Հենրիխ Թալալյան
- Վիքիպեդիայում կան հոդվածներ Թալալյան ազգանունով այլ մարդկանց մասին։
Հենրիխ Սեմյոնի Թալալյան (ապրիլի 18, 1922[1], Երևան, Հայկական ԽՍՀ, ԱԽՖՍՀ - մայիսի 20, 1972[1], Մոսկվա, ԽՍՀՄ), հայ ալտահար, ՀԽՍՀ ժողովրդական արտիստ (1963)։
| Հենրիխ Թալալյան | |
|---|---|
 | |
| Հիմնական տվյալներ | |
| Ծնվել է | ապրիլի 18, 1922[1] Երևան, Հայկական ԽՍՀ, ԱԽՖՍՀ |
| Երկիր | .svg){kind=spacer} ԱԽՖՍՀ և  ԽՍՀՄ |
| Մահացել է | մայիսի 20, 1972[1] (50 տարեկան) Մոսկվա, ԽՍՀՄ |
| Մասնագիտություն | թավջութակահար |
| Գործիքներ | ալտ |
| Կրթություն | Մոսկվայի կոնսերվատորիա (1948) |
| Պարգևներ | |
Հայաստանի Հանրապետության ժողովրդական արտիստ Գերոնտի Թալալյանի եղբայրն է, Հայաստանի Հանրապետության վաստակավոր արտիստ Արամ Թալալյանի հորեղբայրը։
Կենսագրություն
1948 թվականին ավարտել է Մոսկվայի կոնսերվատորիան՝ Մ. Տերյանի դասարանը։ 1948-1972 թվականներին եղել է Մոսկվայի Գնեսինների անվան երաժշտամանկավարժական ինստիտուտի դասատու, պրոֆեսոր՝ 1972 թվականից, կամերային նվագախմբի դիրիժոր, 1947-1972 թվականներին՝ Կոմիտասի անվան լարային քառյակի ալտահար։ Ալտի, լարային նվագախմբի քառյակի համար մշակել և փոխադրել է մի շարք երկեր։ Հենրիխ Թալալյանի անունով է կոչվել Գավառի երաժշտական դպրոցը[2]։ Հանդես է եկել տարբեր անսամբլներում՝ Մստիսլավ Ռոստրոպովիչի, Ռ. Բարշայի, Լեոնիդ Կոգանի, Սվյատոսլավ Ռիխտերի հետ[3]։
Պարգևներ
- ՀԽՍՀ պետական մրցանակ, 1965