Հոլանդացիներ

Հոլանդացիներ կամ նիդերլանդացիներ (հոլ.՝ Nederlanders), ազգ, Նիդերլանդների հիմնական բնակչությունը (13 մլն.)։ Մոտ 5 միլիոն հոլանդացիներ բնակվում են ԱՄՆ-ում, 1 մլն՝ Կանադայում, Վեստ Ինդիայում, Ինդոնեզիայում և այլ երկրներում։

Հոլանդացիներ Nederlanders (nl)
Ընդհանուր քանակ
25-ից 28 միլիոն
Բնակեցում
Նիդերլանդներ՝ 13 186 600[1]  ԱՄՆ՝ 5 087 191[2]  Հարավաֆրիկյան Հանրապետություն՝ մոտ. 5 մլն[3]  Կանադա՝ 923,310[4]  Բրազիլիա՝ մոտ. 850 հազ.[5]  Ավստրալիա՝ մոտ. 270 հազ.[6]  Գերմանիա՝ մոտ. 164 հազ., նրանցից 41 հազարը մերձսահմանային շրջանում[7]  Սուրինամ՝ մոտ. 151 հազ.[8]  Բելգիա՝ 121 489, նրանցից 59,0-ը մորձսահմանային շրջանում[9]  Նոր Զելանդիա՝ մոտ. 100 հազ.[10]  Ֆրանսիա՝ մոտ 83 հազ.[11]  Շրի Լանկա՝ 40 հազ.[12]  Միացյալ Թագավորություն՝ 40 հազ.[11]  Դանիա՝ մոտ. 26 հազ.[13]  Իսպանիա՝ մոտ. 20 հազ.[13]  Շվեյցարիա՝ 16,143[14]  Իռլանդիա՝ 4,292[15] ||align="right"| ||style="padding-left:1em;"|
Լեզու(ներ)
հոլանդերեն
Հավատք(ներ)
բողոքականություն, կաթոլիկություն, ագնոստիցիզմ, աթեիզմ[16][17]

Խոսում են հոլանդերեն։ Հավատացյալների մեծ մասը բողոքականներ են (կալվինականներ և այլն), կան կաթոլիկներ, բապտիստներ և այլն։

XIV— XV դարերում ձևավորված հոլանդական ազգության միջուկը կազմել են գերմանական ցեղերը (ֆրիզներ, բատավներ, սաքսեր և ֆրանկներ), որոնք միասերվել են կելտերի հետ։ XVI դարում Նիդերլանդական բուրժուական հեղափոխությունը և ազգային-ազատագրական պայքարն Իսպանիայի դեմ նպաստեցին հոլանդացիների ազգային համախմբմանը։

Հոլանդացիների մեծ մասն աշխատում է արդյունաբերության մեջ, համեմատաբար փոքր մասը կազմում է գյուղական բնակչությունը (զբաղվում են անասնապահությամբ, բանջարաբուծությամբ, ծաղկաբուծությամբ, առափնյա շրջաններում՝ ձկնորսությամբ)։ Լեզվով, ծագմամբ և մշակույթով հոլանդացիները շատ մոտ են երկրի հարավում բնակվող ֆլամանդացիներին։