մարզչական ակումբը[4]։ Չնայած առաջին երկու մրցաշրջաններում հաղթեց Բուդապեշտը, 1900-ականները հայտնի դարձավ Ֆերենցվարոշի և ՄՏԿ Բուդապեշտի դիմակայությամբ[5]։
1910-ականների և 1920-ականների մրցաշարերում առաջատարներն էին Ֆերենցվարոշը և ՄՏԿ-ն[6][7]։
1930-ականներին ՄՏԿ-ին, որպես առաջատար փոխարինեց Ույպեստ ՖԱ-ն (այդ ժամանակ Բուդապեշտից մաս չէր կազմում)[8]։ 1930-ականների Հունգարական ֆուտբոլի լավագույն խաղացողներից էին Ժենգելերը Ույպեստից, ով երեք անգամ տարձավ լավագույն ռմբարկու 1930-ականներին[9], Սարոսին Ֆերենցվարոշից[10] և Չեհը ՄՏԿ-ից[11]։