Հայրենիք կուսակցություն (Հայաստան)

«Հայրենիք» կուսակցության հիմնադիր համագումարն անցկացվեց 2020 թվականի մայիսի 20-ին, Երևանում։ Արթուր Վանեցյանը միաձայն ընտրվեց կուսակցության անդամների կողմից որպես կուսակցության նախագահ։

Կուսակցության նախագահ Արթուր Վանեցյանը Հայաստանի ԱԱԾ նախկին տնօրենն էր^[2][3]։ Հայաստանի վարչապետ Նիկոլ Փաշինյանը Վանեցյանին ազատեց զբաղեցրած պաշտոնից։ Այդ ժամանակվանից ի վեր Վանեցյանը հանդիսանում է Փաշինյանի կառավարության բուռն քննադատողը և կոչ է անում վարչապետին հեռանալ իշխանությունից^[4]։ Վանեցյանը հայտարարեց, որ գործող կառավարությունը սպառել է մարդկանց ճնշող մեծամասնության վստահությունը^[5][6]։

2021-ի մայիսին Հայաստանի հանրապետական կուսակցությունը և «Հայրենիք» կուսակցությունը հայտարարեցին, որ կստեղծեն իրենց քաղաքական դաշինքը, որը կոչվեց «Պատիվ ունեմ դաշինք»։ Դաշինքը ստեղծվեց 2021 թվականի արտահերթ խորհրդարանական ընտրություններին մասնակցելու համար^[7][8][9]։ Ընտրություններում դաշինքը հավաքեց ընդհանուր ձայների 5,22%-ը, ստանալով 7 մանդատ ԱԺ-ում։